[أحمَـد الرشيدي]

السلام عليكم ورحمة الله ،

شيلة جديده من كلمات الشاعره : حنان العجمي

إن شآء الله تعجبكم وتنال احساس
وياليت تفيدوني بملاحظاتكم وانتقادكم
طبعا اللحن مقتبس من احد شيلات ( سعد اليامي )

أترككم مع القصيده والاستماع . .

الناس ما ترحم ليا ضاعت الناس
ما تبّت ايديهم طعون ٍ من الغلّ

حتى انت كانك بي تردّيت لا باس
ما مَلّ صبري وان تماديت ما مِلّ

يا كثر ما يبكي خفوقي من اعماس
كنّه مضيّع له مكان ٍ ولا دلّ

ويا كثر ما يفقد حلاة التنوماس
حتى الفرح ما مرّ صدره ولا حلّ

وياكثر ما بانت خفايا من احساس
لوّك تظللّها عن العين من ذلّ

وياكثر ماصار لحقوقي هنا قياس
يوم الحكي سلاحك ولكْ عذر منشلّ

وا شيب عيني يوم شيّبت بالراس
توّ العمر والكُبر تلويحه /ايطلّ

منت أول اللي حارم الحلم أنفاس
منت آخر اللي بالخَطا دايم يزلّ

أنجاس هالعالم ترى صارت أجناس
ماكلّ من شكله حلو ريحته فلّ

وأنا تعوّدتك مثل دكّة الفاس
دام المواجع ما لها غيري الخلّ

كيف آتعوّذ منْك / وسواس خنّاس
ويراود انفاسي ضميرك ولا كلّ

تبقى اهتماماتي ليا احْتجت حرّاس
تغنيك من نفسك وتغني عن الكلّ

يا كيف انسى والوفا عرق دسّاس
حقيقتي تدري بها لو تغافلّ

حتى ولوّك بي تردّى فلا باس
خلف الضلوع العوج لك دقٍ وجلّ




للحفظ هنا

الموضوع الأصلي: شيلة : الناس ماترحم ليا ضاعت الناس 3/> - كلمات حنان العجمي | | الكاتب: أحمَـد الرشيدي | | المصدر: شبكة بني عبس

[فضي البراك]

كلمات رائعة وصوت أروع ،،،

مبدع يااستاذ احمد

[رشيديه و أفتخر*]

الله عليك ابداع

يعطيك الف عافيه .

[سند الداموك]

روعه أحمد تسسسلم

[بندر الشويلع]

رووووووووووووووووووعه
الله يعطيك العافيه.

[أحمَـد الرشيدي]

الاستاذ فضي البراك
انت اروع ، تشرفت بوجود ردك أول من حضر
منور يابعد راسي


رشيديه وافتخر
الله يعافيك خيتي ، منوره


سند الداموك ، روعتك في حضورك يالغالي


بندر الشويلعي ، اشكرك على حضورك
منور الله يعافيك

[ابوصالح لرشيدي]

احمد بداع في ابدع على ابداع ..
كلمات جميله وصوت أجمل ..
وانت دائماً ممميز تحياتي لك ..

[سحايب]

الله الله صح الســـان شاعرها
اداءمتميز مشاءالله
يعطيك العااافيه احمد
لاهنت على هالمجهود