[المشعل]

الحب مثل النوم .. والوصل .. الاحلام..
.. والشيين من الاحلام..صد المحبيين

نوم ٍ طويل ٍ عمره اشهوور واعواام ..
.. وان قمت.. ففهمها فرااق وسهر عين

وانا رقدت وعمري اربع عشر عام ..
.. وصحيت في شهر اربعه عام الالفين

نوم ثقيل كله احلام واوهاام ..
.. ونصيبي من احلامه الجانب الشين

صحى الفرااق اقلوب في عكسه..نيام ..
.. وغاب الفرح وانا بعكسه الى اللحين

ياحزن كبدي حزن من ضاق ثم حام ..
.. اخذت فروخه مادرى ليه ولوين؟

بعد ما شاف العش عيدان وعظام ..
.. خاالي..تفكر فووق ويساار.. ويمين

خلا عشاها فيه ومن الوطى شاام ..
.. زبن على روحه وفل الجناحين

وياوجد حالي وجد من نام ثم قام ..
.. على صياح امه وهو دون رجلين

عويق وامه تنعته والنعت سام ..
.. وهو خابر انه يقسم الصف صفين

حبا وصاح بصيحة تاصل الشام ..
.. منها تقطع في خفوقه شرايين

على وليف قسم اظنوني اقسام ..
.. واقفى وانا ما اعرف طرد المقفين

راح وترك في صدري ووسووم واعلام ..
.. وصى علي طيفه وقفى بقلبين

ليته تعذر كان ماهو بملام ..
.. بعد ماشااف الدرب بيسير دربين

اشوى عليه شوي..من عظ الابهام ..
.. واشوى علي شوي..من دمعة البين

تمشي بنا الاقدام والموت قدام ..
.. وميعادنا يمفرق اثنين بعدين

ياعين لا تبكين وعيونه تنام ..
.. عادش الى ما خاب ظني بترضين

لو الدموع اتفيد فادن الايتام ..
.. ولو الكلام يفيد عادت فلسطين

ولو النباات يطلعه دمعة هيام؟..
.. شفتوا على وجهي ورود وبساتين

الحب سجن..وبعد الاحباب الاعدام ..
.. وقلوبنا السجان مدري مساجين

الحب نوم عمره اشهوور واعوام ..
.. وان قمت ففهمها فرااق وسهر عين

الموضوع الأصلي: الحب مثل النوم ...لـ بن فطيـس.. | | الكاتب: المشعل | | المصدر: شبكة بني عبس

[أحاسيس]

لو الدموع اتفيد فادن الايتام ..
.. ولو الكلام يفيد عادت فلسطين

قصيده في غايه الروعه ذوق راقي

[احمد منيف]

ياحزن كبدي حزن من ضاق ثم حام .. .. اخذت فروخه مادرى ليه ولوين؟ بعد ما شاف العش عيدان وعظام .. .. خاالي..تفكر فووق ويساار.. ويمين

صح الله لسـان ابن فطـيس
ومشكور اخوي ع النقل الممتأز :)

[المشعل]

كبرياء جرح .. احمد منيف

مروركم راائع ويسعدني

الله لايهينكم

تحياتي لكم ..

[الزعيم..]

ابيااااااات اله ذاااقته الخاااصه
سلمت الاياااااادي

[المشعل]

شيبوب عبس

سلمت ودمت

اسعدني مرورك ولاهنت