[سيوف بني عبس]

لبيه ياجرحي من أعماق لبيه=أعماق قلب ٍ عذبته الليالي

ياجرح قل للي يبيني وأنا أبيه=اللي فداه العمر أول وتالي

جرحه عميق ولا لقينا مداويه=ومدري بعد فرقاه شاللي جرالي

أبكيه أنا وشلون ياناس ماأبكيه=وأقول بعده آه وآعزتالي

يفز قلبي كل ماحل طاريه=وشلون أجل لو شفت زوله قبالي

أغليه والله حيل ياناس أغليه=غلاه جاوز بي حدود الخيالي

مهما قسى مهما يزود بتغليه=غالي ويبقى طول الأيام غالي

راضي بمره قبل لا أرضى بحاليه=لكني أرضى بغيبته..؟ لا محالي

والقلب مايقوى على بعد غاليه= حتى ولو فرقاه عدة ليالي

وياعاذلي قلبي مكفيه مافيه=لا لا تعيد ولا تطيل الجدالي

هو الوحيد اللي من الناس شاريه=من شان عينه بعت ماكان غالي

وأنا على طول الليالي مصافيه=كانه قصر بي الوقت وإنكان طالي

ولبيه له من داخل القلب لبيه=اللي فداه العمر أول وتالي

شخص ٍ يلبي لا سمع صوت غاليه=خله يلبي كل ماجاء مجالي

الموضوع الأصلي: لبيهـ ،، لبيهـ ،،،ق،؟ش | | الكاتب: سيوف بني عبس | | المصدر: شبكة بني عبس

[حنان الرشيدي]

صح ذوقك ...
و الله يعطيكِ العافية يا الغلا :)

[سحايب]

صح الله الســــان شاعرها
وسلمت يمناك على مانقلتي
لاهنتي.............

[بندر الشويلع]

صح لسان شاعرهاوتسسسلم يمين ناقلها
وختيار موفق.

[سيوف بني عبس]

صح بدنكم اسعدني مروركم

[الجمره البارده]

روعــــهـ وذوووق

رآقت لي



شكرآآآ

[غربة الروح !!]

صح أحســـــــآســـك يالغلااا



لاعدمنـــآ جديــــدك حبـــوبـــــــــــهـ ^_^

[الـريـم]

كلمات قمه بالرروعه

راقت لي كثيراً