[المعزب]

عليك الله وامانه يالمعزب مايجوع الذيب=ولايشكي جراهيد المجاعه وانت في صفه

تعنّز له ذراعك لغشى وجه الوساع الشيب=واخذ ثقل الملام من الرفيق ايميل بالكفه

تحرا حاجته في وقتها كنك تعلم الغيب=وتنحر له ذلول ٍ فخذها ماسوم بالكفه

عليها وسم عبس امورد اعدود الروا الهييب=ملك عرش الوسوم اللي من الضفه ليا الضفه

زمان الناس يملكها صنيع المعرفه والطيب=ولا جال بوطنها غير زين الطبع و العفه

عرجبي طاري ايام الشتا ..حط الحطب يا كليب=وانا ما هد حيلي غير ريش الطير لـــ ..ضفه

تعاقبني حواسيس ٍ تخليني وطن تعذيب = اجر الصوت منها بالخفا والظاهر ألفه

اطالع في مراقيب النوايف والنجوم اتغيب=وانا ادور ذهيب البال وأجمع فيه واصفه

ابا قطع التباعد واليقين ايسد باب الريب = وابا حمل الخيال اليا تعلا الريح ما تدفه

وابا حيد الجبال اليا انطحتها بالنحور النيب=تبركها على صم الصفا وتلاعب الطفه

وابا جر العوا باعلا مضارب عبس وادرا العيب = ولا اسمع كلمة ٍ دائم مراكبها على الحفه

اسمع اسمع ياصاحبي

على الله ياشهب الذرعان وحده والرجاء مايخيب=يزوزع فيه ميزان العمل بالثقل والخفه
وراء الدنيا نهوم احيان نخطيها ونوب نصيب=يموت العبد باسهوم المنايا مالحق شفه
ياليت الجرح لامنه تولى علاجه الطبيب=يخيط فتوق جرحه مايجيب الشاش ويلفه
ليالينا الاخيره نص بيض سنونها تركيب=ولانامن بضحكتها لو ان سنونها صفه
رعاك الله ياليلاَ مضا لو نسهجه تهريب=لو ان اقدام رجلينا حفايا مالها رفه
يلوذ الذيب عن وجه القنوص وياخذ الشعيب=لكن ارضه مقصه فوقها ماضاع اثر خفه
عليها من محابيل الخلا مساحب ام جنيب=خذت وضع امتداد الحرب لون الارض ملتفه
عيون السبع مثل الجوخ ماتحتاج للتشطيب=تشوف الجن يوم الشهب ترفع فيه وتهفه
دخيلك لاتجر الصوت تقطع خطبة الخطيب=ترا نفس المطوع من قنيب الذيب مختفه
لك الله ياشهب الذرعان مايبخل عليك الجيب=واذا يبخل عليك الجيب ابيع الثوب ابو دفه

الموضوع الأصلي: الـــمـــعـــزب يـــرد عـــلى الــســـبــع الــــضـــاري | | الكاتب: المعزب | | المصدر: شبكة بني عبس

[أبو نوح]

حجز درجة أولى

[ابو شرق]

عزى الله ان قصيدة السبع جزلة وفوق الجزلة وقصيدتك يالمعزب تطق الها بصبع صحت السنتكم كلكم وبيض الله وجيهكم

[عاشق الطير]

ياسلام عليك

صح لسان السبع

وصح لسانك ياشاعرنا الكبير المعزب

قصيـدة من الطراز النادر ، وهذي عوايدك ياكحيلان ،،

قصيـدة تستاهل

صحت السنتكم ولا تحرمونا من هذا الابداع

لاهنتـوا ،،

[السبع الضاري]

يلوذ الذيب عن وجه القنوص وياخـذ الشعيـب

لكن ارضه مقصه فوقهـا ماضـاع اثـر خفـه

عليها من محابيل الخـلا مساحـب ام جنيـب

خذت وضع امتداد الحرب لـون الارض ملتفـه

الله الله عليه بالحرام انك تطشها باليم وتروح تلقاهاا
الله واكبر عليك
شاعر ابداعي وهذا اللي خلاني ما انساك بالمهاميه الخالية ههههههههههه
صح لسانك مدد بلا عدد
تحايا اشهب الذرعان يا شاعر الطبيعة
سجل اعجابييييييييييييييييييييييييييييييييييييي

[القلزم]

الله أكبر صح لسانك يالسبع

وصح لسانك يالمعزب

ايه هذا خمني فيك
هههههههههههه

[البعير العماني]

صح لسان السبع والمعزب بدع ورد شعرا كبار

[المعزب]

اقتباس من مشاركة أبو نوح حجز درجة أولى

هذي من عوايدك يابو نوح دايم بالطليعه بس مابديت رايك