[عبدالله السعد]

سلام عليكم

لا اُجيد المقدمات ولاكن هي مصافحه أولى ..ارجو ان لاتكون الأخيره

أقبلوها كما هي علها ترتقي لـ ذائقتكم .

[مدخل]

الناس تحسدني على الضحك لا بان.
وان ضقت محدن التفت لي وجاني.
تعال خذني من غرابيل الأحزان.
محدن فزع لي يوم حزني بلاني.

وش حيلة الي كنه بسجن مسجـون=اقفى يشيل الجـرح بيديـه عاالـي
بسلك طريقٍ بالغرابيـل مشحـون=وقبل الفراق وقبل شـد الرحالـي
طالعت خلفـي انتظرهـم يقولـون=كلمة وداع تخفـف الـي جرالـي
اهل القلوب القاسيه مـا يحسـون=وانا وقفت بوجـه الأقـدار خالـي
وروحت اشيل الي جنيته من طعون=والله يصبرنـي ويرفـق بحـالـي
كلن فرح في غيبتي كلـن يخـون=يا قـل منهـو بالشدايـد صفالـي
وإلا انت يالي صاحبك فيك مفتـون=غيرك يجيني بـس مالـه مجالـي
غلاك معميني عـن الـي يمـرون=ما شوف غيرك لو من الزين نالـي
هذا البلا لاصار ماهو عماء عيـون=عماء القلوب الي بلانـي وجالـي
عطيتك الـي قـد تمنـوه مليـون=بس الغلا ما ينعطـاء غيـر غالـي
وانت اللذي مابين الأضلاع مكنـون=لو كنت اشوفك بعض الأحيان سالي
الي سمعته شي ماهـو بمضمـون=شيٍ رميته لجل يبقـاء الوصالـي
خابرك وافي مغرمٍ فـي مجنـون=ولا يهزك هـرج حتـى خوالـي
اسمع كلامي واترك الـي يقولـون=تراك لا هالحيـن مازلـت غالـي
اهون علي اشوفـك بقبـر مدفـون=ولا اشوفـك مـع حبيـبٍ بدالـي

[مخرج]

أصغر همومي هرجة أفلان وأفلان.
وأكبر همومي حبك الي خذاني.
هرج القفى ما ضيق الخلق لو شان.
وإلا انت صدك لو دقايق نهاني.

بقلمي

انا

عبدالله سعد العرعري

الموضوع الأصلي: القلوب القاسيه | | الكاتب: عبدالله السعد | | المصدر: شبكة بني عبس

[محمـد العراده]

صح لسانك وبيض الله وجهك ولاهنت

[عبدالله السعد]

صح بدنك..لاهنت

[بدر العرعري]

يالبيه ياعبوّد . . فوق .. فوق .

[احمد منيف]

صح الله لسانك اخوي عبدالله

راقت لي بالحيل

وقصيده طيبه

[الموج الهادي]

صح السانك قصيده وافيه من شاعر وافي

[عبدالله السعد]

صح بدنكم..نورتوني

[ابو عايض]

وفقك الله لاهنت