[صالح سعود]

الاخوة الاعزاء في منتديات عنترة بن شداد
السلام عليكم ورحمة الله وبركاته ....
مصافحة اولى ارجوا أن تنال اعجابكم واستحسانكم

قبل الغياب و قبـل علـم التباطـي=وما كدر الخاطر ومـا هـو مصافيـه
وقبل الحروف اللي عليهـا النقاطـي= اسمع مـن التعبيـر صافـي قوافيـه
من الرصيد اللـي أقـول احتياطـي = جزل (ن) سميـن ولا تجيـه التوافيـه
هذا الزمن مالـه وهـوب و معاطـي = وإلليا عطى يعطيـك لمـت شلافيـه
يجيك برد(ن) مثـل بـرد الشباطـي= وإلا سمـوم الصيـف وإلا سوافيـه
اسمع كلام اللي من الوقـت ساطـي= ما هاب من وقته نكـاده ومـا فيـه
مع جمعة العالـم خذيـت اختلاطـي =عرفـت خلـق الله كريمـه وهافيـه
ما ني من اللي في كراسي الشواطـي= قدم البحر جالس ويجمـع صدافيـه
مخطي ويتعب لـه جمـوع الخواطـي= من يتبعـه يطلـب لـه الله يشفيـه
ولا لي مع أهـل المـال أي ارتباطـي= لا ني غنـي المـال ولا نـي بحافيـه
أنـا مـن الدنيـا يزيـد اشتياطـي= وتزيـد لوعاتـي ومـا بـي مخفيـه
ودي على العلياء ولا أشقى البلاطـي= محلى الشفاء لا شـك ودي أشافيـه
الرأس يبقـى رأس عكـس المواطـي= عكسه معاكـس لـه تمامـاً منافيـه
الحـق واضـح مـا يغطيـه غاطـي= ووسط الخفايا شيء تخفـى خوافيـه
ونوب أكتم الصرخات خوف انحطاطي= العـز مبـداء لـي ولا نـي مجافيـه
أخـاف لا تحسـب علـيّ إنهباطـي= عليّ تحسب فـي حسـاب المسافيـه
كثر الجفـاء مـا زاد فـي اختباطـي= ومطلـوب بالـي والله إنـي لوافيـه

أخوكم - صـــــــالـــــــح ســـــــــــعـــــــــود الـــــفـــريـــدســـي
أبـــــــوســـــعــــــــود

الموضوع الأصلي: ...((عـــلم التــبــاطـــي )) مشاركة اولى | | الكاتب: صالح سعود | | المصدر: شبكة بني عبس

[أنكسارحلم]

وعليكم السلام ورحمة الله وبركاته

صح السانك يابو سعود على هذه القصيده الرائعه

الوافيه من شاعر وافي

وحياك الله والمحل محلك وابرك الساعات تواجدك معنا

وهذا شرف لنا كبير حضور مثلك وشرواك

وكل عام وانت بخير

[بدر الحشية]

اسمع كلام اللي من الوقـت ساطـي
ما هاب من وقته نكـاده ومـا فيـه
مع جمعة العالـم خذيـت اختلاطـي
عرفـت خلـق الله كريمـه وهافيـه
ما ني من اللي في كراسي الشواطـي
قدم البحر جالس ويجمـع صدافيـه
مخطي ويتعب لـه جمـوع الخواطـي
من يتبعـه يطلـب لـه الله يشفيـه
صح لسانك اخوي صالح وقصيدة جميلة وفي قمة الروعة
مشششششششششششكور ولاهنت على النقل

[صالح سعود]

الاخ الغالي - ناصر الشويلعي

شكرا لك على هذا الترحيب الطيب ..

والمحل باهله طيب طيب الله حالك

ولي الشرف الكبير ان اتواجد بينكم ..

ومرورك من هنا اثلج صدري

تقب تقديري الخالص .

[عبدالعزيز الخياري]

صح لسانك أبو سعود

وحياك الله في هذا الصرح الشامخ، ووجودك مكسب للمنتدى

قصيدة رائعه بمعنى الكلمة

[صالح سعود]

الاخ الغالي - بدر الحشية


أهلا بك أخي الكريم

ولكن القصيدة ليست منقوله


تقبل تقديرير الخالص ..

[صادق الوعد]

ابو سعود تسلم على هذه القصيده الرائعه قصيده في قمة الروعه والجمال

ويعطيك العافيه وبرك الساعه تواجدك معنا في هذا الصرح الشامخ

لك ودي وخالص احترامي

[صالح سعود]

اقتباس من مشاركة عبدالعزيز الخياري صح لسانك أبو سعود وحياك الله في هذا الصرح الشامخ، ووجودك مكسب للمنتدى قصيدة رائعه بمعنى الكلمة

الاخ الغالي - عبدالعزيز بن دحيم


صح بدنك ياغالي


شكرا لك على هذا المرورو الكريم


تقبل تقديري الخالص ..