[الشاعر ابوسعود]

السلام عليكم ورحمت الله وبركاته
هاذه القصيده لشاعر مربح سعود الرشيدي
واليكم القصيد

قصيده مدح ///




سلام يانايف ولد ناطح القوم
دون الرفيق ودون وضح ومجاهيم
ابوك وصفه بالرجاجيل معدوم
اليا اشتبك ملح البنادق تقل غيم
سيفن على العدوان بالحيل مسموم
خيم على عدوانه الحزن والضيم
شيخ يكفي عن سنه موقفه يوم
فى ساعتن فيها يجيب المقاسيم
وضيفه وجاره طول الايام محشوم
فى مجلسن ماتفك فيه البلاعيم
مجلس شرف مابه لاجاجه ولازوم
فى سنه الله له نضام ومفاهيم
مجلس كريم وعادته يذبح الكوم
فى سنه الله للمساير تكريم
شهادته من فعل يمناه دبلوم
عقب اختبار ولجنه الحق تحكيم
قمت جبل تفرق عن رمال وحزوم
ملحمن باب الردى عنه تلحيم
حرن وجاب احرار ماخلف ارخوم
رجال بهم يصدر قرار ومراسيم
نايف بربن يفرض الحج والصوم
انى على خوتك شفقان ومهيم
ماضن يشرف يا ابيض الوجه وعلوم
احرار عشنا مع احرارن نواهيم
فرقى الرجال الطيبه شر وهموم
اصيح من عله وهى مالها تيم
والله يانوب الياتذكرت مانوم
بس اقتلب راسي تقل فيه تنسيم
مغير ادور للمحبين وحوم
فرقى القرايب حطم القلب تحطيم
وجدي وجود الى من الكسر مايقوم
خيم عليها الهم والحزن تخيم
وهاذا جوابي يابن الاجواد مبروم
هاذاجوابى يابن حمدي بتسليم

الموضوع الأصلي: سلام يانايف ولد ناطح القوم | | الكاتب: الشاعر ابوسعود | | المصدر: شبكة بني عبس

[احمد منيف]

صح الله لسانك اخوي وقصيده طيبه

[صوت الشمال]

صح السان الشاعر مربح سعود قصيده وافيه
بيض الله وجهه
وسلمت يمينك ياابو سعود