[سعد الشقل]

العمدة

فوق راس الجحش مزن الغضب مستهلي=البـرد بالمقـادم والصواعـق تسوقـه
من توخر بماجوبـي ماهـو صاحبلـي=بار فيـه بعـد ماقمتلـه فـي حقوقـه

عميد الشعراء

احسب انك ترحب واحسب انك تهلّي=اثرك اللي يوكلك الصديـق وتبوقـه
انتبه من ضليمة شخص صائم مصلّي=لايعوقك عن المقصـود والا تعوقـه

العمدة

ليه اهلي وبيتك عن طريقه يزلي=احسبن النوايا ياجحشنا صدوقه
لا تدخل بشخصن عزوته عزوتلي=كل علمن يفرح مالك الله تذوقـه

عميد الشعراء

والله اني فرحت ومنهجك جايزلّي=من تراجع عن الباطل توفاّ حقوقه
وانت لولاك والله ماتدخلت كلّـي=لكن البن الاشقر ماتعداك سوقـه

العمدة

فرحتك ياوسيـع المعرفـه فرحتلـي=ولا تطاوع بناصر من يلوي شدوقـه
وبنت ابو زيد ذا الليله ترى عشقتلي=والك منها الربع والغير عنها مخنوقه

عميد الشعراء

اشهد انك تونّس واشهد انك تسلّي=لكن العود نوب يضيّق الخلق نوقه
وانت باللي بقاء خلّك بعيرٍ مفلّـي=ويمكن الربع تنزل بركة الله فوقه

العمدة

اي هاذي وناسه وضح الهرج قلـي=قلب صاحبك وشبك قمت تشلع عروقه
بين طيب ومشكـه ياولـد حاصللـي=نيت الجحش ماضتي تعود صدوقـه

عميد الشعراء

اقصد اني لو العب معك ماطفش واملي=وصاحب المعرفه مالي دخل في خفوقه
لا تغـلا عليـه خـل عنـك التغلّـي=والمشكه تراها فيهـا ملامـه وتوقـه

الموضوع الأصلي: العمدة وعميد الشعراء ((الجحش)) | | الكاتب: سعد الشقل | | المصدر: شبكة بني عبس

[ناصر خنيفر]

سعد بيض الله وجهك على تنسيق المحاوره ولاهو غريبه عليك العلم الطيب شكرا

[أنكسارحلم]

بيض الله وجهك ياسعد
على تنسيق المحاورات التي تقام في هذه الشبكه العبسيه
وهذا يدل على اهتمامك على المنتدى الذى كلفت بالاشراف عليه
ودائما الرجل المناسب في المكان المناسب

تحياتي لشخصك الكريم

[مساعد عواض]

بيض الله وجهك ياسعد
على تنسيق المحاورات التي تقام في هذه الشبكه العبسيه
وهذا يدل على اهتمامك على المنتدى الذى كلفت بالاشراف عليه
ودائما الرجل المناسب في المكان المناسب

تحياتي لشخصك الكريم




اخوك مساعد

[علي الهيفي]

صح الله لسان الشاعرين ولاهو غريب عليهم المعاني المثمره