[سلطان العايضي]

أحلى الأماني

حبي لها حب لا بعده ولا قبله = يا كود حبٍ تعلق بامر خالقها
والقلب في حبها متقطعه سبله = قليله بحقها لو قلت عاشقها
مع ذكرها يدق قلبي دقة الطبله = والعالم الله يدق لمين خافقها
على رجا وصلها متمسك بحبله = في ثنوة الياس خايف من مفارقها
الجادل اللي خذت قلبي ويتهبله = رعبوبةٍ شبت بقلبي حرايقها
كان اعذب الشعر كثر الكذب في سبله = فيها تصير اعذب الابيات واصدقها
لا ذعذع الغربي اللي هب من قبله = ساعات ليلي تعذبني دقايقها
أسهر تقل كبدي من النوم منديله = وعيني على لذة المرقاد ماشفقها
اخيل مزنٍ تراكم قمت أحسّب له = سحابته شب فيها نوض بارقها
ياالله ياالله يسقي دارها ويله = من شان تستمتع بخضرة حدايقها
يا سعد منهو بحكم الدين تكتب له = يسعد بدنياه وأحزانه يفارقها
أعيش مع ذكر ذاك اليوم وأطرب له = أحلى الأماني عسى ربي يحققها

زياد زيد البقمي

الموضوع الأصلي: أحلى الأماني | | الكاتب: سلطان العايضي | | المصدر: شبكة بني عبس

[سعد الرشيدي]

نقل رائع

الاخ الصحفي المبدع

سلطان العايضي

اشكرك على حسن الاختيار والنقل الموفق

اخوك سعد

[سعد بن عادي]

نقل مميز ورائع أخوي سلطان


لا جديد غير تميزك المستمر

صح لسانك ولسان شاعرها

وجديدك محل اهتمامنا

دمتم كما تحبون

[سعد الشقل]

لاهنت على النقل المميز

وصح اللسان الشاعر البقي

قصيده رائعه وجميله للغايه :eek:

والقلب في حبهـا متقطعـه سبلـه /+/ قليله بحقهـا لـو قلـت عاشقهـا