[فهد المويسه]

قال الرشيدي والله المنان=يارب يامعبود يارحمن
عفوك وغفرانك وقال المثايل=من هيض فكره توج الالحان
هيض يسوقه دافع الصدق والوفاء=الصدق عن زيف الخيال يبان
نور الحقايق سيرته في مسيرته=نور الصحيح بطاهر الابدان
راع الوفاء في منزل الحق ذاته=والقلب مفتاحه طريق لسان
وانا وفي واهل الوفاء دوم اعدهم=ما اجحد وفاء اهل الطيب لو عدوان
من يجحد اهل الطيب ما وصل طيبهم=ومن يجحد اهل الطيب فهو اهدان
واهل المعرفه واهل الطيب والوفاء=مايجحدون الحق اياً كان
لا حل ذكر لاهل الطيب عندهم=في ذكرهم مايجاملون اي انسان
ماينكرون الطيب من دون صاحبه=ولا ينسبون الطيب للرديان
كل بفعله يذكرونه بفعله=ذكر بلا زود ولا نقصان
والطيب ساس معرب الجد والاصل=وكر الحرار يخالف الغربان
له ارثتن من ساس جده وخاله=نسل الحرار الطيب له عنوان
الطيب كايد والردي ماينوله=اكود عليه الطيب من ورجان
ومن قال قول الزور ربه يحاسبه=على كلام الظلم والبهتان
هذاك راعي خصالاً بذكرها=حدث نبي الخالق الرحمن
كذوب في هرجه وبالكذب سيرته=يوعد ويخلف وان امنته خان
فاجر ومصدر عيشته من نميمته=وهو بحزات القاء جابان
ولاهو خوي لي ولاني خوي له=هذاك ما اعده من الصحبان
في خوته ومجالسه مالي الشرف=ولا اتشرف فيه مهما كان
نفسي عزيزه والبن ادم كرامته=تسوى حياته والذليل يهان
معزتي ماهي رخيصه معزتي=اموت وانا ما اقبل الحقران
انا عزيز ومن قبيله عزيزه=رجالنا في عزته ما يهان
بني رشيد اهل المواجيب والكرم=مطوعه بسيوفها العدوان
من عبس منجبنا ماتوخذ حقوقنا=يوم الاصايل تنزل الميدان
متوارثين الطيب والفعل من على=الجد الاول ورثت الفرسان
اسمه سمينا فيه يالله ترحمه=شيباً عسى الفردوس له مسكان
رشيد عقب بجاد والجد غالب=رمحه من لحوم العداء شبعان
كم فارس في ضربت الرمح ادركه=وامسى عشاء للطير والسرحان
جده ولد عبس وفعل فوق مافعل=عبس بلقاء داحس مع الذبيان
من عبس ابن بغيظ ابن ريث بالحسب=وسعد ولد قيساً وابو غطفان
وعيلان ابن مظر وانزار جده=ومعد وناصل به الى عدنان
بني رشيد والمنايا سهومنا=حنا لها لاحطم النيشان
كم فارساً من فعلنا تنوح عشقته=عليه تسرف دمعة الاعيان
بمصقلاتن مهدفاتن حدوبها=لخشومهن على النحر مطعان
نجلب بهن حمر المنايا لخصمنا=ونعزل بهن راسه عن الامتان
من زارنا بالشر تصعب سلامته=يقال كان الله وهو ما كان
ميت معادينا ليا شن غارته=نوّريه في كاس المنايا الوان
والجار له حقاً ونوفي حقوقه=نكمل حقوقه ما بها النقصان
ونمجّده بالطيب ونعز سيرته=من بينا كنه حدا الاخوان
نرفاه مثل العين وصبي شوفها=والي يعادي جارنا ينهان
نرفع مقامه بينا في كرامته=عاداتنا ما نجرح الجيران
والضيف نفرح به ونبديه في هلا=ما تنعقد لضيوفنا الحجان
وقدمه نقلط من يدسم عصيبها=ما نذبح الا من الحلال اسمان
وخوينا بالطيب نرفع مكانته=ونزعل اليا شفنا الخوي زعلان
نشّيمه ونقدره كنه احدنا=ونكيل له كيل الوفا مليان
من طاب طبنا فوق طيبه زياده=خوينا حنا معاه اعوان
ومن زارنا يطلب عن اعداه ندخله=يلقى ذرانا دخيلنا مزبان
تخيب من دونه مطاليب طالبه=دخيلنا من يطلبه خسران
ارواحنا دونه علينا رخيصه=وعن طالبه يبقى بامن وامان
وليا عطينا مانمن بعطانا=وليا نوينا ما استشرنا انسان
هذي سجايانا وهذي سلومنا=اطباعنا من سالف الازمان
وافعالنا من كثرها اغلط بعدها=الشاهد الله مخضر الاوطان
وانا فخور بفعل ربعي وعزوتي=ايه افتخر فيهم وانا فوزان
و جميع طيب يفتخر في قبيلته=ليا عد ذكر اسلافها (الشجعان)
لعل رجل ما يفاخر بعزوته=تجعد عليه ثيابها النسوان
ولاني جحود لهرجة الحق اقولها=ولا غط ذكر الحق لاجل فلان
صحيح ولكل القبايل افعولها=وكلن بفعله ياصل الجدان
يوم اللقا بالرمح والسيف والدخن=والخيل همهم واللجام عنان
وقتاً يبين به الردي حزة اللقا=يوماً احد رابح واحد خسران
وكلن يعرف (فعول) ربعه ما سلف=والكذب عيب وزورن وبهتان
وختامها يا(هيييه)يا سامعينها=صلو على محمد نسل عدنان

للشاعر فوزان عوض ابن مربح الرشيدي العبسي

الموضوع الأصلي: العبسيه لفوزان ابن مربح | | الكاتب: فهد المويسه | | المصدر: شبكة بني عبس

[راعي الشلفا]

اخوي فهد الله يبيض وجهك لاهنت على القصيده الطيبه وصح السان فوزان

[مسندالعويمري]

صــح السان الرائــع / فوزان بن مربــح


قصيدة جزلـه من شاعر جــزل


ولاهنت اخوي فـهد على

النقـل الرائــع




لك تحيتي

[عابد الرشيدي]

اخوي فهد الله يبيض وجهك لاهنت على القصيده الطيبه وصح السان فوزان

[سعد بن عادي]

صــح السان الرائــع / فوزان بن مربــح



بوح راقي ونظم جزل
اهنييه على روعه ااحساسه واسلوبه المميز ..

دمتم كما تحبون

[سعد الفلاح]

الله الله صح اللسانك يشاعر فوزان بن مربح بن حمد العبسي الرشيدي وتسلم يمينك أخوي فهد المويسه على النقل ولاتحرمنا من أبدااااااااااع فوزان ولاهنت يلغالي

:p :p :p :p :p

[يحيى العويمري]

صح لسانك يافوزان واعرفك يالذيب شهادتي فيك مجروحه
ومشكور يالغالي على النقل .

[مبارك العجوني]

صح لسان شاعرها والقبيلة تستحق اكثر من هذا

ومشكور على نقلها