[سيوف بني عبس]

صباح / مساء بوح المشاعر

لاشفت دلو(ن)فيه فتق(ن)وشقا
اعرف ترى الماء مايجي وافياً فيه
ولاشفت حبل السانية فيه دقا
اخذ الحذر من قبل تقطع مثانيه
ولااوحيت جرح(ن)بالمعاليق لقا
اعرف ترى ماعاد ينفع تداويه
والجرح لامنه بسم (ن)تسقا
حم الحديد الصلب بالنار واكويه
والظلم لامنه لبس ثوب حقا
لابد ماتخلع ثياب(ب)تغطيه
ومن طق باب الناس بابه يطقا
في خير والا بشر ربه يجازيه
وماصابكم ماخطاك مهما توقا
ومااخطاك ماصابك ولو صاب راميه
روم المعالي ياعبيد وترقا
بالعلم والايمان تاصل لعاليه
والصالحات اخير ياعبيد وابقا
ادي حقوق الله ولبي مناديه
وعن لازم(ن)يلزمك حرصك تتقا
لاخير في رجل(ن)يخلي عوانيه
وفي عشرة الانذال حرصك تهقا
كم واحد(ن)بالنذل ضاعت هقاويه
وحرصك وراء المقفي تصيح وتنقا
من باعكم بالرخص بيعه بغاليه
وسط المجالس لاتهرج وتلقا
اصمت ترى ان الصمت ميزه لراعيه
واليا هرجت اهرج بلطف(ن)ورقا
وافصح لسانك لاتجي لكنة(ن)فيه
ان انكر الاصوات صوت النهقا
وفم الرجل واحد وثنتين اذانيه
بعض العرب بالوزن مايوزن اقا
لكن بفعل الطيب تندأ اياديه
وبعض العرب دمه كما دم بقا
دمه ثقيل وباردات(ن)علابيه
وبعض العرب مثل الذهب له تشقا
اتعب على الطيب الى ماتلاقيه
ياعبيد هذا واعرف اللي تبقا
حق الجوار وضيفكم لاتخليه
هذا كلام ابوك قول(ن)منقا
قول(ن)قليل وزبدة الهرج تكفيه
لولاى مااكتب بالقلم عالورقا
واملي هواجس خاطري يوم تاتيه
شب الحشا في داخلي واحترقا
لولا بيوت الشعر لاشب تطفيه
وصلاة ربي عد ماالنور شقا
على نبياً تمم الله مساعيه



للشاعر محمد عبيد الوابصي ( رحمه الله )

الموضوع الأصلي: ياعبيد ،،،~~ق،ش | | الكاتب: سيوف بني عبس | | المصدر: شبكة بني عبس

[المشعل]

راائعه ..
صح السان شاعرها ..
ولاهنتِ سيوف على الإختيار الرائع ..

[طلال محمد ناهس]

رائعه الف شكر لك ع الاختيار المميز

[عايد2001]

صح السان شاعرها
ولاهنتِ سيوف على النقل الرائع

[سيوف بني عبس]

المشعل & طلال & عايد

لاهنتم ع المرور الجميل