[أحاسيس]

|

دخيل الله ياقلبي أنا طالبك تعفيني
أنا طالبك تنساااااني ولو مره تخليني


أعيش بدنيتي وأهنا مثل باقي البشر سالي
بدون الحب ياقلبي وبدون هموم تكويني

أنا ماعاد فيني روح تبيها تتبعك ثاني
انا فيني جسد باقي بدون شعور يحويني

على كثر القلوب اللي هوينا ماصدق واحد !!
ياقلبي ابتعد عنهم ترى اللي فيني كافيني

زرعْت الحب فأعماقي وحصدْت جروح تاليها ؟؟
وردى هالحظ خاواني ولقى كل مايبي فيني
كثير أحباب حبينا وعطيناهم بدون حساب
ولاخذنا سوى غدر ٍملا راحات كفيني؟؟

وكثير أسباب تجبرنا بلاحسوفه نخليهم
لأن والله مافيهم ولا واحد ملا عيني

ولكن أكبر الصدمات جتني من يدين اللي
حسبته غير كل الناس ومايعنيه يعنيني

هذاك اللي تصورته طموح العمر ياقلبي
هذاك اللي تخيلته هناي وضحكة سنيني

عطيته من دفا روحي قصايد أشعلت ليله
وأنا ما أكتب لغيره ولا أي شخص يغريني

كتبت أحلى كلام الحب في عينه ولافكرت
يجي اليوم اللي أستخسر قصيدي في محبيني

على مبدا (الخصوصيه) يحاول يبعد شكوكي
وعلى مبدا (الصراحه) كنت وكانت لعبته فيني

خذلني للأسف والله وهدم كل مابنا بلحظه
وطلع هالحب مايسوى مواطي تراب رجليني

أنا كنت أحسبه أعظم علاقاتي ولاظنيت
بأن أعظم علاقاتي بخيانةحب تنهيني !!

ويـمّـي صاحبي دايم يذكّرني بوهم حبي
وأقول ارتاح ياعمري ترى مالك شغل فيني

خسرت أصحابي من حولي خسرت الكل أسبابه
ألا حسبي عليه الله كثر ماهو معنّيني

أفااااا ياقلبي الطيب...أفا وشلون ترضاها
وأنا من صدمة ٍبالحب إلى صدمه توديني

بدون عناد اسمعني ولاتفتح لي الموضوع
حشا لو تفتحه ثاني لأشيلك من شراييني

خلاص الحين انساهم وأناماعاد فيني حيل
لهم رب ٍيجازيهم/ ولي ربٍي جازيني



\


|


/




آتمنىـآ أن تعجبكم القصيدهـ

/

الموضوع الأصلي: أفا يا قلبي الطيب أفا وشلون ترضاها | | الكاتب: أحاسيس | | المصدر: شبكة بني عبس

[آهــذريــبــك]

أعيش بدنيتي وأهنا مثل باقي البشر سالي
بدون الحب ياقلبي وبدون هموم تكويني

"
اختيار موفق كبرياء
سلمت اناملك على الاختيار !

[أحاسيس]

شاكره مرورك يعطيك العافيه

[احمد منيف]

صح الله لـسسسان شاعرها ومشكوره اختي ع النقل

[كحيلة]

عطيته من دفا روحي قصايد أشعلت ليله وأنا ما أكتب لغيره ولا أي شخص يغريني

صح الله لسان شاعرها..وتسلم يمينك ع النقل الطيب..
لاخلا ولاعدم..

[أحاسيس]

اقتباس من مشاركة احمد منيف صح الله لـسسسان شاعرها ومشكوره اختي ع النقل

شاكره مرورك يعطيك العافيه

[أحاسيس]

اقتباس من مشاركة كحيلة صح الله لسان شاعرها..وتسلم يمينك ع النقل الطيب.. لاخلا ولاعدم..

شاكره مرورك يالغلا

[فهيد سعدي]

مشكوررر وصح لسانك