[صلاح مطلق]

بسم الله الرجمن الرحيم



اقدم لكم هده القصيد واتمنا ان تعجبكم000




صالت هواجيسي وجالت حررت 000 نبذه عن الواقع بقاف ٍ بديته




على الشريعه من كرم خالقي سرت 000 وبحدودها حق القرابه رعيته




كم مرتن خطا القريبين صغرت 000 لوكان مكتوب ٍ بخط ٍ محيته




راع الخطا مع زلته ماتحدرت 000 بالعكس رجم العفو شمت ورقيته




مهما حصل من حظرته ماتكاثرت 000 وصارعت غيض النفس حتى قويته




ماهي ضعافه يوم عنه تقتقرت 000 بين الشنب والدقن وضعه لقيته




وليا نصاني بحاجة ٍ ماتأخرت 000 ان مانفعته بالزمن ماشنيته




ارتاح لامني لك الله تذكرت 000 كلمة نبي ٍ طايعه ماعصيته




واهل الوفاء والطيب فيهم تفاخرت000 منزالهم بقصا الظماير بنيته




وكم واحدن من قاصي الناس قدرت 000 اللي يقدر جيتي لانصيته




من الصغرعن واجبي ماتعذرت 000 وهبه من اللي في صلاتي دعيته




وبعلاج راع النمنمه ماتحيرت 000 اشعلت نار الصمت وفيها شويته




رغم الظروف بدنيتي ماتضجرت 000 فضل الصبر بكتاب ربي قريته




اخذت من كنز القناعه وكثرت 000 ما قدر المولا علينا رضيته




الشاعر/ صلاح مطلق بن بدوي المظيبري

الموضوع الأصلي: نـــــــار الصــــــــــــــــــــــــــــمت | | الكاتب: صلاح مطلق | | المصدر: شبكة بني عبس

[سحايب]

راع الخطا مع زلته ماتحدرت 000 بالعكس رجم العفو شمت ورقيته




مهما حصل من حظرته ماتكاثرت 000 وصارعت غيض النفس حتى قويته


صح الســـــــــــــــانك وعلاشنك
قصيد رااائعه وحضورمتميز
يعطيك العافيه ولاهنت

[احمد منيف]

راع الخطا مع زلته ماتحدرت 000 بالعكس رجم العفو شمت ورقيته

صح الله لسـان شاعرها ومشكور اخوي ع انقل الطيب

قصيدة طيبه :)

[صلاح مطلق]

اشكر الجيع على المرور المشرف
تحياتي

[غـــلاءنـــجـد]

صح لسانك والله يعطيك العافيه

[كحيلة]

واهل الوفاء والطيب فيهم تفاخرت000 منزالهم بقصا الظماير بنيته

وكم واحدن من قاصي الناس قدرت 000 اللي يقدر جيتي لانصيته

راقت لي القصيدة..كل الشكر لك ع الاختيار المميز..
لا خلا ولا عدم