[عبدالرحمن العويمري]

قصيدة من الشاعر:سعدي دغمان الرشيدي يهديها إلى بدرالحميدي العنزي

سرياقلم فوق الورق مانت معذور=ونظم حروفك في هدو ورواقة
ملزوم في مدح النشاما ومجبور=اباوفي الواجب تجاة الرفاقة
بالخيريابدر الشويمان مذكور=يامن حفظ بيدية حبل الصداقة
اخذت لك معنا سنوات وشهور=خوة وفا ماهي بخوة حماقة
ايام عشناها وناسات وسرور=وشرواك والله ماندور فراقة
حيث ان فيك الطيب يابدر مخبور=تشفق على كسب المعالي شفاقة
وربعك رجال(ن)بالمراجل لهم دور=ناسن يعشقون المراجل عشاقة
وحنا هل الخوة فرج كل معسور=النا مع العلم الجميل انطلاقة
خوينا ما يشتكي الذل والجور=وفية المنافق ماسمعنا نفاقة
ولانلحق الطيب مذمة ولاقصور=نعمين برجال الحسب والعراقة
وقبل الختام نقول بالخير مذكور=ياحافظ(ن) بيديه حبل الصداقه
بنفوسنا دايم لك الخير مضمور=ومن بينا صعب انقطاع العلاقه
وعلى القصيدة لاتقولون مشكور= هذا هو الواجب تجاه الرفاقه

الشاعر:سعدي دغمان الرشيدي

الموضوع الأصلي: ســـــريــــاقــــلـم من سعدي الرشيدي الى بدر العنزي | | الكاتب: عبدالرحمن العويمري | | المصدر: شبكة بني عبس

[سعد الشقل]

صح اللسان الشاعر سعدي بن دغيمان

قصيده رائعه وجزله

وبيض الله وجهكـ على نقل هالقصيده الرائعه يا العويمري

[عبدالعزيز الخياري]

صح لسان الشاعر الرائع

سعدي دغمــان

وسعدي دغمان شاعر له قصائد جزله وارجو ان تزودنا بكل ماهو

جديد لهذا النجم

تقبل تحياتي