[نوض القحطانية]

اسمحو لي بأن اطرح هذه القصيدة والتى اتمنى من كل قلبي
ان تليق على اعجابكم واستحسانكم ....

يالله يالي ماش شيٍ يعوقه=يالواحد الي له نسوق التهاليل
يالي ليا من ضاقت علينا طروقه=نرفع ايادينا من الذل والويل
يامرسلٍ غيمٍ تكاشف بروقه=يامسقي الهجف العجاف المهازيل
ياحافظ الي ذاهباتٍ حقوقه=مع هجعة الممسين في ظلمة الليل
انك تعز الدين مما يطوقه=من شـر سودان القلوب المغاليل
وانك تجيب الدين بزها شروقه=وتضفي عليه ثياب عدلك عن الميل
وانك تجازي كل يدٍ سروقه=وانك تجازي صاحب الكيل بالكيل
وترد بيتٍ مالنا في لحوقه= عجزو عنه كل الرجال المشاكيل
القدس ... ياويح النفوس الحروقه=ادخل على ربي من الهم والحيل
وادخل عليه من القهر والمحوقه= ومن صيحة الحرة تحت سطوة الغيل
مافيه غيرك يالولي وانت فوقه =ترسل عليهم جندك طيور ابابيل
ولاً؟....تنزًل صحوةٍ لك سبوقة=تعدل المايل على صهوة الخيل
الين ياتي موثًقاتٍ وثوقة=وعليه صارن الدقايق مجاليل
حنا هل الدين المبجل وطوقه=اهل السيوف الي نعدل بها الميل
حنا اتباع الدين منذو شروقه=اهل القنا واهل المهار المشاويل
الحرب لاقامت طمرنا بسوقه=بالدين وعزوم الرجال المشاكيل
اهل الوفا واهل النفوس الخلوقه=هم ذخرنا لاكملن المحاصيل
يالله يالي ماش شيٍ يعوقه=يالواحد الي له نسوق التهاليل

كلمات اختكم /نوض القحطانيه

الموضوع الأصلي: يامرسلٍ غيمٍ تكاشف بروقه ... | | الكاتب: نوض القحطانية | | المصدر: شبكة بني عبس

[سعد محمد]

اقتباس من مشاركة نوض القحطانية يالله يالي ماش شيٍ يعوقه=يالواحد الي له نسوق التهاليل

سبحآنه ..

قصيده تحمل من الصور الشعريه والمفردات العذبه

لافض فآك على هـذا الكلمآت الجميله .

صح الله لسآنك أختي نـوض القحطانية

وننتظر جديدك .

[يوسف محمد.]

الله على الابداع والكلمات الرائعه الف شكر قصيده جزله

[نوض القحطانية]

سعد محمد
يوسف
شكرا لكم على هذا الاهتمام بالشعر وبالرد
علي المشاركات . شكرا من اعماق قلبي
ولكم اجمل التقديرات والتحايا.
اختكم/ نوض

[السيف القاطع]

قصيده جزله من شاعره جزله من المفردات الرايعه
صح السانك يانوض القحطانيه

[ابن شلال]

وتـرد بيـتٍ مالنـا فـي لحوقـه

عجزو عنه كل الرجـال المشاكيـل

القدس ... ياويح النفوس الحروقـه

ادخل على ربي من الهـم والحيـل

صح لسانك يانوض

[محمد بن صبح]

نوض

صح لسانك قصيدة في قمة الجزاله

لاتحرمينا من جديدك

[عبدالهادي بن صبح]

الله الله

نوض القحطانيه الله يسمع منك ومن جميع المسلمين ويتحرر القدس ويرجع للمسلمين

صح لسانك

قصيدة كلها جزاله وشاعريه

تقبلي مروري نوض