[غربة الروح !!]

عطيتهم صـدري نهـر واشربونـي
........................... حسبي عليهم جففونـي و أنـا حـيّ

جوني مثل سرب الجراد .. اهجدوني
........................... تناهبونـي مآتركـوا حاجـة ٍ فـيّ

لفَّـوا علـيّ إحبالهـم واخنقـونـي
........................... و انا لا جاهم بـرد أغطِّيهـم ايْـديّ

يا ليتهـم مثـل الغريـب ابعيونـي
........................... مير البلا أبعدهم أقـرب مـن الخـيّ

لا جمَّـع الله شملهـم .. قطَّعـونـي
........................... الله وكيلـك ياكلـون اللحـم نــيّ

ويوم اشْبعواجوني حزن و طلبوني !
........................... ادمح خطاهم و الطعون اشهقت : عيّ

وشلون اسامحهم و انا ايَّـام كونـي
........................... كل ما ذكرت اوجيههم تمتلي غـيّ !

مديت لك بلواي , ثقلـي , جنونـي
........................... حتى العُمر ! لكن أنا منك وش لـيّ؟

الفقد و أنت ِ و الحنيـن و ظنونـي
........................... أشياء من صغري و هي تزدحم بـيّ

شاعر ولا اشبِه غير ناس اسكنونـي
........................... غابوا .. ولا خلوا من انفاسهم شـيّ

ياما بَعَدْهُم ألْمـح ايْديـن .. دونـي
........................... تاخذ كثير و تترك إلـْ صدري اشْويّ

شُوفِي فقدت امْـن الغرابيـل لونـي

........................... كني غصن شاحب ورق .. ينتظر ميّ

هذا أنـا مـن غَيّبـوا و اتركونـي
........................... نفس الملامح و التفاصيل هِـي هِـيّ


راقـــــت لــي ):

الموضوع الأصلي: عطــيــتهـــم صــدري نهــــر واشــربـووونــي ..!! | | الكاتب: غربة الروح !! | | المصدر: شبكة بني عبس

[الزعيم..]

**غربه ــــــــعذبه**

كلاهم ذوووق واختيااار متألق

ديمااا في سمااااء الابدااع
يعطيك العااافيه ......

على التميز المستمر في الرواائع

[أحاسيس]

اه ياغربه على جرح جبتيها قصيده في غايه الروعه

[غربة الروح !!]

اقتباس من مشاركة شيبوب بن عبس **غربه ــــــــعذبه** كلاهم ذوووق واختيااار متألق ديمااا في سمااااء الابدااع يعطيك العااافيه ...... على التميز المستمر في الرواائع

يسلمــــووو ياطيـــب ع مـــرووورك الرااقي دووم ..

[غربة الروح !!]

اقتباس من مشاركة أحاسيس اه ياغربه على جرح جبتيها قصيده في غايه الروعه

سلآمـــتك ..من الجــــــرح يالغــــــــآليه ربي يبعدها عنك

ويسلمــووو ع مرووورك العــــذب ...يالغلااا

[احمد منيف]

صح الله لسـان شاعرها ..

تسلمي اختي ع النقل ...

[كحيلة]

وشلون اسامحهم و انا ايَّـام كونـي ........................... كل ما ذكرت اوجيههم تمتلي غـيّ !

ياسلاااام ع الإختيااار الرااائع..جد رووووعة..
صح الله لسان شاعرها مليوون..وتسلم يدينك يالغلا ع النقل الي دووم مميز..عن جد ذووق ياذوووقنا:)
لاخلا ولاعدم يابعدي..

[نبض المعاني]

صح السان شاعرها قصيده في قمة اروعه