[خياااله]

غاب نـور الحكايـا بالوجيـه وسرحـت
وانت مسرى على رجل المعـذب طويـل
ليتني قبل لا اقفي عن عيونـك سمحـت
هاك دمعي علـى كـف الـوداع النحيـل
اعتبرنـي مدينـة جيتهـا واستـرحـت
قبل تملـى عيونـك بالسحـاب ويسيـل
اعتبرني دمـوعٍ فـي عيونـك وسحـت
واعظم الجود دمعه من عيـون البخيـل
كنت صادق ولكن ليه منك انجرحـت ..؟
اتعب الكون صمتـك لا تصـد وتخيـل ..
عنك دربي يطول وكل ما امشيـه طحـت
حسبي الله على طعونـك ونعـم الوكيـل
بعد ما صرت تملك كل مـا فـي رحـت
مـال ظـل الغـرام وحـان رد الجميـل
قبل لا اشرب ودادك في ضلوعي نزحـت
عذرك ابرد مـن النسمـه بجـوٍ عليـل
تصفر الريح غربه في غصونـك وبحـت
عيش عمرك مسافه بيـن صبـحٍ وليـل
ضعت ما ادري انا اللي ضقت والا فرحت
كان باقي تحـت جـذع الامانـي مقيـل
لو يمر الحنيـن الصـب حيـن اتضحـت
بين عوج الضلوع وبين طلع النخيـل ..
اشبع الحزن صوتي كل مـا مـل نحـت
وانت تاخذ وتركينـي علـى المستحيـل
كم عشاني خطيت وكم عشانـك دمحـت
لو تجـف المدامـع مـا يبـور الهزيـل
تدري اني عطيتـك روح لكـن مسحـت
كـل ذكـرى تشـدك للرجـوع وتميـل
رح سترتك سنيـن وبالـوداع انفضحـت
شف تلمس ضلوعـي باقـي لـك نزيـل
وان رموشك تسولف للندى وش لمحت .؟
عط كيانك مجال .. يشوف دمع الاصيـل
دام صدري اناء وفي غرامك نضحـت ..
ما بقى في قوي العـزم للصمـت حيـل
بس أبسأل أمانه قبل تمشي صفحـت..!!
خايف اني مقصـر وانـت عابـر سبيـل

الموضوع الأصلي: عابر سبيل ......... | | الكاتب: خياااله | | المصدر: شبكة بني عبس

[لايطول غيابك]

رووعه ..

سسسلمت يمنآك ي الغلآآ ع الطرح ..

[الـريـم]

طرح رائع .. واختيار اروووع

تسلم يمينك

[عايض حماد بن عريجه]

روووووووووعه شكرا لك على الاختيار

شكرا

[خياااله]

يسلموووووووووووو ويعطيكم العاافيه يارب..

[The monsoon]

صح الله السان شاعرها

عووافي ع النقل

[النمر1012]

صح اللسان شاعرها وتسلم يمين ناقلها قمه بالاختيار
وان رموشك تسولف للندى وش لمحت .؟
عط كيانك مجال .. يشوف دمع الاصيـل
دام صدري اناء وفي غرامك نضحـت ..
ما بقى في قوي العـزم للصمـت حيـل
بس أبسأل أمانه قبل تمشي صفحـت..!!
خايف اني مقصـر وانـت عابـر سبيـل

[تعبت منك]

صح اللسان شاعرها وتسلم يمين ناقلها