[مفتاح]

سعود العجوني
مرحبا ترحيبتن تتعب لهاالطرقيه=والضوامي ياردن العد ضامي ضامي
الطيور اطير فوق الكوره الأرضيه=يستر المولا عليها من سلاح الرامي

محمد التركي
البقا بك يالمرحـب مثلهـا مثنيـه=جيت ابغني معك واللعب حامي حامي
المهلهل في بني وايل سوات الفيـه=وين مالقيت وجهك شرق ولا شامي

سعود العجوني
اشهد اني تو مالديت للماليه=لاتطير بي عيونك والوعد قدامي
يامحمد يازعيم الثوره الشعريه=جيت ساري تطرق الأبواب ماتنلامي

محمد التركي
انت لك نيه وانا يالعجوني لي نيـه=والعيون الساهره من طبعها متنامي
مالحقني شك ياراع الوفـى موليـه=ادحَم الشعار في جمبي واشد حزامي


سعود العجوني
نيتي وحده ماحب النيه العكسيه=لاسريت الليل ماعمري ثنيت عظامي
شفت فيك امن الوفى والمرجله ماريه= ليه صدرك يامحمد ماعليه اوسامي


محمد التركي
يابني عجوين ذخر العزوه العبسيه=عن لواهيب السموم ودورت الايامي
البروق تلوح فى المنشا وناري حيه=لاتدين الناس جايز للظروف احكامي


سعود العجوني
كان قصدك خوف مني زلتك مرفيه=من مدح خصمه سوات منكس الاعلامي
من وسع صدرك لو الحسنه تسجل سيه=ماتقوم قيامتك سارح مع الاوهامي


محمد التركي
كلمتك هذي ترا عندي ماهي بشويه=حشم ضيوفك مدامك من رجال احشامي
يامعمر لا تيتم بنتك الليبيه=ويصبحون عيالك الي من وراك ايتامي


سعود العجوني
السوالف غشمره لاتجيبها جديه=اشهد انك تو يالمسلم جرحت اصيامي
دون حلقي يابن تركي لاتلوم ايديه=ليه تسترحم من الريس وقلبك دامي


محمد التركي
الحقيقه ماتبور العملـه النقديـه=والبلا فى السلعه الي مالها سوامي
المباره انتهـت والملعبـه وديـه= ليتها ماصفرت صفارت الحكامـي

امل ينال استحسانكم التنسيق

((منقوله من منتدى العجاونه))

الموضوع الأصلي: محاورة قوية بين الشاعرين ( محمد التركي ) (سعود العجوني) | | الكاتب: مفتاح | | المصدر: شبكة بني عبس

[قسورة الغاب]

الله الله

صح الله السنت الشعار

وسلم الله يدك يامفتاح طاروووق جازلي جدا

لاهنت

[سنام عبس]

يامعمر لا تيتم بنتك الليبيه .. ويصبحون عيالك الي من وراك ايتامي

الله يعلي مراتبك ياشيخ

من وسع صدرك لو الحسنه تسجل سيه ... ماتقوم قيامتك سارح مع الأوهامي

الله يعلي شانك ياشيخ


طاروق جميل وصح الله السانكم

شعراء تستحقون الأشاده

وابو سالم مايحتاج شاعر له ثقله

والشاعر محمد التركي باين عليه ماهو بسيط

الله يوفقكم

ولاهنت على النقل يامفتاح

[صياف]

صح اللسان الشاعرين بالفعل .. مباراة ودية

[اسامه العجوني]

صح السانك يابو سالم وصح السانك يامحمد
طاروق ملعون والدين حشا والحشا عن يمين ان ماهو ودي
شكرا ع النقل يامفتاح

[الـنـاقـد]

طاروق لا يعلا عليه يابو سالم وليس بمستغرب منك هذا الدهاء والحنكه يالذيب سرحان سر والله يرعاك واتمنا لك التوفيق