[فواز العايضي]

هات القلم يابوفهد شبيب طال القاف طال
صافحت شعر مستحيل ان اليدين تخامسه




في فيضة فيها البختري والنفل والانتحال
شخصية انواع البحور اللي بصدري غامسه




دكت بوادرها شعر وابديت من بحر المحال
قصيدة(ن) يبطون مايدرون ش اللي رامسه




انا كذا دايم كذا لا دار في راسي جدال
هلوسة في بحر القصيد وجت كذا متلامسه




شاعر طغى ماني بشاعر فلسفه والانحلال
من روس قوم للمعالي كفهم متخامسه




بني رشيد اهل الكرامه والرجال اهل الفعال
عبس العريبه في مجال المجد تبقى شامسه




شمس اشرقت في قمة ترقى على روس الطوال
يشهد لنا التاريخ في كل الامور الحامسه




اقولها وافخر بها والمدح له عندي مجال
ماني ولد متعب ليا ماجبتها متنومسه




من عدني مكسب بعده في رصيدي راس مال
يابو فهد شوف القمر وشلون كفي تلامسه





انا كذا لا من رقيت المعضله مابه نزال
فتشت قيفان الشعر لين انتهت قوامسه








للشاعر
فــــواز الــــعــــايــــضـي

الموضوع الأصلي: جديد_فواز العايضي ((عبس العريبه)) | | الكاتب: فواز العايضي | | المصدر: شبكة بني عبس

[كاتب الرشيدي]

اقتباس من مشاركة فواز العايضي هات القلم يابوفهد شبيب طال القاف طال صافحت شعر مستحيل ان اليدين تخامسه في فيضة فيها البختري والنفل والانتحال شخصية انواع البحور اللي بصدري غامسه دكت بوادرها شعر وابديت من بحر المحال قصيدة(ن) يبطون مايدرون ش اللي رامسه انا كذا دايم كذا لا دار في راسي جدال هلوسة في بحر القصيد وجت كذا متلامسه شاعر طغى ماني بشاعر فلسفه والانحلال من روس قوم للمعالي كفهم متخامسه بني رشيد اهل الكرامه والرجال اهل الفعال عبس العريبه في مجال المجد تبقى شامسه شمس اشرقت في قمة ترقى على روس الطوال يشهد لنا التاريخ في كل الامور الحامسه اقولها وافخر بها والمدح له عندي مجال ماني ولد متعب ليا ماجبتها متنومسه من عدني مكسب بعده في رصيدي راس مال يابو فهد شوف القمر وشلون كفي تلامسه انا كذا لا من رقيت المعضله مابه نزال فتشت قيفان الشعر لين انتهت قوامسه للشاعر فــــواز الــــعــــايــــضـي

قصيدة راقية من شاعر راقي

هات القلم يابوفهد شبيب طال القاف طال

صافحت شعر مستحيل ان اليدين تخامسه

في فيضة فيها البختري والنفل والانتحال
شخصية انواع البحور اللي بصدري غامسه

دكت بوادرها شعر وابديت من بحر المحال
قصيدة(ن) يبطون مايدرون ش اللي رامسه
لله درك
وتستاهل الختم لو بها ملاحظتين

ارجو الأنتباه
1.ماني ولد متعب ليا ماجبتها متنومسه؟
القافية متغيرة يمكن خطاء أملائي
2. يابو فهد شوف القمر وشلون كفي تلامسه
حرف زائد الملون بلأحمر

[فواز العايضي]

اولا اشكرك اخوي ع الملاحظات

الاولى عن القافيه
1- ماني ولد متعب ليا ماجبتها متنوسمه
اخوي كاتب
انا كتبتها كذا لانها تكتب كذا وتنطق (_(متنامسه))
2- شوف القمر وشلون كف((ي)) تلامسه
من ناحية الحرف الزائد هو الياء ليس زائد تعمد ولكن لايصال الايحاء الشعري والايضاح

والمعذره
واشكرك ع المرور الجميل

[عبدالله الصفران]

شكرا على القصيدة اكثر من رائعة وانت شاعر رائع الرجاء تزويدي بالجديد يالغالي

[فواز العايضي]

بيض الله وجهك ع المرور الجميل والرائع

[ناصر الرشيدي]

صح لسانك
وافي يابو متعب

ومرحبا بتواجدك بيننا

[فواز العايضي]

ناصر الرشيدي
تشرفت بمرورك
فأنت استاذ الشعر
صراحة اعجز عن الكتابه عنك
ولكن مرورك
اثلج صدري
تقبل تحياتي

[احمد منيف]

صح الله لسـآنك اخوي فواز وماشالله عليك اخوي ،،، كاتب بالدقـه ،،، وزي ماقال اخوي خطأ بالقاف متنومسه فرق عن متنامسه وكتابتها لحالها.. )