[سيوف بني عبس]

اعجبتني هالقصيده وحبيت انقلها لكم



البنت بالحشمة مواري حلاها
لاجات محتشمة تفوق المزايين

ماهي على الموضه سريعه اخطاها
تمشي على العادات والشرع والدين

مستوره وزايد حلاها حياها
ولا ارفعت لاهل الهوى طارف العين

محدن حكى عن سرها عن خفاها
ما شاغلت فكر وقلوب المحبين

تردع بارادتها مجامح هواها
ولا غواها بالظنون الشياطين

ما هي رخيصة طاوعت من بغاها
هذيك منبوذه وكل فعلها شين

في كثرت العشاق دايم تباها
كل يوم قصة حب ماله عناوين

تمشي وكم واحد تتبع وراها
زايد دلعها ضاربه بالمضامين

فيها التكبر والتكبر عماها
متغطرسه على البشر والقوانين

ضاعت بعدما طاوعت من غواها
ظنت تسوي زين ما سوت الزين

البنت يكبر بالتواضع غلاها
بالعلم والرفعه تخوض الميادين

دايم ينمي علمها مستواها
ماهي ورا الموضه تغني تلاحين

البنت حشمتها تزود حلاها
لا من مشت بسلوم اهلها وبالدين




اتمنى انها اعجبتكم

الموضوع الأصلي: البنت بالحشمة مواري حلاها | | الكاتب: سيوف بني عبس | | المصدر: شبكة بني عبس

[راسبه بالحب]

يعطيك العافيه .. لاهنتي ع النقل ..

[سحايب]

صح الســـان شاعرها
وسلمت يمناك يالغلا قصيده
رااائعه

[سيوف بني عبس]

اسعدني مروركما وافرحتني ردودكم