[الـريـم]

دق جوالـي وأحـس القلـب يومـه دق .. دق
صفر خمسه خمسه.. وآخـره خمسـه سبعتيـن



قلت في بالي وش الطاري عسى المحبـوب رق
من ثمان شهور ما يسأل عسى الطـاري حنيـن

المهـم أنـي ذكـرت الله .. وقلـت الله حــق
واضغط الزر المحدد .. سم .. عفوا .. أنت مين؟

قلتها وأنـا أعرفـه ميـر الثقـل حـل وسبْـق
قال أنا اللـي متصـل وأرجـوك زيّنهـا تزيـن

قلت ( يعني) قال يعنـي شوفنـي ميـت زهْـق
ودي أسولف معك من غير جيـم وغيـر سيـن


قلت تآمر قـال تسلـم وابتـدا كشـف الـورْق
واسمعه دق (السبيكر) قلت .. عونـك يامعيـن

قال وش حالك عساك بخير .. قلت الخيـر طـق
من عقب فرقاك يا قاسـي غـدا حالـي حزيـن

قال قلبك وش علومـه .. قلـت قلبـي أحتـرُق
ما قـوا هجـرك ولا بعـدك ولا قهـر السنيـن

قال كبه .. قلت أكبه .. قـال والمركـب غـرْق
قلت مركب ايش هذا .. قـال طحـت بهالكميـن

ماني بصاحبك بس أرجـوك مـن يسبـق لبْـق
انت اسلوبك عسـل وانفـاس حكيـك ياسميـن

بالغلط دقيـت .. وأحمـد ربـي الـرازق رزْق
والله أعلم انـك مشبـه علـى شخـص ثميـن

قلت لحظه ماهي الدعوه صحـن خبـز ومـرْق
اصبر اصبر خلني أعرف مكـان اللبـس ويـن؟

قمت أراجـع رقمـك الموجـود واشوفـه فـرْق
أنت خمسه سبعتين وذاك سبعه خمستيـن!!

^


آليمه

الموضوع الأصلي: دق جوالي صفر خمسه خمسه ؟! | | الكاتب: الـريـم | | المصدر: شبكة بني عبس

[مرتاحه دومز]

رؤؤؤؤؤؤؤؤؤؤؤؤؤعه بجد

يعطيك العافيه عـ الطرح

[آلنجم]

قال قلبك وش علومـه .. قلـت قلبـي أحتـرُق
ما قـوا هجـرك ولا بعـدك ولا قهـر السنيـن

صح السان شاعرهالكن
سلمت أيدي ناقلها

[نايف ابن عليثه]

لآحوووول

وش هالقرآده

/

جد مؤلمه

وشكروون لتس ..

[بندر الشويلع]

صح لسان شاعرها
وشكراً ع النقل المميز .

[أبوحازم]

الله يجزاك خير

[عليان علي]

قال قلبك وش علومـه .. قلـت قلبـي أحتـرُق
ما قـوا هجـرك ولا بعـدك ولا قهـر السنيـن

صح السان شاعرهالكن
سلمت أيدي ناقلها

[أحمد بن سلهود]

احفظ الارقام على شان اللخبطة بعدين؟ اوتدري لاتحفضها لاجل الابداع وشكرا