[ابن الصميدي]

واحد واثنين وثلاثه .. واحفـظ البيـت الاخيـر

صبــآحكم / مسـآئكم
اصـآله مثل ريحة فنجـآل قهوتي لكم
^-^



...القلب دله من غلا .. وظلوع صدري من جمـر




القلب دله من غلا .. وظلوع صدري من جمـر
وطيفك قدوعي والله يبـارك بهالجمـع الغفيـر

اتقول إلى كيف الشعر .. مشتاق تسمعلي شعـر
بصب إلك فنجال لين النوم مـن راسـك يطيـر

لاتقول بس : اشرب ودقق في شطر واحفظ شطر
واحد واثنين وثلاثه .. واحفـظ البيـت الاخيـر

شفت الغلا عقب البطا .. وشلون يأثـر بالبشـر
هذا غيابي عنك .. بين لي عـن اللـي بالضميـر

ماغبت عنك من زعـل ياغايتـي بالمختصـر ؟
قصدي تغلي هل انـا اعني لـك الشـي الكثيـر ؟

ماغاب من ذكر مع العالم ( بمـا قالـو حظـر )
وانته تجيني واكثر اوقاتك مـع الثلـث الاخيـر

طلت جبينك وحدها .. غطت علـى ضـي القمـر
حتى جديلك غار مـن ملمسـه ديبـاج الحريـر

ابيك تبكي لين دمعـك مـن عيونـك ينهمـر ؟
والله ... ؟ ما امسح دموعك لو على قطع المسير

لآن دمعك من مياه النيـل ... وخـدودك مصـر
خليت نهرك لجل يغسل كـل سحـراك الهجيـر

عشان اجيلك وانتزع من غرس محصولك ثمـر
ثمره غلا واشواق تحكيلك .. عن العذر الكبيـر

قد قالو البـدوان فـي ماضـي سنـاواتً غبـر
من لايقدم عذر عـن غيبتـه .. يذبحلـه بعيـر

صحيح غبنا عنك والخاطر ( بغيبـاي ) انكسـر
لاكـن وربـي ياغلايـه مالـك بقلبـي خشيـر

ابك انت حتى في صلاتي تقطـع احبـال الفكـر
وانا اتبسم عقبـه استغفـر مـن الله واستخيـر

اتجاهلـك فـي جيتـك ثـم اتبـاهـا بالكـبـر
ماتدري اني تحت رحمه حدت الرمـش الشطيـر

بالمختصر يعنـي انـا مالـي مطيـر ولا مفـر
واذا عكست الشطر يعنـي لا مفـر ولا مطيـر

.
,
صح لسان شــآعرهـآ
ودي وكامل تقديري لـ قلوبكم
منقول .

الموضوع الأصلي: القلب دله من غلا .. وظلوع صدري من جمـر | | الكاتب: ابن الصميدي | | المصدر: شبكة بني عبس

[آهــذريــبــك]

صح لسان شاعرها

وسلمت ايدي من نقلها لنا !

[يوسف محمد.]

صح لسان شاعرها
ومشكور على النقل الراااااائع

[سـعود المضيـبري]

صح الله لسان شاعرها

والف شكر لك اخوووي على النقل الراااائع

[سحايب]

قصيده جد جد رااااااااااائعه
صح السان الشاعر
وسلمت يمناك على منتقيت
من جمييييييييييييل

[ابن الصميدي]

كل الشكر لتواجدكم وتعطيركم متصفحي ..!


مانحرم منكم ..!

[جفاا]

قواك الله على النقل الرائع

[تعبت منك]

أبيااات رااائعه
.
.
.
سلمت الايادي