[نايف العجوني]

ملاحظة : انتظر حتى يتم تشغيل الصوت تلقائي

شد النهار وكفكف النور ثم راح=ثــم حــل لـيـل ٍ يحتـضـن كـــل سـهــار
يـالــيــل يـامـلـهــم مــواجــيــع وافــــــراح=عـلـك تعـيـن أنـسـى تصـاريـف الأقـــدار
نـاسٍ لـيـا راحــوا كـمـا هــم وانــزاح=ونـاسٍ ليـا قـفـوا كـمـا الـوقـت لاجــآر
أمـس الوصـل نجمـه كمـا سهيـل وضـاح=واليـوم أشــوف البـعـد جــا دونــه سـتـار
ويـن الرفيـق اللـي لـه الشـوف طمـاح=أتــلا العـهـد بـــه فـــي تـواديــع الانـظــار
لاهــــو ســمــح مــنـــي ولانـــــي بـســمــاح=حسـبـي عـلـى الـلـي شـيّـد الـبـيـن بـجــدار
عليـه وجـدي وجـد مــن قــام ثــم طــاح=عقـب السلامـه ركـبـو فـيـه الاجـبـار
يبكـي كسـوره وان سـرى ليلهـا نـاح=حتى ونينه يسمعه سابع الجـار مشكـاه
مشـكـاه لاهـوجـس زقــاره ومـسـبـاح=ومبـداه مايشكـي مـن الوقـت الأخيـار
ولا كـمـا وجــد اليتـيـم الــذي صــاح=بالـقـول يـمـه يشـتـكـي وحـشــة الـــدار
مـن عقـب حـبـة راسـهـا كــل مصـبـاح=اليـوم صـارت بأوسـط البـوك تـذكـار
أو وجــد أخــو قــرمٍ نـصـا الـمـوت نـطــاح=بـأرض اليـهـود ومارهـبـه ظـلـم جـبـار
قـالــوا شـهـيـد وجـثـتـه مسـكـهـا فـــاح=ثـم أكـدوا علمـه معـا موجـز اخـبـار
شـافــه عـضـيـده وازرق الـدمــع سـفــاح=واحـتــار ويـــن الـثــار يـاطـالـب الـثــار
هـذا وجــودي كــل مـسـرى ومـسـراح=عـلـى الــذي لـوبــاروا الـنــاس مـــا بـــار

الشاعر : فهد عسكر العجمي

اداء الشيله : طلاع

الموضوع الأصلي: شد النهار | | الكاتب: نايف العجوني | | المصدر: شبكة بني عبس

[سحايب]

الله عليك وعلى هالذائقه الراقيه
قصيده راائعه
واداءاضاف للقصيده جمال اخر
صح الســـان الشاعر
وسلمت يمناك ولاهنت
ننتظرمنك الجديد الاجمل

[نايف العجوني]

اشكرك اختي دمعه على المرور الذي نور متصفحي

[نايف العجوني]

العذر والسموحه منكم فيه بعض الابيات ناقصه فلم انتبه لها الا الان

[بندر الشويلع]

صح لسان شاعرها وتسسسسسلم يمين نآقلها
وختيآر موفق
وشكراً ع النقل المميز

[الشقاويه]

مشكوووووور والله يعطيك الف عافيه

[نايف العجوني]

اشكركم جميعاً على المرور

[نايف العجوني]

اشكركم جميعاً على المرور