[صعصعة]

مـــنـــاســبة القـصيده:
كان الشاعر مسجون

ماراً من أحد الممرات وفي ذلك الممر كانت
( ريم وأمها ) داخلين لزيارة سجينهم
والشاعر سمع صوت الأطفال فتذكر أبنائه
فدمعت عينيه
فرأته ( ريم ) فقالت ريم لأمها :
( يمّه الرجال يبكي !! ،، فقالت أمها زاجرة : ريم !!! )
عندها ،، كتب الشاعر هذه القصيدة



أبــكـي وعـيني تـسـهر الليل يـاريم
مدري بلاها الشوق ولا الظلـيمـه
يـاريم دمعي على الـعـين مدري على الريم
ولا عــلــى قــلـبـن تـــواكــل صـمــيمـه
تــقول لا طــمنـي عــلى نونــهـا سـيم
أبــكــي وعــنــدي لازرق الدمع قيمه
ويـمـكن يكون الدمع للعـين تـكريم
ويـمـكن يــكون ألـها عــذاب وحـريمه
والله يــالـو لا دمــعــتـن كــنهــا الريم
راحــت ضـلـوعي من عـذابي حـطيمه
ودام الــبكـا يـاريـم مــافـيـه تـحريم
يــاعـنـك والله لارخـص الــدمع شيمه
وأبــكي عــلـى حــالي من الوجد وأهـيم
لـــيـن الــزمـن يــخـلـف عـلـيه نـسيمه
أبــكي حــياتـن صـافـيه مــابـهـا غـيم
ويـن الـمحـبـه والــقـلوب الـسـليمه
أبــكي قـهـر وأبــكي من الـغـبن والضيم
وأبــكـي من طـعـونن بـقـلـبي قـديـمـه
غـدر الـزمن خـلـى بـوجهـي مراسـيم
ومــايــذبـح الـرجـال مـثـل الـهـزيمـه
بـعـض الـمصـايب شـرها يـاكـل الهيم
وشـلـون بـكبود الـرجال الكـريمـه
وبــعـض المـصـايب يـخـلفن المفاهيم
تـبـقى عـلـى ماقـيل صـبر وعـزيـمـه
مــظـلوم بــالـدنــيا وغــيري مـظاليم
من عرض نـاسن لـبسوهم جـريمه
مــاعـاد أبـي من سـود الايـام تـعليم
عقب العذاب اللي كــلانــي جــحـيمــه
ولــو تــصفـي الــدنــيا عــلي المــلازيــم
مــاعــاد أدور من وراهــا غــنـيمــه

الموضوع الأصلي: أبـــكـــي وعـــينــي تــسـهـر الـلـيـل يــاريــم | | الكاتب: صعصعة | | المصدر: شبكة بني عبس

[ابـومـتعب]

ههههههههه ماضني هذا سبب القصيده ياخويي

[ابـومـتعب]

هذي القصيدة من القصائد المحببه لي قلبي والريم شيء ثاني في حياتي

يسلم كفك ولاحول ولاقوة الا بالله العظيم هذا الزمان ناس تظلم وناس مظلومة
لاهنت يالغلا

[صعصعة]

هههههههه ... سببهااا واضح وها لقصيده أتضحت أزياده
المسجون ...قالها من حر مافيه ويوضح لك

[ابـومـتعب]

هههههههه داري هههههه طيب تعرف كاتبها؟؟

[سولاف]

قصيده رائعه


صح لسان الشاعر


وسلمت اناملك هواجيس الذكرى على النقل

[صعصعة]

يعطيكم الف عاافيه على المرور
لكن ابو متعب كاتبهاا اختلفوو فيه
الاسم واحد لكن القبيله غير
اسمه ممدوح

[ابـومـتعب]

ايه اشوى انه ممدوح
مــظـلوم بــالـدنــيا وغــيري مـظاليم
من عرض نـاسن لـبسوهم جـريمه
مــاعـاد أبـي من سـود الايـام تـعليم
عقب العذاب اللي كــلانــي جــحـيمــه
تسلم كفك ع النقل والتوضيح ومشكور ياصويحبي لانك تحملتني خخخخخخخخخ بس القصيدة تقرب لي كثير ولاكان ماسالت عنها ياخويي