[زايد بن عدله]

السلام عليكم ورحمة الله وبركاته
إهداء للشيخ فضي ابن شويط البراك من الشاعر زايد ابن عدله

==========================================
من هاجسً لامن بداء كلً يقول الله عليه=احيان يصرف من ذهب واحيان ينحت في صخر
سلام تسليمً صريح اليا فتحت الباب فيه=ادخل معه بحر التفاخر مع هوامير الشعر
شاعر بحر كن المعاني يوم تقبل وتحديه=شعب السعوديه نهار استقبل أولاة الامر
ماجامل بميقاف ربعه لاضعيف ولا سفيه=وأشد من وقع الصواعق بيته شعره لا ظهر
كن القصايد كل مايسبك بحرها بمايبيه=بنات شيخً تنتظر عقد النكاح مع المهر
مايمدح الا شيوخ قوم وروس قومً تحتفيه=واليا وقف وقفة ملك واليا ضرب ضربة صقر
سلام ياشيخً جمع باليلك بيضان الوجيه=سلام ياشيخً جمع شعار وشيوخ وجبر
سلام يأهل المعرفه والذوق والعلم النزيه=سلام فيه من العسل وشوي فيه من الدرر
بعد اتصل فينا فضي في دعوته لازم نجيه=مايهمنا طول الطريق ولاتكاليف السفر
لان الكرم والجود بيتً في ظلاله يحتويه=لانه من شيوخ الشجاعه والحميا والسطر
لانه فضي وقت اللقاء في موقفه ماله شبيه=احيان اقول انه جبل واحيان اقول انه بحر
لانه فضي شيخً من شيوخ القبيله نقتديه=شيخً نعرفه قدها واقدودها وادهى وامر
لانه فضي سفيرنا بالعز والعلم الوجيه=تراه خيراً من يمثل دولته بدو وحضر
لانه فضي واسمه فضي في كل حرفً نبتديه=اسمه ثلاث حروف نشرح كل حرفً في سطر
الفاء فرق عن جيله بحلمه وعلمه وابيديه=والضاء ظفر بالمرجله والعز وعلوم الفخر
والياء يشرّف لابته وبلاده ومايحتويه=هذي حروف اسمه تمعّن في حروفه وأعتبر
يالايمي لاتلومني لاسهبت في مدح النبيه=المدح في شروى فضي مايضّمه مجلد حصر
واختامها لو رحت اطاوع فكري بمايشتهيه=ان كان عديت القصيده فوق خمس أمية سطر
=======================
إهداء من اخوك الشاعر زايد ابن عدله

الموضوع الأصلي: إهداء للشيخ فضي ابن شويط البراك من الشاعر زايد ابن عدله | | الكاتب: زايد بن عدله | | المصدر: شبكة بني عبس

[سند الداموك]

صح لسانك شاعرنا زايد واعتلى شأنك

وفضي يستاهل كل خير

تحياتي

[ابوتوتو]

مشاء الله عليك
ابيات من صخر فعلاً
يستاهل الممدوح
وصح لسانك

[ابن اخزيم]

صح لسانك يابن عدله

ويستاهل ابن برااك

المدح

[زايد بن عدله]

سند الداموك مشكور على مرورك ويستاهل ابن برااااك

[زايد بن عدله]

ابو توتو مشكور على مرورك ويستاهل ابن برااااك

[زايد بن عدله]

ابن خزيم مشكور على مرورك ويستاهل ابن برااااك

[ناصر الرشيدي]

صح لسانك
اشهد انك كفو
وفضي يستاهل
والقصيده لها ختم التميز