[ثاري الشنيني]

السلام عليكم ورحمة الله وبركاته

قصيده للشاعر / ليلان الرشيدي
مهديها لجميع زملاه في بلديه محافظه السليل
وعلى راسهم مدير البلديه السليل

ياللي نويتو للسفر مستعدين=تريضولي بس وقتً قليّل
لين اني اكتب لي من الشعر بيتين=واخرهن التوقيع باسمي مذيّل
مدامكم من ديرة تمير ناصين=دارعلى بعد الف كيلو مكيّل
لايحرف الموتر على أيسار وإيمين=ولايمكن السواق دونه يميّل
معكم امانه لين دار الوداعين=وبالذات لاجيتوا بلاد السليّل
وخصوا بها كل ازملاي العزيزين=اللي معزتهم لها ماتخيّل
تقديرهم عندي على الراس والعين=سعد الصديق وضد منهو تعيّل
اهل الكرم لمقلط الحيل ضارين=والعود الازرق معه بنن مهيّل
ربعن خذيت بدارهم مدة اسنين=عسى السحاب اللي بنوه مخيّل
في جاه ربٍ خالق ادم من الطين=عسى لوديان السليل يسيّل

الشاعر / ليلان الرشيدي

الموضوع الأصلي: الخــــــــــــــــــــوه | | الكاتب: ثاري الشنيني | | المصدر: شبكة بني عبس

[ثاري الشنيني]

السلام عليكم ورحمة الله وبركاته

الاخ / سعد عادي

ارجوا تثبيت القصيده

[رويبح رباح العويمري]

ثاري الشنيني
صح لسان شاعرها وسلمت يدناقلها وبيض الله وجهك

[أبونواف]

صح لسان شاعرها وسلمت يدناقلها وبيض الله وجهك

[ثاري الشنيني]

ولد ابوه
ابو نواف

شكرا على المرور
تحياتي لكم

[عبدالله الذيابي]

ثاري الشنيني بيض الله وجهك على نقل هذه الرائعه
ولا هي غيربه على الشاعر ليلان الرشيدي فهو شاعر من خيرة الشعراء
ودائما قصائده راقيه
فله كل الشكر وصح السانه
ولك كل الشكر على النقل


تحياتي

[عايض بن صالح]

صح السان الي قايلها

وصح السان الي ناقلها

تحياتي يالشنيني

[مسندالعويمري]

ثاري الشنيني بيض الله وجهك على نقل هذه الرائعه
ولا هي غيربه على الشاعر ليلان الرشيدي فهو شاعر من خيرة الشعراء
ودائما قصائده راقيه
فله كل الشكر وصح السانه
ولك كل الشكر على النقل


تحياتي