[حلوة المشاعر]

ماجيت أسومك مثل هالناس بالمال

ولا جيتك أصغر في عيونك ولا أطيح

جيتك بلهفة عاشق .. و عقل رجال

وقلب ٍ يشوف إن الحنايا.. مراجيح

في نظرتي حلم ٍقطفته.. من البال

وفي خطوتي عمر ٍ خطفته من الريح

جيت بقصيد وحب وأحلام وآمال

طلاب قرب ٍ طاولته التباريح

لي في عيونك عشرة وبيت وعيال

وفي يديك لي دبله وعشره مصابيح

جيتك وقلبي فيه من عشق الأطفال

لا حب قال أحب من غير تلميح

سلمتك أمره وإنتي أدرى بالأحوال

لا تتركينه في دروب المجاريح

أما يعيش الطفل في صدر رجال

وإلا يموت الطفل بين المراجيح

فهد المساعد ..
مما راق لي

الموضوع الأصلي: فـي يدك لــي دبله وعـشره مــصابيح !! | | الكاتب: حلوة المشاعر | | المصدر: شبكة بني عبس

[بنت عز ماتنهز]

تسلمين
ع النقل

[سند الداموك]

رووووعه

يعطيك العافيه

[الـريـم]

آبيآات رائعه
ماننحرم من هالذووق

[حلوة المشاعر]

اسعدني طلتكم الحلوة