[أبونواف]

بسم الله الرحمن الرحيم

يا قلم اكتب عن اللي بالضمير
عن تجارب..عن دروس(ن) في الحياة

عشتها والله وتعلمت الكثير
فاقد الاحساس مايوم(ن) عطاه

قول ووضح للصغير وللكبير
عن امل ما مات.. واعلنا وفاه

العمر لو طال.. كم يبقى قصير
ما عرفنا الصح من كثرة خطاه

مره يصدق واحسب انه لي عشير
وان كذب كله غرور(ن) من دهاه

دبلوماسي واعرفه شخص(ن) خطير
مضيَعه للوقت لو تلعب معاه

صرت احسب انه لقى له شخص غير
صعبه يفهمني ولااتفاهم وياه

لعن ابو هالحب ياقـلبي الفقير
اترك دروبه ولا تمشي وراه

كنت احبه وكنت في وده اسير
كنت اردد له واقوله دوم آآه
وسلامتكم

الموضوع الأصلي: يا قلم اكتب | | الكاتب: أبونواف | | المصدر: شبكة بني عبس

[فهد المويسه]

صح لسانه

وقصيده رائــعــه

وتقبل سلامي

[أبونواف]

مروركم منور