ضــع اعــلانك هنا
 |
الملاحظات
|
|
خيارات الموضوع | ابحث بهذا الموضوع |
غاب القمر .. مابان حزة حراويه
السلام عليكم ,, مساكم الله بالخير ..
اخواني هذه قصيدة كتبتها على عجل فكان للعجلة نصيب منها فكانت أقل من مستوى أذواقم الرفيع آمل أن تتقبلوها كما هي : غاب القمر مابان حزة حراويه وأهل الهوى في موعده يحترونه البارحه كمل عددها .. لياليه مابان فيها والسبب يجهلونه وانا على نفس المواعيد أحاتيه أرقب طلوعه لو تعدت حتونه مافيه عين شافته ما تدانيه ولافيه قلب بالحشا ما يصونه والا العما اللي نظرته ما تقديه ماهو بداري كيف شكله ولونه البدو تحسب له وتعشق مساريه والا الحضر لو غاب مايفقدونه ليت القصيد اللي جبرنا قوافيه شلنا على روس النوابي لحونه يوم القمر نوره يفسر معانيه قبل يغيب ويظلم الغيم دونه والا أسترحنا من بحوره وطاريه وش كبر قدره كان مايذكرونه الزرع ما يثمر لجفت سواقيه يحت عوده ثم تصرم غصونه
آخر تعديل بواسطة كاتب الرشيدي ، 13-12-2011 الساعة 10:04 AM.
|
|
|
وعليكم السلام ورحمه الله وبركاته
وصح اللسانك بعكس القصيده رائعه المستوى يالمحيط الهادي والا العما اللي نظرته ما تقديه ماهو بداري كيف شكله ولونه البدو تحسب له وتعشق مســــاريه والا الحضر لو غاب مايفقدونه ليت القصيد اللي جبرنا قوافيه شلنا على روس النوابي لحونه يوم القمر نوره يفسر معانيه قبل يغيب ويظلم الغيم دونه والا أسترحنا من بحوره وطاريه وش كبر قدره كان مايذكرونه الزرع ما يثمر لجفت سواقيه يحت عوده ثم تصرم غصونه |
|
|
حجز ..
ولي عودهـ لهذه الفاخره ..
|
|
|
الله الله إبداع * أبداع
رائع المحيط الهادي صح السانك مليون ولايكفون .. راقت لي كثيـــر .. أبدعت وماهو غريب عليك الإبداع دائما تطربنا بجديدك ودائما مبدع .. لاهنت .. وتقبل مروري المتواضع .. ولاتحرمنا من جديدك .. وسلمت ودمت ..
|
|
|
ليت القصيد اللي جبرنا قوافيه
شلنا على روس النوابي لحونه صح لسانك على هذه الراقية من شاعرنا الجزل ولاتحرمنا جديدك وتستاهل الختم
|
|
|
غاب القمر ما بان حزة حراويه
واهل الهوى في موعده يحترونه الله الله علىهذا الابداع احاسيس وجدانيه لا يشابهها الا زخات المطر المتناثره التي سقطت من اجل ان تحتضنها عتبات الاوراق المحيط الهادي جميل انت في كل حالاتك وتقبل مروري
|
صح بدنك أخو النمر وأنا سعيد جدا بتفاعلك مع النص كما أنني حريص دائما على كسب رضا أمثالك من الرجال الطيبين .. شكرا جزيلا على تواضعك بمرورك على موضوعي البسيط
|
«
الموضوع السابق
|
الموضوع التالي
»
| يتصفح الموضوع حالياً : 2 (0 عضو و 2 ضيف) | |
| خيارات الموضوع | ابحث بهذا الموضوع |
|
|
مواضيع مشابهة
|
||||
| الموضوع | الكاتب | القسم | الردود | آخر مشاركة |
| جزر القمر | بن سرور | المنتدى العــــــــــــــــام | 2 | 05-06-2012 03:01 AM |
| حدر القمر | الشاطئ المهجور | منتدى الشـــعــــر | 7 | 27-10-2011 08:10 PM |
| بعد سقوط القمر الأمريكي.....جاء دور الألماني القمر الصناعي (rosat) يهدد سكان الارض ب | شيخ عبس | المنتدى الإعلامــــي | 3 | 05-10-2011 05:23 PM |
| إذا غنى القمر | ابو نمر الرشيدي | منتدى الشـــعــــر | 0 | 02-07-2008 12:16 PM |
| ضوء القمر | النجم | المنتدى الأدبــــــــــــي | 4 | 31-10-2006 10:22 PM |
الساعة الآن +4: 09:18 AM.
جميع الحقوق محفوظة شبكة بني عبس
