[فضي البراك]

حصريا وقبل الكل

قصيدة للزعيم مساعد الرشيدي القاها البارح باحتفالات مملكة البحرين وكان ممثل السعوديه بالامسية الخليجية

ماعاد رجلي لامسيات الشعر عشّاقة طريق =لو كان ماعفت القصيد ولاتعبت من السفر
لكنها البحرين والبحرين غواية عشيق =والله مالي دونها صدّه ولامنها عذر
والليله نجوم السعد تملا سما الدار وتويق=والشعر بعيون (المنامه) مايبلله السهر
سلام يادار الخليفه عد لماع البريق=واعداد ماضمك على صدره من الشيمه بحر
واعداد مازعلتي عدو واعداد مافرحتي صديق=واعداد ماتشرق عليك الشمس ويضوي قمر
لبيه يادرة خليج العرب يالساس العريق=لولاك مالبست لك امواجه دشاديش وغتر
لبا شموخك يارفاع العز ياعز الرفيق=في ظل ابو سلمان دمتي في سلام وفي فخر
يزهى على عرشك ملك تاجٍ على راسك يليق= علق على صدرك من امجاده نياشين ودرر
والخير بترابك نهر والشر في بحرك غريق=ومنين ماتنده لك العليا يجي دربك خضر
يادار يجذبني على لاماك مكنونٍ عميق=وعليك يكفخ بين جنحاني من الفزعه صقر
لعيون مرجانك ومحارك وخاتمك العقيق=جينا ولامنا ولاعنا ليا جينا مفر
ان كانها بالفعل نادينا وصدرك لايضيق=وان كانها بالشعر سيلنا مداهيلك شعر
عهد (سعوديٍ) (اماراتي) (كويتي) وثيق=ماله مثيل الا عهودك من (عمان) ومن (قطر)
مانتي لحالك (والعواصم ست) لاشبّ الحريق =ولانتي عشا للي يبي يصطاد بالماي العكر
ماعند غربان المجوس الا الدسايس والنعيق=بانت غباينها بعد (درع الجزيره) ماظهر
والطامع اللي مايبي من تيهة احلامه يفيق=قولي له البحرين خط احمر ومطلوبك عسر
لاشتت الله شمل خلانك عسى فالك وفيق=صلي على محمد وكوني مع عليّ ومع عمر
الله يسود وجه من يزعلك يالوجه الطليق=كادن يطولنك يدين الغدر مير الله ستر

الموضوع الأصلي: مساعد الرشيدي:يادار يجذبني على لاماك مكنونٍ عميق | | الكاتب: فضي البراك | | المصدر: شبكة بني عبس

[سالم الرشيدي]

روووعه مآآآشــآء الله
صــح السـآن
الزعيــم // آبو فيصــل مسآعد بن ربيع
على القصيده الج ــزله وآلوآفيه ومآفيه حيله آبو فيصل دآئمن مبدعنا بقصآيده الوآفيه
والله يديم الامن و الامآن على شعوب الامه العربيه
ولاهنـت يآبن برآك وبيض الله وجهكــ ....

[راسبه بالحب]

يعطيك العافيه .. صح السان مساعد ..


لاهنت ..

[بوتفليقه]

الله عليك يافضي
قصيده رائعه وتلاحم خليجي رائع

[النمر1012]

صح اللسان ابوووووووووووو فيصل وبيض الله وجه وجهك يافضي
الزعيمممممممممممممممممم يبقى زعيممممممممممممممممممممم
قصيده جزله واكثرواكثر واكثر من رائعه كما عهدنا من الزعيم مايجيب الا جزاله وافي وافي والله يابوفيصل

[فضي البراك]

اقتباس من مشاركة سالم الرشيدي روووعه مآآآشــآء الله صــح السـآن الزعيــم // آبو فيصــل مسآعد بن ربيع على القصيده الج ــزله وآلوآفيه ومآفيه حيله آبو فيصل دآئمن مبدعنا بقصآيده الوآفيه والله يديم الامن و الامآن على شعوب الامه العربيه ولاهنـت يآبن برآك وبيض الله وجهكــ ....

سالم

مرورك بحد ذاته شرفٌ لي ،،

لا هنت ،،

[ذرا عبس]

بيض الله وجهك ووجهه وصح لسان الزعيم

[نواف فضي]

يعطيك العافيه .. صح السان مساعد ..


لاهنت ..