[عيد بن عبيد]

( سلايل عبس )


اهداء من الشاعر غالب ابو كتيفه الي قبيلة بني رشيد خص بها " ساحة الشعر الاخبارية " وقد كان لنا شرف نشرها مرحبين بكل من يحملون مشاعر الوفاء لاخواننا واخوانهم من جميع القبائل العربية .

الدعوة اللي من سلايل عبس ما عنها صدود=ربع ٍ على طيب السلوم تزورنا ونزورها
بني رشيد اهل الفعول الغرّ من عهد الجدود=تستاهل السبعين نعم غيابها وحضورها
ما يعتقب ليل ونهار وما يهز الغصن نود=سلام يا شقر الحرار اللي هناك وكورها
سلام ياللي ضيفكم يقلط على شطّ القعود=ياهل الكرم والجود في يسر السنين وجورها
ياهل القصور اللي بها كيف ٍ يدار وطيب عود=وياهل دلال ٍ ما تبات ولا تبات نجورها
رجالكم ما له حدود وطيبكم ماله حدود=قبيلة ٍ تاريخها يذكر و يذكر دورها
خويكم يرقى سنود وجاركم يرقى سنود=اجواد و الاجواد دايم ما تضيق صدورها
انتم حزام اللي من الايام مونس له لهود=لا نوّخت به سابقه فوق الصفاه بزورها
وانتم مطانيخ الرجال اللي مواقفكم تكود=وانتم مصابيح الظروف ليا احتكم ديجورها
وانا من عتيبه حماة البل ليا ذلّ الشرود=يوم السباع من الجثث تاكل وتترك سورها
نفخر بطيب فعولنا والعود في عين الحسود=فعل ٍ مثل شمس النهار ليا تجلّى نورها
فعولنا يوم الفتيل يشب من قدح الزنود=نقلط على دهم الجموع بما يفج نحورها
حنا عتيبه في نواصي خيلنا النصر معقود=ليا تنادوا يا النشاما شلفكم و ظهورها
نمشي بنمراً نوّها يمطر وعارضها يقود=نمراً يصيب الضلع هزّه من وحم طابورها
هذي حقايق و الحقايق ما يغيرها جحود=صيّورها تبقى على مرّ الدهر صيّورها
يا عيد سلم لي على ربعك عساهم فالوجود=والله يديم افراحها والله يديم سرورها
بني رشيد اهل الفعول الغرّ من عهد الجدود=تستاهل السبعين نعم غيابها وحضورها

الشاعر غالب ابو كتيفه
" ساحة الشعر الاخبارية خاص "

المصدر صحيفة ساحة الشعر الاخبارية
http://www.y-poetry.com/articles.php?action=show&id=82

الموضوع الأصلي: ( سلايل عبس ) أهداء من الشاعر غالب أبو كتيفه لقبيلة بني رشيد | | الكاتب: عيد بن عبيد | | المصدر: شبكة بني عبس

[كاتب الرشيدي]

اقتباس من مشاركة عيد بن عبيد ( سلايل عبس ) اهداء من الشاعر غالب ابو كتيفه الي قبيلة بني رشيد خص بها " ساحة الشعر الاخبارية " وقد كان لنا شرف نشرها مرحبين بكل من يحملون مشاعر الوفاء لاخواننا واخوانهم من جميع القبائل العربية . الدعوة اللي من سلايل عبس ما عنها صدود=ربع ٍ على طيب السلوم تزورنا ونزورها بني رشيد اهل الفعول الغرّ من عهد الجدود=تستاهل السبعين نعم غيابها وحضورها ما يعتقب ليل ونهار وما يهز الغصن نود=سلام يا شقر الحرار اللي هناك وكورها سلام ياللي ضيفكم يقلط على شطّ القعود=ياهل الكرم والجود في يسر السنين وجورها ياهل القصور اللي بها كيف ٍ يدار وطيب عود=وياهل دلال ٍ ما تبات ولا تبات نجورها رجالكم ما له حدود وطيبكم ماله حدود=قبيلة ٍ تاريخها يذكر و يذكر دورها خويكم يرقى سنود وجاركم يرقى سنود=اجواد و الاجواد دايم ما تضيق صدورها انتم حزام اللي من الايام مونس له لهود=لا نوّخت به سابقه فوق الصفاه بزورها وانتم مطانيخ الرجال اللي مواقفكم تكود=وانتم مصابيح الظروف ليا احتكم ديجورها وانا من عتيبه حماة البل ليا ذلّ الشرود=يوم السباع من الجثث تاكل وتترك سورها نفخر بطيب فعولنا والعود في عين الحسود=فعل ٍ مثل شمس النهار ليا تجلّى نورها فعولنا يوم الفتيل يشب من قدح الزنود=نقلط على دهم الجموع بما يفج نحورها حنا عتيبه في نواصي خيلنا النصر معقود=ليا تنادوا يا النشاما شلفكم و ظهورها نمشي بنمراً نوّها يمطر وعارضها يقود=نمراً يصيب الضلع هزّه من وحم طابورها هذي حقايق و الحقايق ما يغيرها جحود=صيّورها تبقى على مرّ الدهر صيّورها يا عيد سلم لي على ربعك عساهم فالوجود=والله يديم افراحها والله يديم سرورها بني رشيد اهل الفعول الغرّ من عهد الجدود=تستاهل السبعين نعم غيابها وحضورها الشاعر غالب ابو كتيفه " ساحة الشعر الاخبارية خاص " المصدر صحيفة ساحة الشعر الاخبارية http://www.y-poetry.com/articles.php?action=show&id=82

الله أكبر على هذه العصماء من القصائد بغض النظر عن مدح بني رشيد وعتيبه

هذه شامخة وفيها من المفردات الجزلة مايوحي لشاعرها لأمتلاكه اسلحة الشعر وخيوله

صح لسان الشاعر العتيبي

وماعليكم زود ياعتيبه

وبارك الله بأبو مشاعل على نقل المتميّز لحيثه متميّز

[بن هادي الرشيدي]

صـــــــــــــــــــــــــــــــــــــح لسان شاعرها وتســــــــــــــــــــــــــــــــــــلم يمين ناقلها ،،.

[الذابح]

صح الله السان شاعرها

ولاهنت ياعيد

[البعيد الهادي]

صح السانه وبيض الله وجهه
ولاهنت يابو مشاعل

[نواف البراك]

صح لسان ابو كتيفه وماعليهم زود ربعه عتيبه

ولاهنت اخوي عيد على النقل وعلومك كلها طيب

[The monsoon]

صح الله السان شاعرها


ومشكور ابومشاعل

[سالم الرشيدي]

صــح السـآنك واعتلا شـآنك
مشكور ع الاهدـآء الوـآفي يآلوآفي
ونعم فيك وبقبيلتك
وشكراًً ابو مشآعل ع النقل الرآئع
ولك ودي يسبق ردي