[أحاسيس]

هلا والله يالغالين الي نوروا الصفحة
السلام عليكم ورحمه الله


المهم
السالفة وما فيها اني كنت اتفرج على اختي هي وصديقتها يلعبون


عاد انا هنا تفتحت علي المواجع
وااااااااااااه من المواجع

ذكرت طفولتي البريئة
او بالاصح طفولتنا كلنا
لانها تقريبا كانت نفس الشئ
نلعب ونركض ونضحك ولاهامنا من الدنيا شئ
كنا نحس بسعادة غير طبيعية اذا رحنا للملاهي
يمكن اذا قالوا بكرة ملاهي ما ننوم بالليل من الفرح
وغير كذا الالعاب
يااااااااااااااااه نفرح اذا نجحنا عشان الهدايا
والعيد
وما ادراك ما العيد
احلى شئ الفستان المنفوش
ذاك اليوم كل وحدة تتباهى بفستانها وكل وحدة تقعد تدور عشان تغاير البنات ان فستانها منفوش اكثر منهم
والعيديات والريالات اللي نجمعهم
طفولة كانت بكل معنى الكلمة
فعلا اتمنى مثل ما اني متاكدة انكم كلكم تتمنونها ترجع
رغم ذيك الطفولة الا اننا كنا نحاول نكبر
تلاقيننا نلعب بمكياج امهاتنا في وجيهنا عشان نصير حريم
وياما كسرنا الكعب من كثر ما نلعب بها
والعباية اهم شئ
يمكن من يصير عمر الوحدة اربع سنين وهي تنشب لين يجيبون لها عبايه
والادهى اذا قلدت امها وتغطت
ياما تخبطنا وياما طحنا وضحكوا علينا الكبار
جملة كانوا يقولونها ويرددونها
" توكم على الغثاء لاحقين عليه"
كنا نسمعها ببلاهه ونضحك

لكن الحين عرفنا معناها
عرفنا انه فعلا كنا لاحقين
ولو كنا ندري ان الكبر بهالشكل كان ماتمنيناه
الحين انت كبيرة
كل كلمة محسوبة عليك
حتى الضحك محسوب
وحركاتك لازم تصير موزونة
مجاملات ماتنتهي
ومسؤليات اتعبتنا
حتى لو ما تزوجنا
مجرد اننا كبرنا هذا يحتم علينا مسؤليات
كلمة صارت دايم تلازمنا
"حرمة "
الكلمة اللي بصغرنا نحاول جاهدين تقمصها
الحين صرنا نتهرب منها
أي حركة يقولون لك اعقلي انت حرمة
وباختصار تثورين عليهم
لا "توني صغيرة "


هذا حالنا كلنا
بس تصدقون رحمة !!
هالشئ يحسسنا بمدى روعة طفولتنا


لكن مو هذي القضية
القضية اطفال اليوم
صغارنا
هل فعلا بيحسون باحساسنا اذا صاروا باعمارنا ؟!!
هذا السؤال اللي دار ببالي
اشوف اللي حولي
طفولتهم تمام تختلف عن طفولتنا احنا اختلاف جذري

الالعاب اللي كننا نفرح بها صاروا هم ما يهتمون منها من كثرها
والله اني ما اشوف البريق اللي كانت بعيوننا يضهر بعيونهم وهم يدخلون محل العاب
صار شئ عادي عندهم
الملاهي
اللي كانت بالنسبة لنا اكثر الاشياء اثارة
صارت لاشئ
تروح الطفلة للملاهي وتلاقينها ماتلعب الا لعبتين
ليش؟؟
تخاف يتوصخ بنطلونها الجديد !!!
بالله وين الطفولة وبرائتها؟!!
مرة كنا رايحين استراحة وثلاث ارباع البنات ماسبحوا
يوم سالتهم ليش ؟؟
اللي ملت من المسبح بالبيت واللي خايفة استشوار شعرها يخرب
اعمارهم كانت ما بين 6الى9سنوات
بالله وين الطفولة ؟؟

والعيد !!
ماعدت اشوف فرحتنا وركضنا ونطنطتنا
صرت اشوف بنات صغار وتجمعين في دائرة ويسولفون ولايلعبون
ليش ؟؟
عشان والله متشخين وشلون يلعبون ؟؟
وحتى سوالفهم وشهي ياترى
تضنون مثل ماكنا نسولف ببرائة عن توم وجيري او عن هايدي او سالي ببرائة
لا والله
بزران وسواليفهم عن المسلسل الفلاني والمطرب العلاني
واللي تقول قصتي زي الفنانة فلانه
والثانية لبست بزواج خالتها مثل موديل علانه
والله وحدة تحكي لي تقول بسنه من السنوات كانوا البزران متجمعين برمضان ويسولفون
تقول قالت وحدة من بنات شفتوا سارة اللي بمسلسل ..... طلعت حامل
فشهقت وحدة وقالت "من مين ؟؟"
من مين!! معقولة تطلع من طفلة
بالله ما يدمي القلب طفلة ما تجاوزت التسع سنوات تكون محشوة بهالافكار:بكاء:
بالله احنا يوم كنا بعمرها نعرف هالامور؟؟



طيب ليش؟؟
حرام والله حرام :(
احس احنا اللي قتلنا طفولتهم
اخاف يجي اليوم اللي يعاتبوننا فيه
يقولون ماعشنا طفولتنا

انا متاكدة انه ماراح تكون عندهم ذكريات حلوة عن الطفولة
ماراح يجي اليوم اللي يتمنون فيه انهم يرجعون اطفال
باختصار
لانهم الان نوعا ما كبار وماهم اطفال بمعنى الطفولة
ماعندهم البرائة اللي راح يحنون لها بيوم من الايام
ما ندهم الذكريات الحلوة


للاسف اطفالنا اصبحوا
"صغار وليس اطفال "


هذا هو الواقع :mad:
والله الان وانا اكتب الموضوع اتمنى ترجع هذيك الايام
اللي كنا نتضر فيها متى تدق الساعة 10 الصبح
فنجي نركض
ونضع المساند على الارض ونسدح عليها تحت التلفزيون
واحنا نضحك ببرائة
على
توم وجيري
نضحك بكل برائة
بعيد عن الهموم والمسؤليات
اللي اشوفها الان في وجوه صغارنا وهم ما زلوا اطفال ...وفي النهايه اهديكم هذا المقطع لي نعيد ذكرياتنا

الموضوع الأصلي: والله كبرنا وصرن نحن للطفوله لكن هم هل هم مثلنا | | الكاتب: أحاسيس | | المصدر: شبكة بني عبس

[آلنجم]

ايام يازمان لاجت هبوب الريح من فوق تذكار***
تسلمي على موضوع الماضي

[أحاسيس]

شاكره مرورك يعطيك العافيه

[الزعيم..]

أحاسيس ..
قصه راااائعه كانت تنعم بايام الطفووله ..

وتتعجب من العصر الحااليــ برمته ..

فيــ عتقادي ان البراءهــ لم تختلف بمراحل الطفوله..

على نمط معين .. أنما تغير وسائل الترفيه المتعددهــ

بالعصر الحااالي وتواكب مع كل جديد..

دمتى رااااااائعه .. بكل ماتحمله الكلمه..

[أحاسيس]

شاكره مرورك الله يعطيك العافيه