[لسعهـ شقآوة]

قالت ترى منت بحلو قلت رجـال
والزين ماهو من شروط الرجولـه
================
الزين يلقى عنـد لباسـة الشـال
والرجل زين ان كان زانت فعوله
================
قالت علامك تلبس شماغ وعقـاال
انت بدوي؟ قلت بدوي ومن حموله
================
ما ألبس بناطيل لها الوان واشكال
وامتر الشارع بعرضـه وطولـه
================
قالت اجل راعي معاميـل ودلال
شرب القهاوي تحسبونـه بطولـه
================
كيفي يابنت الحضر دله وفنجـال
وحليب خلفـه بالمـراح معقولـه
================
وحب الكرم والجود وعلوم الابطال
مغروس فينا من زمـان الطفولـه
================
قالت ترى بنت البدو حظها مـال
قلت احذري حذرا تكوني جهولـه
================
بنت البدو يابنت مضرب للامثـال
فوق الجمال وطاعة الله خجولـه
================
ماحطة اصباغ ولا حطت ظـلال
ولا سيرة بالسوق سيـر مهبولـه
================
هي مهرة تصعب على كل خيـال
وانتي ومثلك عسفهـن بالسهولـه
================
قالت تغزل بي وشف حبة الخـال
ناظر عيوني والرموش الكسولـه
================
قلت العفو مايجتمع حـب وهبـال
ولكـل ذوق فالمـــزاييـن جـولـه
================
قلتي وقلت وكلمة الصدق تنقـال
الزين ماهو من شروط الرجولـه

الموضوع الأصلي: قالت ترى منت بحلووووو.!!! | | الكاتب: لسعهـ شقآوة | | المصدر: شبكة بني عبس

[نايف ابن عليثه]

بنت البدو يابنت مضرب للامثـال فوق الجمال وطاعة الله خجولـه ================ ماحطة اصباغ ولا حطت ظـلال ولا سيرة بالسوق سيـر مهبولـه

بنآت البدو ينآفسنهن اللحين :)
من قدهن ^ــ*

/

صح لسآن شآعرهآ

وسلمت يدينك ..

[لسعهـ شقآوة]

يعطيك العااافيه ..........

[الجمره البارده]

قصيدهـ رآئعهـ


لبيهـ يآ البدآوة بس ^_^


شكرآآآ

[نوماس5]

يسلموو على النقل المميز

[هاني الشويلعي]

قالت تغزل بي وشف حبة الخال
ناظر عيوني والرموش الكسوله
...................................
قصيده مميزة ولاهنتي لسعهـ شقاوة
...............................
وتقبلي مروري ^ٍ^

[احمد منيف]

صح الله لسـان شاعرها

[لسعهـ شقآوة]

يسلم كل من مر على متصفحي..؛