[شامخ الشامخ]

السلام عليكم ورحمة الله وبركاته

يا مبذرّ الليل .. بـ عيون السهر .. لـ المنام = خاف الله شويّ فيني .. و أقتصد بــ السهر
شاعر ..لا مرّ المدينة .. وفي شفاهه كلام = نادوا على اقرب جهاز .. اقرب مدينة شعر
وشلون لا مرّ .. وبـ عينه .. يلوّح غلام = يوميّ .. يبيها على أعلى مستوى بـ الخطر
فاح الجفاف.. بـ عطش صيفه .. وشح الغمام= من قبل اشرّه على الغيمة .. بـ رجوى مطر
لفحة.. نسيم الهواء ..شرقي جنوبي .. وشام = ضحكة.. مثلث برامودا .. ودمعة عبر
انا مع النوم .. عشر ايام .. ماني تمام = ومع السهر .. ما حصل لي .. غير صفقة عمر
لو كانت السوق .. بـ الشاري .. رفيعة مقام = ما قدمتّ .. بيع حاجه .. مع ضمانة فقر
ولو كان الأوقات بـ الضيقة .. تجيب السنام = ما قلت .. يمكن على وضعك .. تعيش لـ شهر
فيني كلام .. وشطبته .. و ان قريت اهتمام = عاد اهتمام البشر .. يكتب نصيحة بشر
بالأمس .. هزيت غصن .. وبان فيه الحرام = واقفيت ضحكة قهر .. والظلم نبضة قهر
يا ما اصغر العالم .. المملي .. بـ عين الحطام = ويا ما اكبر الباب .. لا جسدّ طريق السفر
شفت الآمل .. سارت اشجاره.. وطار الحمام = واللي بقى.. عشّ لـ البيضة .. و غصنٍ خضر
بكره .. نشاهد من اللحظة.. كم يموت عام = ويشهد له الزور .. من طعنة لـ غصن الشجر
كم مرّ عصفور .. في شباك ليلي .. وحام = و أقفى .. و جمرة طعونة .. فارقه بـ الجمر
الين .. وقف نحيل ٍ .. به معالم هدام= وجهه .. يتامى ى .. تصارعها صدوف الدهر
وعينه .. تعكزّ وراها .. شايب ٍ بالظلام = عجل ٍ .. يحث الخُطى .. لـ المنتظِر .. والنظر
و ارقب شموخ انحنائه .. هامته بـ الزحام = ما يختصر .. عالي القمة .. وقاع البحر
صوته .. مع اليابسات .. يبل عنق الملام = و ينبت عليها .. نوادر من نوادر .. زهر
شرعّ .. يفجّ الدروب .. المؤرقة .. لـ المرام = ويقسم لـ الإنصات .. بـ المكتوب.. وجهة نظر
حتى سكتّ .. و انحنى صمتٍ.. مداه احترام = و اتجسدتّ له .. ورى حدبي .. ملامح صور
ومديت كفي .. عسى القى .. في يدينه كلام = جملة .. ولـ المبتدأ ..فيها ابجدية خبر
و حسيت كفه يصافح .. لـ السلام .. بـ سلام =واقفى .. ولاحت على عيني .. خيوط الفجر
واطرقت لـ الباب .. واشرع لي .. طريق الختام = لأول من اخر .. متاهه عن دروب الخطر
وتركت خلفي .. سهر ليلة .. بـ غصن الكلام = لذة تعبها .. من ادناها .. قصيدة سهر *

*وبالنصّ: يا مبذر الليل .. بـ قلوب البشر ..لو تنام.. خاف الله شويّ .. والمخطي ..على اول عذر
وبـ آخرها .. " وسلامتكم اخوكم .. "

الموضوع الأصلي: قصيدة ( ( سهر )) ..! | | الكاتب: شامخ الشامخ | | المصدر: شبكة بني عبس

[شامخ الشامخ]

يا ليل الاخطاء بـ الكتابة هههه

يا ليت يتم تعديل ..

شـاعـر ..لا مــرّ المديـنـة .. وفــي شفـاهـه كــلام

لـ

شـاعـر ..لا مــرّ المديـنـة .. وبـ شفـاهـه كــلام

مسوي فيها الشطر .. ههه

[كاتب الرشيدي]

ودي اعدل مانوت عنه ولكن اخاف اخدش هذه الراقية بالنص والتنسيق

ولكن يكفي تنويهك بالصفحة السابقة

ولو لم تنوه من يعرف الشعر يعرف أن صاحب هذه الشامخة شامخ بشعره

صح لسانك

حاولت اقتبس بيت أبيتين ولكن وجدت أن كل بيت أجمل ومربوط بالأخر

وفكرة أن اقتبس الشطر اللي عليه ملاحظة ههههه بس خفت تقول نقد هههه

صح لسانك ياشامخ

واشكرك على هذا النص المملي بالمفردات والإبداع

تستاهل الختم والتثبيت ولكن النثبيت بوجهة نظري لايخدم النص

[ظافر بن وهيب]

أخي الغالي / شامخ الشامخ

وفقك الله وسدد على طريق الخير خطاك

وبعد :

بيض الله وجهك بياض يدخلك الجنة يا أيها الشامخ

صح لسانك وسلمت يمناك على طرح هذه الشامخة

أسأل الله لنا ولك ولجميع إخواننا المسلمين التوفيق والسداد

في القول والعمل إنه هو السميع المجيب


وتقبل خالص تحياتي