[سحايب]

الحزن ماله بعض الاحيان , تفسير


. . . . . . حتى ولو يترك بوجهك .. علامه



يلي تعبت .. امن الجفا و المعاذير !
. . . . . . مثلك كبيــره طيحته , و انهزامه !



هذا انت تقطع للطموح .. المشاوير
. . . . . . وتـذّب هامه ثم تطمح .. لـ/هامه



لا تقول حزنك غير , قل طيحتك غير !
. . . . . . واكسر خضوعك .. بالصبر و إبتسامه !


واليا ظميت , وما بقا للصبر .. بيـر !
. . . . . . إرسم على حد الرجاوي .. غمامه !



بتشوف في رمضى زمانك , تباشير
. . . . . . وبتطير من غصن الأماني .. حمامه



عيش ا/متفائل و اعرف ان ربك كبير
. . . . . . ما ظـام منهـو , جاير الوقت .. ظامه



على الأقل , صبرك على الحزن تكفير !
. . . . . . عن ذنب معمي , عين قلبك ظلامه !



وكذاب قايل .. دنيَتك ما بها خير !
. . . . . . { لله حكمه , في تصرف أنامه }



عشنا بذي الدنيا , و نبقا مسايير !
. . . . . . وكل ٍ بيحصد , مازرع من أثـامه !



و عمر البنادم , حتى لو يبطي قصير
. . . . . . و يعيش له ذكره .. و تدفـنْه خامه !



و أنا .. ولو كثِرت علّي المخاسير
. . . . . . يكفي ضميري , ما خسرت إحترامه !



ومدري وش إلّي صار , أو ويش بيصير !
. . . . . . تــايه , على حـد الأمل .. و إنعدامه



تصدق لي الدمعه , ليا خان تعبير
. . . . . . و إليا تباطا , جفن عيني .. منامه !



ويضيع بالي .. بين سجّه و تفكير
. . . . . . ولا كسبت .. إلا التعب , و إهتمامه



ويلعب بي الغربي , ليا ذعذع عصير
. . . . . . و أفقد خفوقي .. لا سرابه هيامه !



ياوين ابلقا .. يـ/ آخر الصد تبرير !
. . . . . . للي ترك , في خد الأيـام .. شامه !



اقفا و قصّر بي .. ولا جاه تقصير
. . . . . . وشلون حتى .. باخل ٍ بي سلامه !



لاشك , يبقا له معـزّه و تقديـر
. . . . . . و ما زال , ذا قدره .. و هذا مقامه



و يا صاحبي , لو إخذلـتـْك المقادير
. . . . . . لا تنكســر , لو كان .. مابه سلامه



شفني خسرت كثير و كثير و كثير !
. . . . . . ومازلت أعيش .. و راس مالي كرامه !

الموضوع الأصلي: لاشك , يبقا له معـزّه و تقديـر . . . . . . و ما زال , ذا قدره .. و هذا مقامه | | الكاتب: سحايب | | المصدر: شبكة بني عبس

[سند الداموك]

رووووعه ذا القصيدة

تسسسسلمين دمعة على النقل

[ابوصالح لرشيدي]

يعطيك العافيه يادمعه ..
قصيده جزله وطيبه ..
صح السان شاعرها وسلمت يد ناقلها ..
تقبلي مروري تحياتي لك ..

[المشعل]

رائعه يادمعه ..
صح السان شاعرها وصح ذوقك واختيارك
ولاهنتِ

[النمر1012]

صح اللسان شاعرها وتسلم يمين ناقلها رورعه روعه يادمعه
قصيده في قمه الروعه
لاشك , يبقا له معـزّه و تقديـر
. . . . . . و ما زال , ذا قدره .. و هذا مقامه



و يا صاحبي , لو إخذلـتـْك المقادير
. . . . . . لا تنكســر , لو كان .. مابه سلامه



شفني خسرت كثير و كثير و كثير !
. . . . . . ومازلت أعيش .. و راس مالي كرامه

[تعبت منك]

يعطيك العافيه يادمعه ..
قصيده جزله وطيبه ..

[ابن صقعان]

دمعه اختيار موفق لاهنتى على حسن الاختيار

[سحايب]

سند.. المشعل.. ابوصالح ..تعبت منك..
النمر...ابن صقعان ..اسعدني مروركم
لكم خالص شكري ولاهنتم جميع
مروركم هو الارقى والاجمل........