[عبدالهادي بن صبح]

على ماتهتوي روحي سريت ولا علي عتاب=وأنا روحي على اللي ودها عجله ومنقاده
لو أن الموت مابعده غرابيل وحشر وحساب=تركت القلب في غيه ولاكدرت مرقاده
لاكن أفلح من أستغفر عن ذنوبه وأناب وتاب=كريم الوجه دايم رحمته تضفي على عباده
جذبني ضوح نورٍ يوم أشوفه فالسما لعاب=على دربه مناكيس النجوم تلوح وقاده
لوانه مايسليني وأنا ياصاحبي منصاب=يبا يبطي صوابي مالقا دكتور وعياده
تعرضت المصايب لين راسي من سببها شاب=ويبقى سرها ماينكشف لوعنه نشاده
ترى لولا التجارب ماتحملنا شقا وأتعاب=ولا عشنا على الدنيا مثل ساداتها ساده
وترى لولا الزمان اللي فتح لاهل الرخامه باب=ماشفت التبع من بعد المذله يدرك مراده
يفوز بما يطيح من الهروج وزلة الأصحاب=وراه أهل العقول الناقصه بالصوت رداده
ماتقدر تنطح القالات ولا تطلق الأنشاب=رخومٍ عن وجيه أهل الوفا ماهيب سداده
يقولون الردي خله بحزات الطلب مجناب=وفاته بين عطران الشوارب يوم ميلاده
عسى وقتٍ تساوى فيه قدر الروس والأذناب=يروح ولايجي يومٍ يجيب علوم معواده
مدام الله معطيني بصيره وأدرك الأسباب=توردني عزومي عيلمٍ ياطيب ميراده
لك الله لو على دربه حراوي ذيب ولا داب=معاد أصد عن جمٍ هماليل المطر زاده
لابد أن الزمان اللي نعيمه بالمسره طاب=يجيله نكسةٍ تطوي طراته طي سجاده
ويبقى من يودا بالعلوم الباطله ويجاب =حقيرٍ طول عمره لو لبس له بشت مافاده

الموضوع الأصلي: لابد أن الزمان اللي نعيمه بالمسره طاب = يجيله نكسةٍ تطوي طراته طي سجاده | | الكاتب: عبدالهادي بن صبح | | المصدر: شبكة بني عبس

[منصور بن صبح]

مدام الله معطينـي بصيـره وأدرك الأسبـاب

توردنـي عزومـي عيلـمٍ ياطيـب ميـراده

لك الله لو على دربه حراوي ذيـب ولا داب

معاد أصد عـن جـمٍ هماليـل المطـر زاده

عبدالهادي بن صبح صح لسانك

قصيدة رائعه فيها من الواقع

الشي الكثير هههههههه

أعجبتني وقريتها أكثر من مره

بيض الله وجهك على الأبداع ولا تحرمنا

من جديدك يابن العم

[احمد منيف]

صح الله لسانك
قصيدة طيبه بالحيل

لا خلا ولا عدم

[ناصر خنيفر]

اقتباس من مشاركة عبدالهادي بن صبح على ماتهتوي روحي سريت ولا علي عتاب=وأنا روحي على اللي ودها عجله ومنقاده لو أن الموت مابعده غرابيل وحشر وحساب=تركت القلب في غيه ولاكدرت مرقاده لاكن أفلح من أستغفر عن ذنوبه وأناب وتاب=كريم الوجه دايم رحمته تضفي على عباده جذبني ضوح نورٍ يوم أشوفه فالسما لعاب=على دربه مناكيس النجوم تلوح وقاده لوانه مايسليني وأنا ياصاحبي منصاب=يبا يبطي صوابي مالقا دكتور وعياده تعرضت المصايب لين راسي من سببها شاب=ويبقى سرها ماينكشف لوعنه نشاده ترى لولا التجارب ماتحملنا شقا وأتعاب=ولا عشنا على الدنيا مثل ساداتها ساده وترى لولا الزمان اللي فتح لاهل الرخامه باب=ماشفت التبع من بعد المذله يدرك مراده يفوز بما يطيح من الهروج وزلة الأصحاب=وراه أهل العقول الناقصه بالصوت رداده ماتقدر تنطح القالات ولا تطلق الأنشاب=رخومٍ عن وجيه أهل الوفا ماهيب سداده يقولون الردي خله بحزات الطلب مجناب=وفاته بين عطران الشوارب يوم ميلاده عسى وقتٍ تساوى فيه قدر الروس والأذناب=يروح ولايجي يومٍ يجيب علوم معواده مدام الله معطيني بصيره وأدرك الأسباب=توردني عزومي عيلمٍ ياطيب ميراده لك الله لو على دربه حراوي ذيب ولا داب=معاد أصد عن جمٍ هماليل المطر زاده لابد أن الزمان اللي نعيمه بالمسره طاب=يجيله نكسةٍ تطوي طراته طي سجاده ويبقى من يودا بالعلوم الباطله ويجاب =حقيرٍ طول عمره لو لبس له بشت مافاده

قصيده وافيه وعلى الجيره انك ما انت من اهل النيدو

مدام الله معطيني بصيره ودرك الاسباب== توردني عزومي عيلمن ياطيب ميراده عيلم مايعرفونها عيال النيدو هههههه

[سند الداموك]

راائعه ياعبدالله وربكْ

\\

أرتوينا شعرا وجزالة مفرده

صح لسسسسسسسانك واعتلى شأنك

[وضاح اليمن]

اقتباس من مشاركة عبدالهادي بن صبح على ماتهتوي روحي سريت ولا علي عتاب=وأنا روحي على اللي ودها عجله ومنقاده لو أن الموت مابعده غرابيل وحشر وحساب=تركت القلب في غيه ولاكدرت مرقاده لاكن أفلح من أستغفر عن ذنوبه وأناب وتاب=كريم الوجه دايم رحمته تضفي على عباده جذبني ضوح نورٍ يوم أشوفه فالسما لعاب=على دربه مناكيس النجوم تلوح وقاده لوانه مايسليني وأنا ياصاحبي منصاب=يبا يبطي صوابي مالقا دكتور وعياده تعرضت المصايب لين راسي من سببها شاب=ويبقى سرها ماينكشف لوعنه نشاده ترى لولا التجارب ماتحملنا شقا وأتعاب=ولا عشنا على الدنيا مثل ساداتها ساده وترى لولا الزمان اللي فتح لاهل الرخامه باب=ماشفت التبع من بعد المذله يدرك مراده يفوز بما يطيح من الهروج وزلة الأصحاب=وراه أهل العقول الناقصه بالصوت رداده ماتقدر تنطح القالات ولا تطلق الأنشاب=رخومٍ عن وجيه أهل الوفا ماهيب سداده يقولون الردي خله بحزات الطلب مجناب=وفاته بين عطران الشوارب يوم ميلاده عسى وقتٍ تساوى فيه قدر الروس والأذناب=يروح ولايجي يومٍ يجيب علوم معواده مدام الله معطيني بصيره وأدرك الأسباب=توردني عزومي عيلمٍ ياطيب ميراده لك الله لو على دربه حراوي ذيب ولا داب=معاد أصد عن جمٍ هماليل المطر زاده لابد أن الزمان اللي نعيمه بالمسره طاب=يجيله نكسةٍ تطوي طراته طي سجاده ويبقى من يودا بالعلوم الباطله ويجاب =حقيرٍ طول عمره لو لبس له بشت مافاده

حاولت اقتبس بيت جميل ولكن ماقدرت حيث القصيده كلها جميله ياسلام على التصوير والشعر الحقيقي اعتقد انك اكبر من العمده صح السانك مليون مره

[عبدالهادي بن صبح]

اقتباس من مشاركة منصور بن صبح مدام الله معطينـي بصيـره وأدرك الأسبـاب توردنـي عزومـي عيلـمٍ ياطيـب ميـراده لك الله لو على دربه حراوي ذيـب ولا داب معاد أصد عـن جـمٍ هماليـل المطـر زاده عبدالهادي بن صبح صح لسانك قصيدة رائعه فيها من الواقع الشي الكثير هههههههه أعجبتني وقريتها أكثر من مره بيض الله وجهك على الأبداع ولا تحرمنا من جديدك يابن العم

مرحبا يامنصور بن صبح

صح بدنك يابن العم

أعجابك محل شرف وتقدير طال عمرك
تشرفت بمرورك الكريم

[عبدالهادي بن صبح]

اقتباس من مشاركة احمد منيف صح الله لسانك قصيدة طيبه بالحيل لا خلا ولا عدم

الشاعر أحمد منيف

صح بدنك يالغالي

تشرفت بمرورك