[فضي البراك]

قريبة جداً لي ،،

اللي بعد ما غاب عنكم بكيتوه=كم صار له معكم ولا احد درا به

يا ليتكم ملتو عليه وسالتوه=سؤالكم .. يمكن يغير جوابه

لكن خذيتوا كل شي وتركتوه=(لضيقته .. ولعزلته .. واغترابه) آآآآآآآآآه

اليوم بس اليوم يعني فقدتوه=وهو له سنه من يوم مااقفت ركابه

لو كان فيكم خير كنتوا ذكرتوه=قبل الزمن يسرق ملامح شبابه

يعني عشانه ما اشتكى ما سمعتوه=هذا الخطا اللي ما حسبتوا حسابه

ما قد عرض شكواه حتى على اخوه=شلون اجل يشكي عليكم صوابه

طبعه يموت ولا ألحَق الغيم مشروه=عزة ضماء ولا مذله سحابه

اقفى عساه مجار من كل مكروه=راسه عزيز و راس ماله ثيابه

وعفة يديه اللي خذاها من ابوه=وصبره على جوعه وقله زهابه

خله يتوه بكيفه احسن و لا يتوه=بيدين ناس شرعها شرع غابه

الذيب فيها من سلك درب مشبوه=واللي ما هو ذيب كلته الذيابه

يا ما انبنى من حلم فينا وهدوه=وقت غريب وناس اكثر غرابه

صدق القناعه كنز لكنهم افنوه=و حتى الاصابع علموها تشابه

ما دام صوتك من ورا الباب مسفوه=يا ريح هذي باب من سد بابه

و الصاحب اللي غاب لو هم تناسوه=قولي لهم لا يفرحون بغيابه

هم حصلوا في غيابه اللي تمنوه=بس الوعد لا من برى من صوابه

منقوله

الموضوع الأصلي: عزة ضماء ولا مذله سحابه | | الكاتب: فضي البراك | | المصدر: شبكة بني عبس

[(فارس الرشيدي)]

ذائقه رفيعه واختيار موفق
سلمت يابوفيصل وياليت نعرف صاحبها

[راسبه بالحب]

يالله روعه الابيات كل بيت قصيده لحاله ..


سلمت الايادي على النقل المميز .. صح السان شاعرها ..

[سحايب]

رائع انت يافضي بما تختارمن مفردات
صح الســان شاعرها
وسلمت يمناك على مانقلت

[ناصر الرشيدي]

وعاد الغيم في فصل من فصول السنه
لينهمر على تلك البيد والتلال
وعادت الحياه بهطول المطر
كل تلك التغيرات في الاجواء يقول خبراء الأحوال الجويه
انها ناتجه عن ظهور نجم جديد .
ابو فيصل
كم انا مشتاق لإختياراتك

[سعيد عيد الرشيدي]

صح لسانك اخوي فضي وذوقك على هذا الانتقاء الجميل بجمال روحك المتواضعه
وصح لسان شاعرها وعلى ما اظن انها للشاعر فهد المساعد
تقبل تحياتي وتقديري لشخصك العزيز

[فضي البراك]

اقتباس من مشاركة (فارس الرشيدي) ذائقه رفيعه واختيار موفق سلمت يابوفيصل وياليت نعرف صاحبها

الذوق مرورك ،،

والقصيدة للشاعر فهد المساعد

[فضي البراك]

اقتباس من مشاركة راسبه بالحب يالله روعه الابيات كل بيت قصيده لحاله .. سلمت الايادي على النقل المميز .. صح السان شاعرها ..

راسبة بالحب الروعه هو مرورك ،،

لا هنتي ،،