|
خيارات الموضوع | ابحث بهذا الموضوع |
|
اقتباس من مشاركة الشاطئ المهجور
سلام عليكم ورحمة الله وبركاته مبارك عليك الشهر الشريف شخبارك اخوي الاجهر يارب طيب اخوي الفاضل بعد التحيه ولاحترام حبيت اسئلك انت ليش دايم مختفي عن الشبكه ماشوف غير ابو عيسى والبعيد الهادي هم اللي قايمين على الشبكه ياليت تجاوبني بكل صراحه ليش ماتنزل عضو عادي وتترك المجال للغير هذي وجهة نظري وبعدين اشوفك كل كاسجلت دخول با الشبكه احس انه انت صاحب الموقع تتعامل مع الغير بوجهة نظر غير طبيعيه ؟ اسف على الازعاج لكن هذي وجهة نظري فقط لاغير =======================الرد هنا============= ياخوي ليه متضايق 0000 اعتبرني عضو عادي 000 وابو عيسى والقريب الهادي الله حفظهم ويكثر من امثالهم وانت وانا وهم كلنا مكملين لبعض 00 0 وحاول اتواجد لكن عندي ظروف خالرجه عن ارادتي 000 وانا اعتقد ان اسلوبي معتدل 0 0 واذا اخطيت في حقك او حق اي عضو ياليت توضحلي واكون لك من الشاكرين 000 واظن احساسك في غير مكانه الموقع اسمه شبكة بني عبس موقع الرشايدة كلهم وكل سنه وانت طيب ===============رديت عليه هنا=================== كل عام وانت بخير يارب ماعليش اخوي الاجهر اشوفك تضايقت مني عشان قلت كلمة الحق وبعدين فيه نقطه ماوضحتها لك اخوي فيه صور دايم انت تنزلها وتقول من تصويرك؟ وسئلت عنها شخص وقال لا الاجهر مايطلع من البيت بس على النت ولا يقنص ولا يروح مكان الصور كلها يجمعها من الشباب وينزلها كأأنها له؟ ياخوي اذا كلامي مضايقك عادي قلي ولا يهم امتنع عن الحوار معك مشكور اخوي ============تم الرد عينا ================= قويه 000ما اطلع من البيت 000 ياقلبي والله ماتضايقت منك 0 0 كلامك لطيف وحساسك مرهف وكلك ذوق ماعليك من كلام الناس انا موجود بالصور واكثر اوقاتي فالبر حتى بالصيف لازم اطلع البر اشق البر 000 واذا كنت بالرياض جهز نفسك تحياتي يالغلا ============الرد عليه================= ياخي كلمة انك با الصور هذي حركه قديمه اقدر اجيب صوره من المانيا ودمج صورتي معها وقدر احط صوره لي اني اصافح الاجهره وانا ماعمري شفتك الكلام ماينفع انا ابي الكلام صحيح ولا لا ؟ لو كلامك صحيح كان شفت صورتك مع ابو عيسى الله ماشاء الله عليه ماخلى مكان الأ قنص له ===================الرد علينا============= اكيد انك تحب البر والمقناص 0000 صح ولا خطاء ============ردي عليه================= قال اكيد تحب البر والمقناص ياخي خلك في مجال سؤالي فقط لاتضيع السالفه اكيد العلم صحيح ان الصور شاحذها من الشباب انا رجال اتكلم معك ولا شايف نفسك علينا اذا ماتبي تعترف قلي اقلب وجهك صدقني مافكرت فيك ولا اجلس اسئل واحد ماهو بيمي ================الردعلينا================= اف كيف ماني بيمك 000 والله ياقلبي الى قالك ما صدق 000 فية صور لى في وادي مشار لوحدي شفها وحكم انت بنفسك مستحيل تكون مفبركه ==================ردي عليه=========== يارجال بس اطلع من راسي اول احسبك راعي مقانيص اثري ماعندك احد الصور شفتها كلها دمج يارجال خل عنك العلوم اللي مالها داعي وبعدين تقولي ياقلبي ليش شايفني حبيب ولا حبيبه لك عيب عليك اخوي انا ماني قلب احد؟ ===========الرد علينا================ وش رايك اقنص انا وياك ==============الرد عليه================ ياخي لااقنص معك ولا ابيك بس لاتكذب علينا وتشهر نفسك قدام العالم الشرهه على اللي اسئلك ؟ اسئلك وتقعد تحاورني في مجال<<<< خارج عن السؤال الظاهر مو انت الاجهر؟ =================================== يهب ياشاطي المهجور = فيك العتب صايرن عادة صدقت هرج القفاء والزور= والناس في صوم وعبادة ماني على الفبركة مجبور= الاجهر يصيد بذراعة لا تلف ياصاحبي وتدور = وتحطك الناس شماعة انته رجل تنتفع بالشور = لاتصدق اشخاص طماعة -------------- اخي الكريم حوار في مثل هذه الامور لاجدي بل يتسبب في ضياع وقتي ووقتك ويشغلنا عن امور بحاجة الى متابعة بل من الافضل لى ان اصلي ركعتين او اقراء ايتين من القرآن الكريم 0 0 ومن الواضح بان موضوعك الذين تريد ان تناقشة معي لايرتقي الى مستوى الحوار لانه مبني على الكذب 00 ولا حظت تذبذبك في بداية رسالتك من تسليمك والسوال عن الاحوال وكل عام وانت بخير 0 0 الى ان ذكرت باني غير متواجد 0000 الخ ومن ثم تراجعت وقلت انك لاتخرج من البيت فقط على النت وهذا تناقض صريح وقد جاوبتك كونه من ابناء القبيلة ليس لا لذلك انصحك باشغال وقتك بما يعود عليك بالنفع بالدنيا والاخرة وفقني الله وياك لما يحب ويرضى اكرر لك تحياتي واسف اذا منى خطاء والمسامح كريم وانا مسامحك فيما تطرقت اليه من امور تخصني والشك في مصداقيتي ونزاهتي والسلام ==========صح صح الله لسانك اخوي=================== بعدها يجيك الرد ان شاء الله ------------------------------------ اخوي الاجهر هههههههههههههههههههههههههه اسمع وانا اخوك انت عزيز وغالي والله عينا ولا جاء منك غير العلم العانم ابيض وجه اخي العزيز اعتذر لك شديد العتذار اخي انت تكون ظيف في موضوع اختبار شخصية عضو سوفى يطرح هذا الحوار عن قريب لاكن ارجوك لاتقول لاحد حتى يتم اختيار المجموعه التي دار عليها الحوار تحيتي لك اخوي والله انك عزيز وغالي وعذرني على ماسويت =========اقول اكيد الرجال زعلان با الله شوفو رده علينا هههه====== كل عام وانت بخير - ابد ماش اخلاف الخواطر سايحه والشك زايل - الله يستر منكم انتم وبرامجكم انشا الله ما يختاروني تحياتي لك ===================================== با التوفيق اخوي الاجهر الموضوع الأصلي: الحلقه السابعه من كشف شخصية مع الشاعرين: الاجهر.... وعيد الداموك | | الكاتب: الشاطئ المهجور | | المصدر: شبكة بني عبس
|
|
يهب ياشاطي المهجور = فيك العتب صايرن عادة
صدقت هرج القفاء والزور= والناس في صوم وعبادة ماني على الفبركة مجبور= الاجهر يصيد بذراعة لا تلف ياصاحبي وتدور = وتحطك الناس شماعة انته رجل تنتفع بالشور = لاتصدق اشخاص طماعة // صح لسسانك يالاجهر عيد ماعنده وقت بيوقف العضويه هههههههههههههه // الله يعطيك العافيه اخوي الشاطي |
|
|
ههههههههههههههههههه
الله يعطيك العافيه الشاطي المهجور حقيقه جهد راائع تشكر عليه اسعدتنا بحوارك مع الاخوان الاجهر وعيد الداموك وطريقة الأسئلة الاستفزازيه لكن الشباب ماشاء الله عليهم صدورهم وسيعه لاهنت والف شكر لك وللأخوان الأجهر وعيد تحياتي لكم ..
|
|
|
شاكر مرور الجميع الله لايحرمنا منكم
تحيتي لكم
|
يتصفح الموضوع حالياً : 1 (0 عضو و 1 ضيف) | |
خيارات الموضوع | ابحث بهذا الموضوع |
|
|
مواضيع مشابهة | ||||
الموضوع | الكاتب | القسم | الردود | آخر مشاركة |
ضيف الحلقه السابعه من حوار قبل الافطار >>شاعر درباوي(محامي الاعضاء) | راسبه بالحب | منتدى ملتقى الاعضاء | 44 | 22-07-2014 09:58 PM |
كشف شخصية أثير الشووق الحلقه 4 ق.ح | رنــــا | منتدى ملتقى الاعضاء | 17 | 30-09-2011 02:50 PM |
عنتر زمانه وعيد الداموك والخشف | السيف القاطع | منتدى المحــــــــــــــاوره | 49 | 05-12-2010 01:44 AM |
مساجلة بين الشاعرين/حسن الوطري وعيد بن مربح | بدر الحشية | قسم قصص وتاريخ القبائل العربيه | 15 | 24-10-2007 03:46 PM |
عبدالله الداموك وعيد ابن مربح وموطن عبس | الذيب | منتدى الشـــعــــر | 1 | 04-04-2007 08:04 PM |