[عبدالرحمن الحميدي]

قديم الشوق وش تبغي من اللي مايبيك وراح=نساك وحط في جرحك جمر وارتاح من جرّحت
صحيح الجمر يحرقني ولكني معاه ارتاح=يهون الجمر مع شيءٍ عرفته فيك يوم ارتحت
قديم الشوق ياكل العنى يامزعل المنساح=دخيل الله تريحني وانا اللي عن فضاك انزحت
نفذ صبري بيومٍ كان لي به اّخر الافراح=ضلوع الصدر صارت باليّه من عشقتك...مافلحت
بهت لوني من اسبابك عرفت ان الهوى ذباح=مع اللي مثل طبعك ياقديمي يوم بيدك طحت
أبد ماذكر معك شفت الليال ولونها وضاح=غموض وحزن وعتاب وشقا ياكم منهم صحت؟؟
يقولون الصبر لا طال يصبح للفرج مفتاح=وانا اقول الجروح تروح صدفه..وانت معهن رحت
فديت اللي لها شوقٍ يجي مثل الزهر فواح=يجي مثل العطر ينعش خفوقٍ في يدك شرحت
ياكم مره لفيت وكان وفي وجهي بقايا اتراح=تفرقها فـ بسمة عاشقه بافكارها سرحت
اجيها كسر واروح بعوافي حبها منزاح=عنك اكثر من اول ياقديمٍ في يدينه طحت

الموضوع الأصلي: قديم الشوق "Youtube" | | الكاتب: عبدالرحمن الحميدي | | المصدر: شبكة بني عبس

[عيد الداموك]

يقولون الصبر لا طال يصبح للفرج مفتاح

وانا اقول الجروح تروح صدفه..وانت معهن رحت

عبد الرحمن الحميدي

صح لسانك وننتظر جديدكـــ
شاعر جزل ولي عوده

[احمد منيف]

صح الله لسـآنك اخوي ..،،، ذكرتني بألقاء طلال الرشيد الله يرحمة ^_^

[كحيلة]

اقتباس من مشاركة احمد منيف صح الله لسـآنك اخوي ..،،، ذكرتني بألقاء الأمير طلال الرشيد الله يرحمة ^_^

صح لسانك أخوي عبدالرحمن..

[عبدالرحمن الحميدي]

عيد الداموك
حياك ربي يامشرفنا العزيز وطلتك غاليه علي
وبإنتضار عودتك الجميله والراقيه.

[عايد2001]

صح السانك وبيض الله وجهك
قصيده جزله من شاعر جزل

[عبدالرحمن الحميدي]

أحمد
الف شكر لك على مرورك
وانا والله ماسبق لي وسمعت أي قصيده
بصوت طلال الرشيد..
أخيراً:
نورتني ونورت قصيدتي الله لا يحرمنا منك ومن طلتك.

[ابو عايض]

صح السانك اخوي