[الجوكر]

هذي القصيده من روائع الراحل عبدالله فضاله ..
وهي من تأليفه وتلحينه وغناءه

هات يا قلبي عليهم عاد هات
يوم شفت السمرجنّي مقبلات
كاملات الزين هم زين البنات
أرياقهم يا قلب سكر مع نبات
ماخذين الحق بشهود وثبات

لو تشوف البيض بالحنا تدوس
فوق كبده بالهوى تمشي تدوس
بس نظره وزاهياتٍ باللبوس
وبالمراقد كنهن طين السرات

اقسمت بالله وتورخت اليمين
لا زيّد السمرا على البيضا اسهمين
باتديّن يا حمد وانت الضمين
عاملت في الزين كل الكاينات

ياعديم الراي ياللي لي تلوم
السمر أركن على قلبي اسهوم
كم راعي مال خلوه معدوم
قيس قبلي ضيّع فروض الصلاة

جاتني البيضا وقالت يا حسين
ليش زدت السمر واحنا غايبين
نادهم للحكم واحنا حاضرين
واحكم بعدلك وخل ما فات فات

جن كل البيض والسمر احضرن
واهني ياحسين قدام اسطرن
كني بجنات واغصان اثمرن
طال عمرك واحلو اقبال البنات

ابتدن البيض ثم صارت تقول
يا أمير حسين اسمع ما أقول
واحكم بأنصاف لاتصير مهبول
خل حكمك بالعدل واحكم ثبات

ماتقول بنا وحنا مسفرين
والسفر أحسن من الظلما .. يقين !!
لي نظرت البيض تلقى لك جبين
وخدود تاضيك الشموس الساطعات

السمر ياحسين وش تلقى بهم
لاجمال ؛ ولا كمال ؛ ولا فهم
أشهد ان البيض أحسن منهم
البيض كالأمهار وان جن مقبلات

قالت السمرا علامك تغلطين
احنا فتاة المسك واحنا المؤنسين
أرياحنا العنبر ومسك وياسمين
حنّا هل القعدات واحنا الغاويات

والا العذارى البيض من بد الملا
مالغاتٍ ما بهم نتفة حلا
كم واحدٍ ياحسين بالسمر ابتلى
من نصانا مايمل من المبات

ضحكت البيضا وقالت ذا تمام
مانصاكم واحدٍ إلا وينام
وش يقابل يامسلّم ياسلام؟؟
السمر للبيض صارن خادمات

شفت انا المجلس علينا يب يطول
قلت ياغزلان سمعو ما أقول
كلكن حسنات وكلٍّ له قبول
كلكن بالزين والله كاملات

فض مجلسنا وجينا نب نقوم
يوم اخذنا ولا اللتي جتنا تزوم
وصرخت ياحسين اقعد لاتقوم
ليش تنسى السود وهن الغاويات

قلت بسم الله وش ذا اللي دهم؟؟
حتى سعيده جايه تبغي سهم
اطردوها يا عساها للوهم
كل برطم منها عشر وسبات

الموضوع الأصلي: قصيده وقصه في نفس الوقت من روائع الراحل عبدالله فضاله | | الكاتب: الجوكر | | المصدر: شبكة بني عبس

[الرساله]

يعطيك العافيه

[أنفاس الفجر]

الله يعطيك العافيه