[ابو عبدالرحمن المقوعي]

قصيدة ترحيبه للشاعر النقيب محمد معلث المقوعي الرشيدي بمناسبة زيارة صاحب السمو الملكي الأمير سلطان بن عبدالعزيز النائب الثاني لرئيس مجلس الوزراء ووزير الدفاع والطيران والمفتش العام لقيادة المنطقة الشرقية لعام 1420

حبيب الشعب

ســلام الله ســلامِ عطــره الكــادي وريــح النــد
ســلام طـيبه أحـلى طـيب مسك وخالطـه ريحـان
ســلام مــــاوراه أبــداً ســلام وبالـــمقام يســد
ســلام مـــا يـلـيـق الابـهـيـبـة سـيــدي سـلــطـان
هــلا وأهــلاً هـلا يـا مرحبا تـرحيب مـاله عـد
تــراحيب الـكريم اللي لفـاه مــع الـعشاء ضيفان
هلا بك يا حبيب الشعب عد الشعب وأيضاً عد
ذعـاذيـع النسيم اللـي تـداعـب كـل حـين أغصـان
فـرحنا فيك ما يوصف ولاله يا أبتو خـالد حـد
عجز عـنـه اللـسان ولا وصـل حـده خيـال انـسـان
يشرفنا حـضـورك كـيـف لا صـار السـلام بيد
نـحـس انـا دخـلنـا لـلـشـرف مـن واســع الـبيبـان
قصيدٍ ما أنت قافه يا سلـيـل المجـد مـا ينعـد
لـو انـه ينثني عـن وصـف طيـبـك يا العديم أحيـان
طواريق القصايد لا طريت الها سماها ارعد
تـقـل لا مـن ذكـرت الـهـا يـا أبـو خالد يجيها اجنان
تحـبك مـثـل مـا حـنـا نحبك يـا سليـل المجــد
تـسـابـق للـفخر وانـت الفخر يـا هـاجـس الـقيفـان
قصيدي لا تخون وهاتها يا ضامري من جـد
تــراه الـيـوم يـومـك تـووقــتـك يــاقصيـدي حـــان
نعم هذا وزيـر الجيش لا هاجت وبـاح السـد
ذرانـــا لا شــكـا لـلــدار حــد وولـعــت نـيـــــــران
عريب الساس راع المدح راع الطيب راع المد
قـمـرنـا لا ظـلـمـت سـود اللـيـالـي وشتكـينـا بــان
ابـوه اللي ليامـنا ذكـرنـا اسـمـه ذكــرنــا نجــــد
ذكـرنـا مـن بنـا فـي نـجـد مـجـد ووحـد الأوطـــان
أبـــوه اللـي حـمـى بالسيـف نجـد وهيبتـه لالــد
شـرع بـالسيتف شـرع الله عزيز وعزه الرحمن
زعيـم سطـر التاريــخ مجــده والزمـان مصـد
لأبــو تــركـي حنى التاريخ راسه مرعب العدوان
حـمـاهـا وحتماها ليث نجـدٍ غضب ماهــو ود
وقــف لـلـنـد نـد وقـال خـذهـا وامـطـرت هتـــــان
وحــنــا سـيـدي لـلـدار جـنـد ولـلمعادي ضــد
هـقـاويـنـا بعيـده لارقـص شيطـانـها طـربـــــــــان
وطنا لا شتكـا حـده وطـنـا يـا عـريـب الـجــد
نـسوق أرواحـنـا لـلـمـوت دونـه والعذاب ألــوان
تحت ظل الفهد زيزومها لا صـار جـزر ومـد
ذرى مـكـة ذرى طيبـه فـهـدنا عزوة الشجعــــان
وابو متعب فخرنا كان وصل الراي لا خذ ورد
ولــي العهد عضــد الفهــد زان الـوقـت ولا شـان
ولا ننسى ذرى البحرين أبو عيسى ولي العهد
سـنـدها كــان شـبـت واختلـط مـع عـجـها دخــان
ولـــــد حـرٍ وحـرٍ يـدمـي الـهـده الـيـامـن هـــد
تــعــايــدنــا بشـوفــه يــوم شفنــا بيننا سلمـــان
واختمــها بريـح المسك والـريحـان هـو الـنـد
خـتامـا مــا يـلـيـق الابهيبة سيــدي سلطــــــــان

الشاعر / محمد بن معلث بن مصلح المقوعي الرشيدي

الموضوع الأصلي: قصيدة ((حبيب الشعب)) لشاعر محمد بن معلث المقوعي الرشيدي | | الكاتب: ابو عبدالرحمن المقوعي | | المصدر: شبكة بني عبس

[ثاري الشنيني]

ابو سيف بيض الله وجهك على النقل الرائع

وصح الله لسان الشاعر / محمد معلث المقوعي

لاتحرمنا من جديدك

شكراً لك اخي الكريم

[ابو عبدالرحمن المقوعي]

بااااارك الله فيك
أخوي ثاري الشنيني ومشكورر
على المرور والله يعطيك العافية

[عابد الرشيدي]

ابو سيف بيض الله وجهك على النقل الرائع

وصح الله لسان الشاعر / محمد معلث المقوعي

لاتحرمنا من جديدك

[مفلح الخضيري]

صح لسان الشاعر محمد معلث وهو احدى رموز هذي القبيله

ومشاركاته تشرف كل رشيدي رجل المواقف وفقه الله تعالى


وسلمة يمينك يا ابو سيف على نقل هذي الرائعه لمحمد

تحياتي لك وتقديري

[سعد الفلاح]

الله لايهينك أبويوسف وصح اللسان شاعرها ولاهنت يلغالي

[صاطي الرشيدي]

ابو سيف الله يعطيك العافية على حسن الاختيار
وصح للسان ابن الشاعر الكبير معلث المقوعي الرشيدي

[سعد بن عادي]

أبو سيف بارك الله فيك وبيض الله وجهك على روعه نقلك

للشاعر القدير النقيب محمد معلث

وحقيقه انا من متابعي قصائد محمد

وله العديد من القصائد الجميله


نقلك الرائع سر تميزك


دمتم كما تحبون