[المحترف العبسي]

السلام عليكم ورحمة الله وبركاته
هذا الطاروق رباعي بين الشاعر عيد عبيد والشاعر زايد ابن عدله والشاعر نواف زاكي والشاعر ذاكر عبيد في حفل زواج الشيخ احمد عماش العويمري يوم الجمعه العيد الرابع 4/10/1432
الطــــــــــــــاروق

عيد عبيد
ياصحابنا الشعار نبي تشب النار=طيّب وله مقدار صافي على صافي

زايد ابن عدله
ياذاكر ابن عبيد حدد لنا تحديد= نبغى العلوم تزيد صافي على صافي

نواف زاكي
ياعيد ماودي تسرع ولاتهدي =لارحت متعدي صافي على صافي

ذاكر عبيد
ياقايد الثوره بنهاية الدوره=لاتعكس الصوره صافي على صافي

عيد عبيد
مافيه شك وريب نفضت عنك الجيب=جاوب وانا ابجيب صافي على صافي

زايد ابن عدله
المجتمع وش فيه طاريك مايدانيه=اصبر وابى اوريه صافي على صافي

نواف زاكي
لاصرت بالميدان لاترحم الفرسان =واليا سرينا اخوان صافي على صافي

ذاكر عبيد
المجتمع مضبوط مير الجمل مربوط= وانته تجيب شروط صافي على صافي

عيد عبيد
نواف صاحبنا واحيان ينكبنا=روّح معزبنا صافي على صافي

زايد ابن عدله
المشكله منك انت العام كنت وكنت=واليوم غبت وبنت صافي على صافي

نواف زاكي
سولف وانا بسمع واليا كليت اشبع=واللي رحل يرجع صافي على صافي

ذاكر عبيد
يازايد العاتي الذيب ماباتي =والحي ماماتي صافي على صافي

عيد عبيد
زايد على فاله وش به على خاله=قام يتصداله صافي على صافي

زايد ابن عدله
ذاكر وابن زاكي تعبوا وانا تاكي=آمرك وانهاكي صافي على صافي

نواف زاكي
ناسً تواجها حاول تعالجها=والا انت درجها صافي على صافي

الموضوع الأصلي: رباعيه بين الشاعر عيد عبيد والشاعر زايد ابن عدله وذاكر عبيد ونواف زاكي | | الكاتب: المحترف العبسي | | المصدر: شبكة بني عبس