[خابت هقاويك]

السلام عليكم ورحمة الله وبركاته

:

(إخواني وأخواتي أتيت لكم بفكره إبتدعتها و أرجو أن تنال على إستحسانكم )

وهي : لو ان الملك عبدالله (أطال الله في عمره) يريد مقابلتك

فبينما انت جالس في البيت وبعد فترة الغداء ( ومكثّر من البن ) أتاك إتصال هاتفي من رقم غريب ولكن مميّز فخرجت إلى ( الحوش) لكي ترد عليه , وإليكم السيناريو :

درن درن .. درن درن ..!!
انت : الو ...
هو : السلام عليكم ورحمة الله وبركاته
انت : وعليكم السلام يا أهلين وسهلين مرااااحب
هو : هلا فيك انت فلااااااان ( طبعآ الصوت ثقيل )
انت: هالله هالله معك فلان إلا من معي
هو : معك الأمير فلان بن فلان أمير منطقة .. (اسم منطقتك )
انت: يا هلا طال عمرك الساعة المباركة الله يعزك ويخليك لنا وعينك على طاعة الله
هو : شكرآ على العموم أنا جاني إتصال من الديوان الملكي في الرياض وطلبوا إنّي أخبرك ان الملك عبدالله يبي يقابلك لكن ما عرفة السبب .. أقول يا فلان انت وش مسوي عسى ما خلاف ؟؟
انت : هاااااه .. وش السالفه طال عمرك والله العظيم اني ما سويت شئ ولا قد تكلمت بأحد أقسم بالله اني احب الملك وأحب الحكومة وأنا سعودي وأمي سعودية (مدري وش دخل أمك بالسالفه) وانا على السمع والطاعة والله احب السعودية وأحب....(طبعآ قاطع كلامك )
هو : بس بس خلاص يابن الحلال ما يحتاج هذي الهقوه فيكم يا أهل السعودية المهم عاد ترى بكرة طيّارتك للرياض وعلشان تطمئن انا بروح معك
انت : اي والله تكفى لا تخلّيني والله إني خايف ومدري شسوي حتى إني من كثر الرهبة مقدر أقعد
هو : هاااه هاااه هاااه ( يضحك ) لالا ما عليك هذا ابو متعب وش الي يخوّفك فيه هذا (ملك القلوب) ولو كنت مسوي شئ راح يسامحك .. على العموم مثل ما قلت لك جهّز حالك ومع السلامة
انت: أبشر أبشر والله يطمنّك بالخير ريحتني ما تشوف شر وتشرّفت بإتصالك

طوط .. طوط .. طوط

يا شباب بصراحة ان لو يصير معي هالموقف والله مدري شسوي لكن اتوقع اني ما راح أرقد ذيك الليله لأني بقابل الملك وانشاء الله يتحقّق

اما الحين أبي أقرأ ردودكم وأرجو المشاركة لا هنتم

الموضوع الأصلي: لو طلب مقابلتك الملك عبدالله ؟؟؟؟ ماذا تصنع | | الكاتب: خابت هقاويك | | المصدر: شبكة بني عبس

[دانه]

البنات لهم مشاركه ههههههههههههه

[خابت هقاويك]

هههههههههه حياك الله ما فيه مشكله ولا ما تمنّين تقابلينه
شكرآ على المرور

[دانه]

الا والله اني اتمني بس اخاف ارجولي ماشيلني من اروعه

بس عاد تدري لو انه جايني هالاتصال ماتلقني جالسه تلقني كل طاري يطري علي استرجع ذاكرتي يمكن اكون مسوي شي وانا مدري هذا اذا جلس علي كبدي شي هههههههههههه

وتلقني اقوم واطيح اذا جيت ابي اقابله واطلب مساعده يشيلوني بدفافه


والله يعطيك العافيه اخوي

[خابت هقاويك]

هههههههههههههه
يا ليتها توقف المسأله على الدفّافه المشكله كان هجّيت برا السعودية ولا عاد أرجع

[غـــلاءنـــجـد]

الله يعيني وقته احوس بنفسي ومدري اصدق اولا بعد الحوسه هههههههههه

[سـلطآن]

أهاإا

Ɣ أنت مسوي شَيـۓ مادق عليك الملك أرسلك جندي وسحبك

بخصوص مقابلته عادي ماشوف شَيـۓ يخوف هـع

[خابت هقاويك]

هههههههههههههه
هو حوس وبس إلا فر بالسيارة طول اليوم
وشكرا على المرور