[سحايب]

ماهي وجوهـهم هاللي أشوف وتشوفين
أقنعه .. كل البشر تلبس وجوه وأقنعه

لو جرح قلبك زمانك مابكا لك فيه عين
وان بكا لك غير قلبك لا تصدق ،، أربعه

شوفني .. وحدي انا والليل مع هم السنين
للهلاك الموت يدفعني ومره أدفعه

الفرح وده يصافحني وماله من يدين
والحزن لملم بقايا حي كفه واجمعه

بالشدايد شوف قلبي ما وقف جنبه رزين
حتــنا مره معه وامرار ما وقف معه

انكسر عزم اليسار ومابقا روح ابـــيمين
بس للحين ابعدوي لو تمسه توجعه

انصدمت بناس واجد و رفقاي الله يعين
اشهد ان الجرح منهم وسط قلبي موجعه

ياعسى قلب الرفيق اللي قسا ،، ليّه يلين
او عسى كلن يروح ويطربه دق اصبعه

غبتنا غصب عليّ و له غلا بقلبي دفين
بس انا ظروفي حدتني ارحل وماودعه

أحشمه لو كان يخطي وعندي الرد السمين
بس يستاهل يروح وماتعرض مسمعه

و آآآآه ياقلبي تحمل يمكن الدنيا تزين
(آه يامبارك عجزت وكل دمي ادمعه)

تكفى ياقلبي تحمل ( وين انا والصبر وين ؟)
بس لو لجلي تحمل لو بكا عرق امنعه

بكتب الحزن ابدموعي فوق خد الياسمين
وانثر احساسي شتات وبندم وبسترجعه

وبحكي للصدق الاجابه لين يسأل وين (سين)؟
وبسأل الصدق ولباس الصدق من هو رقعه

بكتب الكذبات .. إنتي !! هيه ، ياللي تكتبين
تكتبي لي إعترافي ؟ هاااااتي وبا وقعه

إكتبي هذي بعد وان كان ودك تصدقين
إكتبي إني أوطي الشعر بيّدي وارفعه

وإكتبي " قد كان طفل ٍ " يبكي وقلبه حزين
جا يبي يدفا بقلبي ثم سج وّلعه

غاب عني ثم دقيت الغياب وقال مين ؟
قلت انا شخص ٍ بعمره ما لبس له .. أقنعه

الموضوع الأصلي: ماهي وجوهـهم هاللي أشوف وتشوفين....أقنعه .. كل البشر تلبس وجوه وأقنعه | | الكاتب: سحايب | | المصدر: شبكة بني عبس

[الزعيم..]

الله الله .. درر


هالابياتـ ...

دمعهـ صح بوحكـ

[سحايب]

اقتباس من مشاركة شيبوب.. الله الله .. درر هالابياتـ ... دمعهـ صح بوحكـ

صح بدنك مشكورعلى مرورك لاهنت

[جفاا]

رائعه بروعتك يالغلااا
يعطيج العافيه

[سحايب]

اقتباس من مشاركة جـ الغلاا ـود رائعه بروعتك يالغلااا يعطيج العافيه

يعاافيك ربي مشكوره على مرورك الاجمل

[مستشار الذيب]

تسلم يمينك الابيات في قمة الروعه.

[ابن اخزيم]

يسلمو على الابيات الرائعه والجميله لاهني على الطرح والنقل المميز

[سحايب]

اقتباس من مشاركة مستشار الذيب تسلم يمينك الابيات في قمة الروعه.

ويمينك ولاهنت على مرورك الرائع