[فواز الدواي]

السلام عليكم ورحمة الله وبركاته اخواني شعراء وكتاب وقراء منتدى عبس الكرام

الكل يعرف ان الرمز بالقبيله اوبالدوله او بالاسلام اذا كان رجل يمتاز بميزات

حسنه وطيبه تفوق محبته مع القدر الكبير وها انا اليوم اقف وقفت احترام وتقدير بحاسيسي امام شخص يستحق التقدير

والاحترام والمعزه من كل شخص قد عرف هذا (العلم ) وهو الامير الباشا / مشعل بن عبدالله بن مطلق بن مفرج المسيلم

رمز من رموز القبيله الذين يعملون لصالحها لقد رأت عيني هذا الشي الطيب في هذا المعدن الاصيل وبعد ايام من الزمن

سبقت قدرة الله هذا الاسد بحادث الليم اصابه وهو يسير الى مخيمه لكي يجهز احتفالٍ ضخم (بمخيم الرشايدة )

قدر الله ومشاء فعل لقد تأثرت بهذا الصديق العزيز على قلبي وكتب هذه الابيات الذي لاتعبر عن حب هذا الاسد واترككم

مع القصيده






يالله ياغـافـر ذنــوبٍ كـبـيـره
رحمتك اكبـر مـن ذنـوبٍ كبيـره
انت الرحيم اللي تجيـب الدعـاوي
لاصكـت جمـوع العبـاد الغفيـره
عفـوك ولطفـك ياإلـه الخـلايـق
والستـر يـارب العبـاد الستـيـره
انـت الرجـا ياربنـا بكـل حــزه
عنـد الامـور الهينـه والعسـيـره
ادعيك بسمائـك بوقـت الصلاتـي
بسمائك الحسنـى النقيـه الشهيـره
يالله تهـون مابقلبـي مـن ايــام
هو مطلبي بيـن الهمـوم الكبيـره
يوم الثلاثا العصـر روادنـي الهـم
خلا دموعـي دون ماشعـر غزيـره
قالولـي يافـواز مشعـل رفيـجـك
قالب واصاباتـه تراهـا خطيـره ؟
مـن ضيقتـي اطالـع بتيلفـونـي
واقـول عـزالله طاحـت عشـيـره
مشعل انـا ويـاه امـس انتمشـى
نسولـف بديـره ونضحـك بديـره
والراجحـي منـاور معانـا مسيـر
علـى دواويـن الربـوع المنـيـره
رحنـا وعزمنـا طيبيـن الجماعـه
علـى احتفـالٍ للوجيـه السفيـره
عقبٍ تركتـه قـال بـروح للبيـت
والصبـح نمشـي للمخيـم نديـره
راح وحصل ماصار باخـر طريقـه
يالله عساهـا عنـد مـولاه خيـره
بسم القبيله ننـوي نسـوي الطيـب
من شان تبقـى للجماعـه مسيـره
نبغى القبيله كلهـا افـراح بفـراح
ارجالهـا ترفـع سيـوفٍ شطيـره
نأيـد الجمعـه ونتـعـب عليـهـا
ومانلتفـت حـق الوجيـه الغبيـره
نبغـى مجالسنـا تـراث وثقـافـه
وتواصـل الارحـام ينبـت عبيـره
حنا سعينا والولـي فوقنـا يشـوف
يشـوف مسعانـا وعينـه بصيـره
يامـا تهمونـا قاصريـن الهقـاوي
لن الحسد يفجر مـن القلـب غيـره
نخلـي النـمـام يفـتـر لسـانـه
مثل الجمل اليـا فـدر مـن هديـره
متحيزميـنٍ للسـعـد والمـراجـل
وسيف المعزه نسحبه) مـن جفيـره
هذي عوايدنـا مـع الشيخ(مشعـل)
وفعولنـا لمشعـل تراهـا صغيـره
مشعل بن مسيلم ) صـدوقٍٍ وطيـب
يشيـر ربعـه والربـع تستشيـره
اميـر يامشعـل وطيبـك امــاره
انا اشهد ان الجـود راسـك اميـره
مشيـت ويـاك وبخصتـك بـدقـه
تفـداك سـودان القلـوب الحقيـره
فيك الكرم بابه مشرع علـى طـول
ياما عطـت ايـدك نفـوسٍ فقيـره
تعطـى لربـك ماتبـي يمدحـونـك
حارص على طيب الخفى والسريـره
كـم واحـدٍ بالخيـر يذكـرك دايـم
حطيتلك في منهـج الطيـب سيـره
لاعـدت يايـومٍ بــدار العنـايـا
جيته ولقيتـه طايـحٍ فـي سريـره
انهار عقلي والحـزن صـاد قلبـي
وسجن الحزن في داخله صرت اسيره
انا اشهد انك غالـيٍ حيـل عنـدي
في طيحتك زاد الغـلا فـي هميـره
ماجور واجـرك عنـد رب العبـادي
اجـرٍ قليلـه يسعـدك عـن كثيـره
لاتحسبنـي دالـهٍ عـنـك سـالـي
لا والـذي للطيـر صخـر مطيـره
انـا وبـن راشـد ترانـا نتحـدى
منهـو يوصـل للمحبـه الغميـره
فهد ولد راشـد عريـب الجـدودي
يشبه لفارس في حـروب الجزيـره
وابو علـي موسـى يعـزك معـزه
لاراح بلحالـه دمـوعـه خـريـره
وفالح ابو يوسف ونعـم الرياجيـل
محبتك عنده حشـى مـو صغيـره
بين غـلاك بداخـل قلـوب ربعـك
كلٍ عيونـه سولفـت عـن ظميـره
عـزاه يانـارٍ جلسـنـا بطرفـهـا
نضحك ونقصـد والنشامـا سهيـره
دلال صفـر مبهـراتٍ علـى النـار
وربعٍ يشـوق كـل منهـم نظيـره
ضحك وناسه وكلبونـا بنـي عـم
بمخيـمٍ كبـر البلـد فيـه نـيـره
والشيـخ مايوقـف بذبـح الذبايـح
مخـلـيٍ دم الذبـايـح ثـريــره
اذا قعد (باشـا) واذا قـام (باشـا)
يبخص وعينـه بالمراجـل خبيـره
كريم سبـلا مـن سلالـت مطنـخ
والنعم اخو نـوره علومـه شهيـره
ياراعي العطفـه حصـان الاصايـل
ياجعل راسـك سالـمٍ فـي مصيـره
ترجـع لياليـنـا اذا الله قسمـهـا
وكـلٍ مـن الفرحـه يذكـي بعيـره
كاني اخو مشعل .. اذا جيت طيـب
لتشـوف شـيٍ يذكرونـه ذكـيـره
ابعث سلامي لك يا طيـب السـاس
ودموع عينـي بالبيـوت الاخيـره

الموضوع الأصلي: (راعي سبلا الباشا ) مشعل بن عبدالله بن مسيلم | | الكاتب: فواز الدواي | | المصدر: شبكة بني عبس

[الاجهر]

مشكور اخي فواز الدواى مشاركة رائعة جدا
تقديري وحترامي لك

[مسندالعويمري]

الشعر الغالي
فواز الدواي

نبارك لكم يا اهل الكويت هذا النجاح المميز

لمهرجان التراث والثقافه وبيض الله وجيهكم

وصح لسانك . ونعم بك و بكل من ذكرت بقصيدة


رجال اهل طيب ورجال فيهم خير


تقبل تقديري الخالص

[فواز الدواي]

الاجهر اسمك نور الصفحه

دمت بخير ورفع الله قدرك

[الوافي]

فواز تسلم يمينك وصح السانك

اخوك الوافي

[فواز الدواي]

سند العويمري

عسى الله يسلمك ويجزاك خير

تسلم على المرور

[النجم]

نبغى القبيله كلهـا افـراح بفـراح
ارجالهـا ترفـع سيـوفٍ شطيـره


فواز سجل اعجابي

[فواز الدواي]

الوافي

وسلمت يمناك


صح بدنك