[المكلماني]

اسعد الله مسائكم بالخير والمسرات

محاوره اتمنا ان تنال على استحسان الذائقه الشعريه


المكلماني

سلام الله على ناصر عميد الشعر والشعار=على قاف ن يهيض هاجسه بالبيت ولحونه
سمعت انك ورثة اجنيه من عشرة مية مليار=عساك التاجر اللي ما يخلص باقي ديونه

ناصر خنيفر

هلابك يالمسلم ولك عندي حشمه ومقدار=لون العرف بعد المجرهده حايل ن دونه
ورثة الطيب مثلك ما ورثنا درهم ودينار=وهذا الكنز كل الناس يالصاحب يقولونه

المكلماني

يدوم ابك البقا شاعر علم ولا عليك اغبار=مثل شمس النهار اللي على بطن السما بونه
انا ناوي على فرد ن مع حمزه عليكم ثار=تمنيته على غفله سوات اللي تمنونه

ناصر خنيفر

ترى التمجيد في وجه الرجل ينقص من المعيار=ولكن في غيابي ما نعرف وشو تقولونه
ليا خالفك شر الناس لا تشفق بشب النار=وانا ما راح لي حق ن على شانك تردونه

المكلماني

انا مدحي قدم وجهك يماريبه زحل بيطار=حشاش عرقوب العرب تحميه ناس ملعونه
اشوف العير ما يمشي ياكود ابقيد ولا اهجار=على زوله يورالي يا كثر اللي يحبونه

ناصر خنيفر

مافيه اخلاف شد الرجل بين احزوم ويا قفار=عسى الطرقي ليا مسى ديار ابعيد تمسونه
سلايل عبس ما ضيقبها بالارض صوت احمار=وخل العار مع ربع ن ليا غنا يحبونه

المكلماني

عسى العمده يسامحني ويقبل مني الاعذار=على شطري واثر شطري يهز البيت وركونه
انا ماني سوات اللي تعرض للهبوب وطار=انا مثل البحر يرعب جميع اللي يغوصونه

ناصر خنيفر

قبلنا العذر حيث ان الخطا وارد يابو عمار=ومن واخذ خويه باي غلطه باح مكنونه
ما فيك اقصور لكن لا تحط ايديك وسط الغار=ترى الثعبان لا حصل كفوف ن تقرص سنونه

المكلماني

علام الوضع متكهرب ما بين الناس وسط الدار=وانا خابرك للدستور ريس دوم وتصونه
انا ودي تعلاج علة المجنون وسط اشهار=على شانه حرث بالنار جمره لاجل غليونه

ناصر خنيفر

ترى ما فيه خوف اليا التمس واير فصل تيار=تماتيك الكهارب في يدين ارجال مامونه
وهذي دبرت الله طالع ايمينك وشوف ايسار=ولكن والد ن عيش عياله لا تخونونه

المكلماني

على رجوى الامل عشنا وشفنا موجز الاخبار=وانا ماني معايركم على شين تمنونه
عسى رقم الخمس ميه ليا جيته خذيت اشعار=شاعر الف وانا شاعر عطاه العود لفنونه

ناصر خنيفر

ترج الخير مع طول الزمن تبغا تحصل خار=ولا تعجل ترى السرعه ما فادت من يسوونه
ليا كملة شرط المنتدى خمسه وراها اصفار=عطيناك الطلب وافي وناصر لا ترجونه

وسلامتكم



.....

الموضوع الأصلي: عاجل :- ناصر خنيفر العمده و المكلماني .. | | الكاتب: المكلماني | | المصدر: شبكة بني عبس

[آهــذريــبــك]

صح لسان كل شاعر فيكم

وافين ولافيكم قصور

ولاهنت يالمكلماني على نقلها لنا هنا!

[ناصر خنيفر]

المكلماني مشكور على التنسيق وصح الله الساني ولسانك ههههههههه

[سند الداموك]

محاوره راائعه وصح الله السنتكم

\\

لاهنتم الجميع

[المكلماني]

اشكر الجميع على المرور

[النمر1012]

صح اللسانك يالمكلماني وصح اللسان العمده ومحاوره جزله وشعار جزلين