[ناصر المظيبري]

بسم الله الرحمن الرحيم

هجوسي ياهجوسي حلقيبي فـي سمـا الابـداع =وغوصي بحر فكـري واطلعـي دره ولولـوه

هجوس القلب اذاعه والقصايـد كانهـا المذيـاع =مابين الشعر وهجوس الضماير حلـف وعنـوه

نويت اركض مع الطماع وانـا مانـي بطمـاع =وكل اللـي دفعنـي ياجماعـه حـب وحمـوه

يامصعب ضيعت العاقل يامصعب ردة اللي ضاع =واظن الحق ماهو مقنـع اللـي عنـه قـد تـوه

لبس عقل الحسود قناع واصبح يرفض الاقنـاع =يبـا العالـم بكيفـه يقرنـون الحـر والـبـوه

وانا صادق مع الصادق وانا خادع مـع الخـداع =وانا ماني عمى يخدعنـي اللـي ثوبـه ممـوه

اكيل المد لهل المد اكيل الصـاع لهـل الصـاع =ولا بان الخصم قلنـا لـه اللـي تقـدره سـوه

صحيح ابليس ماصلى ولاكـن يـذي الخشـاع =ولا عنده على اهل الحـق لا حيـل ن ولا قـوه

وانا ساقي على رجم المراجل تعشق المطـلاع =ولاتثني عزومي كلمه ن مـن وجـه ن مشـوه

وابي مجامله صاحب ولابغـا فزعـه الفـزاع =مع اني ماتجاهـل واجـب الاخـوان والخـوه

مناظـل واعتمـادي بالكريـم الواحـد المنـاع =ظيم ن مع تياسيـره مـرار الوقـت محلـوه

الموضوع الأصلي: قصده (حلقيبي في سما الابداع) | | الكاتب: ناصر المظيبري | | المصدر: شبكة بني عبس

[ناصر المظيبري]

ارجو من الاداريين تنسيق القصيده وشكرأ

[سعد محمد]

كلمآت جميله

صح الله لسآنك ياناصر .

/
وراح اخبر الإدره بتنسيق .

شكراًلك ,

[الاجهر]

صح السانك لاهنت

[تعبت منك]

كلمآت جميله

صح الله لسآنك ياناصر

[سهل الرشيدي]

صح السانك لاهنت

[الشريف]

ولابي مجامله صاحب ولابغا فزعه الفزاع=مع اني ماتجاهل واجب الاخوان والخوه

[بنك الشعر]

[صح لسانك
وجزله من جزل