[سلطان العايضي]

اعضاء وزوار منتدى شبكة عبس لا يسعني بهذا المنتدى الا انقل لكم هذي القصيدة التي اعتبرها وسام على قلب كل سعودي عايش على الكرة الارضيه
بكم تستبشر ديار الشمال

بدينا من قبل قول القصيده بالله المعبود =جليل الملك والخلاق والرزاق سبحانه
إلى منا دعينا ربنا والا قصدنا ما علينا قيود =يقال الشعر بحر لكن القيمه بمرجانه
طلبنا المستجيب لمن دعاه يحقق المقصود =عظيم الشان ما سكر عن المخلوق بيبانه
طلبنا الغيث من رب كريم وينصر آل سعود =ملوك من ملوك ينصرون الدين واركانه
عسى الله يرحم موحد بلدنا والجميع شهود =لابو تركي وكل بالدعا له يلهج لسانه
رحل جعله بجنات النعيم وفي قفاه سعود =وفيصل هو وخالد كل منهم زايد ايمانه
وفهد مرحوم لكل العوض بالبيت صار فهود =تولّى الملك عبدالله وشد العضد باخوانه
ليا عدوا هل النخوه براس القايمة معدود =ماهو حكي وكلام اعلام فعله صار برهانه
وفي جنبه ولي العهد سلطان الفخر موجود =ابو خالد وابو كل المكارم عالي شانه
نعم سلطان هو نبع العطا وفيه الوفا معهود =تحمل للأمانه كل لحظة والعهد صانه
وفي عيال الموحد دايم حبل الأمل معقود =مثل مشط الذخيره توصف الهيبه على اسنانه
لكم ياخوان نوره قبل تقديم الشعر والعود =نقدم قبلها قلوب من الاخلاص مليانه
ترانا ما نلام إذا عليكم سمي المولود =يقولون بمثل ما طار طير إلا بجنحانه
فخرنا ببكر بن وايل وتغلب بالكتب مرصود =امجاد الوايليه وعنزه مقرونه بخانه
بكم تستبشر ديار الشمال وما يسمى للشمال حدود =يفيض بحبكم يا فخرنا عرعر ووديانه
منارات تكبر حمد لله والفراش ورود =مع عقال مميل والمهيجن جرب الحانه
باسم أهل الشمال ومن بذل للجهد والمجهود =نزل صحرا وهي مورد بوادي واصبحت دانه
ابو خالد يحييكم ويستقبل ومعه وفود =شيوخ العلم وشيوخ القبايل والبلد كله مع اعيانه
حيا الله خادم البيتين نور العين راع الجود =ملك لكنه إنسان العداله راس عنوانه
رعى الطفل اليتيم السايمي عقب التصق مفرود =تكفكف دمعه يدينه وبل كبود ضميانه
هلا بجية حبيب الشعب سامع صيحة المضهود = تراعينا عيونه والقلوب البيض فرحانه
هلا بصقر العروبه فيك نستبشر بخير وزود =هلا باللي لشعبه دوم فعله يسبق اعلانه
هلا باللي ليا منه عرض بالجوخ والماهود =يهز السيف بيدينه وهز قلوب طربانه
هلا يا فخرنا يا ذخرنا وقت الليال السود =وفانا من وفاه ولا نسينا سابق إحسانه
ترانا لو تقاعدنا وجلسنا لا نزال جنود =وبعدنا عيالنا لا ثور البارود دخانه
مسيرتنا معاكم يا ملكنا من وصاة جدود =جسد أو قلب واحد الجميع اطراف شريانه
إلى من غاب شبل أشبال تبقى والصبر محمود =عسى الله يشمله برضاه والرحمة وغفرانه

مشعل بن قيقان الجبوري العنزي

ولكم مني جزيل الشكر

الموضوع الأصلي: قصيدة تجمع حكام المملكة العربية السعودية | | الكاتب: سلطان العايضي | | المصدر: شبكة بني عبس

[سعد بن عادي]

سلطان مافيك حيله


تجبر القارئي على أحترامك

فعلا قصيدة شامله وكامله والكامل وجه الله سبحانه

بيض الله وجهك وصح لسانك ولسان شاعرها العنزي


دمتم كما تحبون

[سلطان العايضي]

اقتباس من مشاركة سعد بن عادي سلطان مافيك حيله تجبر القارئي على أحترامك فعلا قصيدة شامله وكامله والكامل وجه الله سبحانه بيض الله وجهك وصح لسانك ولسان شاعرها العنزي دمتم كما تحبون

.................................................. .................................................. .........................
ابن عادي شكرآ لك على هذي الشهادة التي تشجعني بها واعتزبها من سموكم

[ابوباسم الذيابي]

مشكور اخوي سلطان على نقل القصيدة الرائعه والجميله في جميع معانيها

تحياتي لك

[ثامر النجار]

سلطان

لا هنت على هذا النقل

صح لسان شاعرها

وقصيده رائــعــه

وتقبل سلامي

[مسندالعويمري]

	ترانـا لـو تقاعدنـا وجلسنـا لا نـزال جنـود=وبعدنـا عيالنـا لا ثــور الـبـارود دخـانـه مسيرتنا معاكم يـا ملكنـا مـن وصـاة جـدود=جسد أو قلب واحـد الجميـع اطـراف شريانـه تحياتي لك سلطان

[أبونواف]

الله يعطيك الف عافية اخوي سلطان على نقل القصيدة الرائعه والجميله في جميع معانيها

تحياتي لك

[سلطان العايضي]

ابو نواف

مسند العويمري

ثامر النجار

ابوباسم الذيابي

تسلمون على المرور