[خياااله]

السيرة الذاتية :

البدايات لاتنسى .. تعيش في الذاكرة مثل الأحلام .. يقف الزمن عاجزاً أمام كبرياءها وشموخها وجبروتها فيتركها تعيش كما يحلو لها .. يقول فهد المساعد عن بداياته : " في مجلة فروسة وشعر وجدت نفسي أقرأ أسمي لأول مرة على صفحات الجرائد والمجلات .. حدث هذا عام 1999 م عبر قصيدة ( دفتر أوجاعي ) .. شعرت أنني أولد مرةٍ أخرى .. شعرت أكثر بإن نصف أحلامي تحققت .. لا أتذكر بالضبط لماذا أخترت تلك المجلة .. الذي أعرفه فقط أن كبار وعمالقة الشعر كانوا يتواجدون فيها .. أحتفلت بتلك القصيدة كما يحتفل الصغار بالحلوى وهدايا العيد .. فرحت بها كما يفرح الأطفال اليتامى بالأبتسامات الغريبة " .

يكرة فهد أن تطوى صفحة البداية عند هذا الحد .. لدية أقوال أخرى : " بعد مايقارب الأثنى عشر شهراً أستقبلتني فواصل .. فتحت لي قلبها المسكون بشهامة لن تصفها الكلمات .. كريمة مثل أصحابها .. حاتمية الطبع والتطبع .. قالت لي بلسان رجالها ( نحن الضيوف وأنت رب المنزل ) .. أعطيتها ( الطفل والمحارم ) ووقعت تحتها أسم فهد المساعد .. كأن الأقدار أرادت أن لايظهر هذا الأسم أول مرة الا في فواصل .. في فروسية وشعر كان الأسم فهد السبيعي " .

لماذا يخفي فهد المساعد أسم السبيعي الآن ؟ .. أي خوف يعتريه عن أبعاده ؟ .. أي ميزة يجدها من المساعد ؟

" ليس هناك شي يخفى .. المسألة غير خاضعة لقانون الخوف والأمان .. أفتخر بأسمي وأرفع هامتي إلى أعنان السماء لأنني أنتسب لقبيلتي ..القصة ان هناك شاعر آخر بدأ قبلي ينشر بنفس الأسم وأقصد فهد السبيعي وعندما خرجت ( دفتر أوجاعي ) للأضواء تذكرت بعد فوات الأوان أن الناس لاتعرفني .. بالتأكيد هي تعرف الشاعر فهد السبيعي .. من هنا خفت أن أظلمه .. خفت أن أظلم نفسي أيضاً .. خفت أكثر أن أضحك على الناس .. هذا كل شيء " .

يبتعد فهد عن الشعر حتى أشعار آخر .. يبتعد ليرتمي في أحضان الماضي .. شقاوات الطفولة .. جدران المدرسة : " وقفت في طابور الصباح أول مرة في حياتي داخل مدرسة الرمحية .. تعلمت القراءة والكتابة وأغتسلت روحي بعشق أصدقاء أجمل أيام العمر .. في الرمحية وبين حاراتها وتحت سماءها وفوق أراضيها وعلى سواليف شيوخها أنضميت - بلا ذنب أقترفته يداي - إلى أولئك الذين يتبعهم الغاوون فلقد كنت أهذي بكلمات موزونه سرعان ماأكتشف أنها الشعر"

ويستطرد " المتوسطة والثانوية في رماح .. هناك كانت حكايات أحلى .. في رماح كنت ألمس للحياة معنى آخر .. الأنسان حينما يتقدم به العمر يستمتع أكثر .. هذا هو سر الوجود .. بعد السنوات وجدت الأيام تعيدني للعاصمة هذه المدينة الصاخبة التي ولدت فيها وسمعت صرختي الأولى .. أعود أليها لكن هذه المره أعود بجرح لم يندمل بعد .. سيبقى جرحاً حتى يرث الله الأرض ومن عليها .. أنا أنتقل للرياض وأبي ينتقل إلى جوار ربه رحمه أرحم الراحمين وأسكنه مع الأنبياء والشهداء والصديقين .. أعود بعد رحلة 13 عام كانت كفيلة بزرع اليتم في ملامحي .. هذه المره عدت لأضع أقدامي في جامعة الملك سعود .. لم أستمر بالطبع .. تركت حلمي لأدخل معترك الحياه العمليه .. سرقتني السنين .. لكنها لم تسرق حلمي .. الآن أعود لمقاعد الجامعة بطريقة أخرى أظن وظني ليس أثماً أنها تتوافق مع هذا الزمن "

لايؤمن فهد بالإختصار .. يعتبره تجني على المستقبل .. يتفائل : "كيف تكون السيره الذاتيه مجرد تواريخ وأرقام ليس لها أي علاقة باليوم وغداً جئنا لنعيش مرةً واحدة .. مره واحده .. لو عرفنا معنى التجربة الوحيدة لأنتهت كل الأسئله .. أنها واحده فلماذا نضيعها بوقتٍ ذهب مع الريح ؟! .. لماذا نتحسر عليها ونبكي على أطلالها ؟! .. لماذا لانتعامل معها على طريقة أكون أو لا أكون .. إذا سألني أحد .. من أنت ؟ سأقول له .. جئت لأعيش مرةً واحده بقلم : الصحفي والكاتب الأستاذ/ صالح الخليف "








غمازتين وسله


أشتاق / لك
وأوقف على مطلع شعر قلته خبال وراق / لك
وأدوّرك
أنا أذكر أني قلت / لك
الشعر هذا مايليق ..
وجاوبت ِ : لكن لاق / لك

* * *

شيطانه أنتي
ماتحبي من بناتي الا بنتي اللي أنتي فيها بنتي
كم صار لك يابنتي
ماعاد بيّنتي
مدري ليه ! ..
يا أنتي كنتي منتي انتي يوم شفتك !
والا شفتك ..
يوم انتي منتي كنتي أنتي !

* * *

يا اجمل من عيون خل ٍ ينتظر خله
بغمازتين وسله
فيها سحاب وعيد
وطيور مبتله

* * *

آه لو تجي ..
تسقيني الحب الغزير
وأخذها بيديها وأطير ..
مدري لوين !؟
لكن أطير ..
ومتى ماينهكنا الهوى
أذوب وتذوب .. وتمرنا أسراب الغيوم
وأصير أنا غيمه
وتصير هي غيمه
وأسيل أنا فـ وادي
وتسيل في وادي
وأقول للمفرق :
محدٍ سأل عني أو مر من حولك
ويقول لي المفرق :
أسمع سراب أصوات فيها من هطولك
وأظنها كانت
لـ أهل ٍ ينادولك
وأصيح به : تكفى
يامفرق الوادي
أنا هنا مليت
مادلني أصحاب
ولا دلّني غادي
قبل انطفي وأجف
(خذني على بلادي)


تحت الأرض أحبك
مي هذي مثل طلّ الصبـح لأغصـان الحدايـق
يبتسـم قطـر الـنـدى لاباسـتـه أو باسـهـا
مي هذي بنت لامن شفت صدر الليل ضايـق ..
أدري ان عيـون مـيّ اليـوم طـال نعاسهـا !
من هنا تصحى ويصحى الحب في عيون الخلايق
ومن هنا تغفى وتنسى الارض ضحكـه ناسهـا
يسعد الله قلب ميّ اللي كثـر ماهـوب بايـق ..
..من قلوب الخلق..مااذكر مـرّ يـوم وداسهـا
لأن مي أرق بنت..ولو قسـت ماهـوب لايـق
حيّرتني مي..الأجمل : هي..والا أحساسهـا !؟
بالها لاضاق زانت..كيف لامن صـار رايـق!؟
في انتباهتها براءه..كيـف اجـل هوجاسهـا !؟
العمر لو كـان ضحكـه مـي تكفينـي دقايـق
بس اخاف ان مت..تحني مـي فوقـي راسهـا
مي لـو تبكـي لموتـي مالـي الا افـز فايـق
من قبـل لاامـوت أكثر..مـن نشيـج انفاسهـا
مي .. لاتعطين بال لمن يقـول المـوت عايـق
الجسـد موتـه يفـك الـروح مـن حراسـهـا
ماأحبك فـوق الارض وبـس ياكـل الخلايـق
حتى تحت الارض أحبـك يابعـد مـن داسهـا
مي لـو ماقلـت فيهـا بيـت واحـد ماتضايـق
لأن مالي شعـر ينشـر لـو رفـض كراسهـا ,,


سالفه عشاق

من بغى الفرقا لقـى لـه عـذر واسبـاب ودليـل
خل عنـك العـذر والاسبـاب دام الحـب ضـاع

كان ودك بالفراق .. ابشر عسى عمـرك طويـل
لاتـردد وانـت لـك كلمـه ولـك امـر ٍ مطـاع

لـي عليـك انّـك تبّـت بكلمـة ٍ تشفـي الغليـل
ولك عليّ انـي لأوّقـف وقفـة الرجـل الشجـاع

لاتجاملني مخافة ( قال ) مـدري خـوف ( قيـل )
عمر ( هرج النـاس ) مايسمـن ولايغنـي جيـاع

كان قصدك ( سر حبك ) .. اوعدك لأصبح بخيـل
واحمل اسرارك معي للمـوووت قـدر المستطـاع

بس قلها ... قل ما احبك ... وابشر بصبر ٍ جميل
لاتحسب أني مثل مـن طبعهـم لـوي الـذراع !

صاحبـك ماهـو كـذا ياصاحـب القـد النحـيـل
صاحبـك طبعـه غريـب وغربتـه غربـه طبـاع

في الهـوى مايقبـل الحـل الوسـط ولا القليـل
مثل ماهو لاشـرى يشـري .. ليامـن بـاع بـاع

ثابت ٍ لو هـي تميـل الارض حـدره ... مايميـل
يـدري ان الفقـر ماهـو عيـب والدنيـا مـتـاع

ماعشـق لـذّة حياتـه كثـر عشـق المستحـيـل
ولا كـره حتـى مماتـه كثـر كـره الأنصيـاع

كم تعلّم مـن شديـد البـدو وش معنـى الرحيـل
وكم تعلّم من غروب الشمـس وش معنـى الـوداع

وكم تعلّم من سحاب الصيف وش معنـى الحصيـل
وكم تعلّم من ليـال البـرد وش معنـى الضيـاع

ايه انا هذا طريقي ( موحش .. وصعب .. وطويل )
وانت لامنـك تعبـت .. العالـم فجوجـه وسـاع

اعتبرنـي فـي بدايـة سكّـتـك عـابـر سبـيـل
و رح وانا قلبي معك من ويـن وجّهـت الشـراع

يكفي اني لاانذكرت فـي سالفـة عشّـاق .. قيـل
:عاشر احبابه شجـاع .. وفـارق احبابـه شجـاع


صباح الخير يابلادي

مـع كـل نسمـة صبـاح أقـوم وأيـديّـه
ترفـع بعضهـا كـذا .. وأقـول وأنـادي
الله يـسـعـد صـبـاحـك يالسـعـوديـه
عسـاه والله صـبـاح الخـيـر يـابـلادي
يـــادروب الأرض لـعــنــاق الـسـمــاء
يـاجــداول مـــاء لـحـكـايــة ظــمــأ
يـالـكـلام الـلــي عـجـزنــا نـبـتـديـه

مــن يـقـول أنــك كـمـا غـيـثٍ هـمــا
أنـتــي لاقـبـلـك ولابـعــدك كــمــا ..
علميـنـا كـيــف نـلـقـى لـــك شـبـيـه

يابـلـدنـا ويـــن نـلـقـى لـــك شـبـيـه
فــي ومـيـض الـبـرق لاســال الغـمـام ؟!
فــي شـعـاع الشـمـس لاشــقّ الـظـلام ؟!
فــي أبتسـامـة شـايـبٍ صـلّـى ونـــام !
في المحبه .. في السماحه .. والا في معنى السلام !

يابلـدنـا صـعـب نـلـقـى لـــك شـبـيـه
وأنـتـي الـلـي لاذكـرنــا أنـــك بـلـدنـا
نــرتــبــك حــــــب وغـــــــلا
ونـتـلـعـثــم فــــــي الـــكـــلام ,,

صالات المطار

قبل اسافر كنت جالـس فـي زمـان الأنتظـار
ارتشف هم المكـان .. و كـل همـي حاجتيـن

كنت خايف من يباس .. و كنت خايف من خضار
كنت اخاف انك تجين و كنت خايف مـا تجيـن

لين شفتك مـن ورا بيبـان صـالات المطـار
مقبله من كثر شوقك .. كنت اشوفـك تركضيـن

مرةٍٍ ركضـك يميـن و نظـرة عيونـك يسـار
و مرةٍٍ ركضك يسار و نظـرة عيونـك يميـن

تايهة .. ما كنـك الا ضحكـةٍ وسـط انكسـار
ساكتـه .. ماكنـك الا دمعـةٍ فيهـا حنـيـن

خايفة .. وجلة .. حزينة .. يعني كنتي بأختصار
تشرحين لكل جاهل معنـى كلمـة ( عاشقيـن )

بعدهـا جيتـك ولـدّت عينـك و دار الحـوار
من كفوفـي دمعتيـن و مـن كفوفـك دمعتيـن

كنت اصد و كنتي انتي ثايـره مثـل الشـرار
ماعلى لتغة لسانك غير كلمة ( وين ؟ ويـن ؟ )

واذكر اني رحت قبل ابدي لـك ايّـة اعتـذار
رحت حتى قبل اطيّب خاطـرك فـي كلمتيـن

لكن انتي عارفتني زين واللـي صـار صـار
سامحينـي واذكرينـي قـدّ ماانتـي تقـدريـن

اذكريني لاانتهت للشمـس رحلـه مـع نهـار
واذكرينـي لاصحـى للصبـح ورد الياسمـيـن

واذكريني لا لمحتـي فـي ليالـي البـرد نـار
واذكريني لا سمعتي للمطـر صـوت ٍ حزيـن

اذكرينـي واذكرينـي واذكرينـي .. بأختصـار
..اذكري فهد المساعـد قـدّ ماانتـي تقدريـن !

الموضوع الأصلي: حياااكم مع الشااااااااااااعر المبدع /فهد المساعد,, | | الكاتب: خياااله | | المصدر: شبكة بني عبس

[تعبت منك]

مشكووووووره والله يعطيك الف عافيه

[همس الرشيدي]

[ابن اخزيم]

مشكوررررره والله يعطيك الف عافيه مجهود رااائع ونقل مميز

[أميرة البنات]

يأإاإاإاإاربي يالادمي هذا


كله احساس


دمتي خياله

[الزعيم..]

طرحـ رااائع

بختياركـــ الراقيـــ


سلمت الاياااادي

[ناصر الرشيدي]

فهد المساعد
شاعر راقي وشعره عذب

شكراً لك هذا الاختيار

[خياااله]

شيبوب..,

أميرة البنات,

ابن اخزيم, ,,

عايد عواد,

همس الرشيدي,

ناصر الرشيدي

اشكركم على مروورركم وهذا من ذووووووووووووووقكم الراااقي ,,,