[بدر الحشية]

راكب اللي لامشت فـي مشيهـا ثقـل وركـاده=كنها ممشى عـروسٍ ماشيـه مـن فـوق زلـي
صممت في ديـرة اللـي لا صـلاة ولا عبـاده=بس فك.. اربط .. وركب.. وانتبـه لا لا تزلـي
ديـرة اليابـان ديرتهـا وهــي دار الـريـاده=افحصوها وجهزوهـا ثـم قالـوا مـن يبـاللـي
عينها فـي جنبهـا عيـنٍ مثـل عيـن الجـراده=لكزس اليابـان بيـج الداخلـي والبـدي كحلـي
صوت دقة سلفها صرخـت غريـرٍ فـي مهـاده=وصوت رنـة هرنهـا (يامـن يهلـي مايولـي)
انسيابي شكلها ومنزله خلقـه ولا تبغـى حـداده=هيدروليك بـزر واحـد ينـزل البـدي ويعلـي
لا وازيدك بيت يا من صـارت الكـزس مـراده=لقبلت شوف العيـون اللـي تقـول عيـون نلـي
سم بالرحمن وستغفر وناد اللي عليها هـب نـاده=وشف وش اللي داخل الكزس دخيلـك ثـم قلـي
ليـزر الطبلـون مـع CD لتوفيـر السـعـاده=غير ازاريـرٍ كثيـره وش نقـول ووش نخلـي
كنهـا لاشفتهـا طيـرٍ شلـع بـأول هــداده =حرٍ اشقـر فـي مخاليبـه رمـاح تشـل شلـي
لعنبوهـا لاسـرت والليـل غاشيـهـا ســواده=كنهـا طلقـة كلاشـن كـوف ملعـون الجبلـي
ولوقفت تفرق عن اللـي واقفيـن وفـي زيـاده=كنها شيخٍ خشـع فـي مسجـده ساجـد يصلـي
تجمـع الهيبـه مـع الفكـر السياسـي والبـلاده=لتناقـض والتشابـه مايـعـل الـمـخ عـلـي
ليت هتلـر داريٍ عنهـا قبـل حـرب الأبـاده=كـان قدسهـا وعـم السلـم ورتـاح المفـلـي
منـوة اللـي يـا خليفـه ناقـصِ شربـه وزاده=حده الوقـت الـردي يشـر ولابـه مـن يهلـي
المخابي فاضيه والبطن فاضي والتعب زاد القراده=والديـار اللـي يبيهـا مبعـده والليـل حـلـي
نسـل شيـخٍ ماهـي وربٍ خلقنـا فيـه عـاده=ماتعـود لتعاسـه بـس جـاه اللـي حصـلـي
يـوم ضاقـت ماتذكـر غيـر ويـدري بعـاده=بس قـال ايـه نتذكرهـا عساهـا لـي تسلـي
ماتذكـرهـا كثـيـر وقـلـبـه مـلــل إراده=وقفت عنده وقال ابغى الكويت وديره احبابي حولي
قال سم اركب هلابـك فـارسٍ حصـل جـواده=اركب اركـب فدوتـك سيارتـي وافديـك كلـي
اركب وشوف الترامس شاهـي وقهـوه وسـاده=وهـذا ابـو نـوره معانـا يبعـد همـومٍ تحلـي
قلـت هـذي هقوتـي والنـار يتبعهـا رمــاده=وماتضيق الا الفـرج مـن بعـده عجـلٍ يطلـي
اركب وشوف الترامس شاهـي وقهـوه وسـاده==صاحبٍ ماضنتي بالنـاس غيـره صاحـبٍ لـي
ادعج العينـن شيـخ البيـض ممنـوح السيـاده=عنجهـي دلـوع فـي طبعـه رزيـنٍ مايملـي
منهي آليسـا ومنهـي نانسـي عجـرم وغـاده=فارقه رب السمـاء والزيـن كلـه زيـن خلـي
هو ربيع القلب هو عشبـه وهـو نفحـه بـراده=وهـو نهايـات الغـرام ومايسـوي جايـزٍ لـي
ولاوصلـت لـدار خلـي ديننـا يقـرب سـداده=بشرح الموضـوع لـه مابيـن دق وبيـن جلـي
وانت روح الله معك يا صاحبـي وشهـد شهـاده=ماحصل منك قصـور ولاحصـل شـيءِ يخلـي
وتنتهي رحلة عنـاي وزرعنـا يقـرب حصـاده=عند خلٍ فـي محلـه بـس كنـي فـي محلـي
راكب اللي لامشت فـي مشيهـا ثقـل وركـاده=لكزس اليابـان بيـج الداخلـي والبـدي كحلـي
القصيدة منقولة ولكم خالص تحياتي=

الموضوع الأصلي: لــــــــــكــــــــــــزس | | الكاتب: بدر الحشية | | المصدر: شبكة بني عبس

[فيصل الرشيدي]

صح لسان الشاعر


ربي يوفقك ولا هنت على النقل


يعطيك الف عافية

[ابوصالح]

صح لسان الشاعر

شكراً لك اخي الكريم

[بدر الحشية]

سيف عنتر
ابو صالح
مشكورين على المرور ولاهنتم

[عيد بن عبيد]

ولوقفت تفرق عن اللـي واقفيـن وفـي زيـاده
كنها شيخٍ خشـع فـي مسجـده ساجـد يصلـي
تجمع الهيبـه مـع الفكـر السياسـي والبـلاده
لتناقـض والتشابـه مايـعـل الـمـخ عـلـي
ليـت هتلـر داريٍ عنهـا قبـل حـرب الأبـاده
كـان قدسهـا وعـم السلـم ورتـاح المفـلـي


صح لسانك اخوي بدر
لا هنت يالغلا شي والا اروع منه
عقبال عندك انشاء الله
وتكون اخر موديل 2010
ههههههههههههههههههههه


اعجابي للقصيده وتقديري لك

مع تحياتي

[بدر الحشية]

اقتباس من مشاركة عـيـد بـن عبيـد ولوقفت تفرق عن اللـي واقفيـن وفـي زيـاده كنها شيخٍ خشـع فـي مسجـده ساجـد يصلـي تجمع الهيبـه مـع الفكـر السياسـي والبـلاده لتناقـض والتشابـه مايـعـل الـمـخ عـلـي ليـت هتلـر داريٍ عنهـا قبـل حـرب الأبـاده كـان قدسهـا وعـم السلـم ورتـاح المفـلـي صح لسانك اخوي بدر لا هنت يالغلا شي والا اروع منه عقبال عندك انشاء الله وتكون اخر موديل 2010 ههههههههههههههههههههه اعجابي للقصيده وتقديري لك مع تحياتي

هههههههههههههههه
مشكور اخوي عيد على مرورك الرائع ولاهنت
وكل عام وانت بخير وعافية

[صادق الوعد]

مشكور اخوي بدر على نقل الكزس والقصيده

[بدر الحشية]

لاهنت اخوي ذياب على المرور الرائع